1 Corintios 15:58 - Biblia Guarani Tumpa Iñee

⁵⁸ Jáeramo, cherɨvɨ aaɨu vae reta, peñemoäta ngatu jare peñemomɨ̈rata, peparavɨkɨ avei yandeYa pe, echa peikuaa kërai mbaetɨ ko peparavɨkɨiño yandeYa pe.

Nuevo Testamento Guaraní Pe

⁵⁸ Jae rambue, cherɨvɨ aaɨu vae reta, peñemoatangatu jare peñemomɨrata. Jecuaeño tanta peparavɨquɨ ñandeYa pe. Echa peicuaa quirai peparavɨquɨ yave ñandeYa pe, ñandeYa omboecoviata peve.

1 Corintios 15:58 ပူးပေါင်းရင်းမြစ်များ

2 CRÓNICAS 15:7

Ërei pe reta peñemoäta ngatu, agüɨye peyembopɨtu, echa perembiapo reta oimeta jekovia peve.”

NEHEMÍAS 6:4

Irundɨ ye ombou chereenɨiuka reta, ërei che jökorai yeño amboyevɨ chupe reta.

SALMOS 112:6

Jáeramo, ngaraai ogüɨapi. ¡Kuimbae jupi vae güi ngaraa iñakañɨ vae!

SALMOS 19:11

Jaeramiño vi che nderembiokuai ayemboarakuaauka pɨpe; ayapo yave, chemboyekou yae.

SALMOS 55:22

Eeya ndeyemoambeko yandeYa pe, jae neñono kavita; jae ngaraa omaeño ogüɨapi kuimbae jupi vae.

SALMOS 73:13

¡Chepɨa aitɨoiño ma, mbaetɨ mbaerä ikavi cheve, aitɨoño ma chepo opaete mbae ikavimbae güi!

SALMOS 78:37

Echa ipɨa reta mbaetɨi jupi rupi kavi Tumpa kotɨ, mbaetɨ vi morogüɨrökuavee päve oyapo reta.

SALMOS 78:8

agüɨye vaerä iñemuñagüe reta rami: Ipɨarai reta jare ipɨapochɨ reta, mbaetɨ metei reño iyemongeta reta. ¡Tumpa kotɨ ave mbaetɨ jupigüe oyapo reta!

PROVERBIOS 21:21

Oiko jupi rupi vae jare oporoparareko vae, oiko kavita, oväeta mbae jupi vae jare imboeteata.

San Marcos 3:3

Jayave Jesús jei kuimbae ipo jovaicho tɨpa vae pe: —Epüa eyemboɨ mbɨte pe.

San Lucas 19:19

Jayave iya jei vi jókuae jembiokuai pe: ‘Nde reporookuaita vi pandepo tëta guasu re.’

1 Corintios 16:10

Ërei Timoteo ojo oväe pépɨri yave, pemae kavi jese, ipɨagüive oï vaerä pepɨte pe, echa jae vi oparavɨkɨ yandeYa pe, che rami.

1 Corintios 3:8

Omaetɨ vae jare omboɨu vae oyovakeño ko. Yepe tëi Tumpa omboekoviata metei ñavo pe iparavɨkɨ oï rupi.

2 Corintios 7:1

Jáeramo, cherɨvɨ reta, ñanoi ramboeve kuae morogüɨrökuavee reta. Yayetɨo opaete mbae ikavimbae vae yanderete pegua güi jare yandepɨa pegua güi. Jekuaeño ñañeñono tee Tumpa peguarä yaipoɨu reve chugüi.

Gálatas 4:11

Chepɨatɨtɨ yae peré, echa ayemongeta güɨramoi aparavɨkɨiño ma pepɨte pe.

Gálatas 6:9

Jare agüɨye yandekuérai yayapo ikavi vae; echa mbaetɨ yandepɨtu yave, yaarɨvota iara pe.

Filipenses 1:11

ayerure jekuaeño peyapo vaerä mbaembae ikavi vae jupi vae pegua Jesucristo rupi, Tumpa oyemboeteuka vaerä.

Filipenses 1:9

Jare ayerure Tumpa pe okuakuaa avei vaerä ojo peporoaɨu peikuaa katu reve jare pearakuaa katu reve,

Filipenses 2:16

peiko reve ñee tekove opambae vae re, ayerovia vaerä Cristo ou ye yave, kërai che mbaetɨ aguataiño ani aparavɨkɨiño.

Filipenses 2:30

echa Cristo iparavɨkɨ jeko pegua omano seri. Oñemoëgua mano pe oyangareko vaerä cheré perekovia pe, echa pe reta matɨ peï.

Filipenses 4:17

Mbaetɨ ko aeka mbota, jaeño aipota vae jae ko jeta Tumpa omboekovia vaerä peve.

Colosenses 1:23

Jekuaeño peñemomɨ̈rata jare peñemoäta ngatu peporogüɨrovia re yave, jare pesɨrɨmbae reve peäro yave ñee ikavi vae peendu vae. Jókuae ñee ikavi vae oñemoërakua opaete ɨvɨ rupi, jare che Pablo, Tumpa cheapo jókuae amoërakua vaerä.

Colosenses 2:5

Echa yepe tëi che mbaetɨ aï pépɨri, ërei chepɨa pe aï pe ndive, ayerovia jare aikuaa kërai peiko kavi oyoupi, jare peñemomɨ̈rata peporogüɨrovia pe Cristo re.

Colosenses 2:7

tätagüe peñemomɨ̈rata Cristo re peporogüɨrovia rupi, echa jökorai ko peyemboe. Jekuaeño pemee reve yasoropai Tumpa pe.

1 Tesalonicenses 1:3

Oremaendúa avei yandeRu Tumpa jóvai peporogüɨrovia reve peparavɨkɨ vae re, peaɨu jare pekueraimbae reve peäro yandeYa Jesucristo vae re.

1 Tesalonicenses 3:12

Jare yandeYa tapembokuakuaa jare tomee mboroaɨu peve, peyoaɨu päve vaerä jare vi opaete vae, ore poaɨu rami.

1 Tesalonicenses 3:3

agüɨye vaerä metei ave ipɨatɨtɨ kuae tembiporara jeko pegua. Echa pe reta etei peikuaa ko jaerä etei ko ñaï.

1 Tesalonicenses 3:5

Jáeramo, mbaetɨ ma aropɨa ramo, amondo Timoteo aikuaa vaerä peporogüɨrovia regua. Echa aipoɨu oporombotavɨ vae oyapouka vaerä peve ikavimbae vae, jare jökorai roparavɨkɨiño ma.

1 Tesalonicenses 4:1

Añave cherɨvɨ reta, pomoñera jare pomboarakuaa yandeYa Jesús re, kërai peyemboe oregüi kërai peiko vaerä jare pemboyerovia vaerä Tumpa, jökorai jeiete avei peyapo.

2 Tesalonicenses 1:3

Cherɨvɨ reta, jupi ko romee avei vaerä yasoropai Tumpa pe peré, echa peporogüɨrovia okuakuaa avei ojo oiko, jare peporoaɨu jeiete okuakuaa vi oyokotɨ.

Tito 2:14

Echa jae oñemee omano vaerä yanderé, jae yandereepɨ vaerä opaete ikavimbae güi, jare oyoe vaerä yandepɨa yandeyoa reta güi, yandeapo vaerä imbae retarä, yaipota yae vaerä yayapo mbaravɨkɨ ikavi vae.

Hebreos 13:21

tapembojupi opaete mbae pe, peyapo vaerä jemimbota; Tumpa toyapo yanderé oipota vae Jesucristo rupi; ¡toyemboete Cristo jekuae avei rupi! ¡Amén!

Hebreos 3:14

Echa ñañemoïru ma Cristo ndive, ñanepɨ̈rata yave iyɨpɨ güive yarovia vae re,

Hebreos 6:10

Echa Tumpa jupi vae ko, ngaraa iñakañɨ peyapo vae güi, jare peporoaɨu peechauka ikotɨ vae güi, echa peyeokuai oporogüɨrovia vae reta pe añave regua.

2 Pedro 3:14

Jáeramo, cherɨvɨ aaɨu vae reta, peäro ramboeve peï kuae mbaembae reta, peyeandu agüɨye vaerä peñeväeuka pekɨa reve ani teko pe, jaeño mbɨakatu pe.

RUT 1:18

Jayave Noemí oecha Rut ikɨ̈reɨ yae ojo jupíe, jókuae güire mbaetɨ ye mbae jei chupe,