1 Corintios 15:52 - Biblia Guarani Tumpa Iñee

⁵² metei jeia pe, ñaneresapïri rami Tumpa jemimbɨguasu opa oñee yave. Echa omoñeeta mimbɨ guasu, jare omanogüe reta oikove yeta oikomeguambae vaerä, jare yande yayepoepɨta.

Nuevo Testamento Guaraní Pe

⁵² Jare cuae oyeapota ɨmambae pegua metei jeia pe Tumpa jemimbɨ taɨcue rupi oñee yave. Echa Tumpa jemimbɨ oñeeta co, jare omanogüe vae reta oicove yeta güɨnoi vaera jete ngaraa etei oicomegua vae. Jare ñande ñai vɨteri vae vi ñanoita ñanderete ipɨau vae.

1 Corintios 15:52 ပူးပေါင်းရင်းမြစ်များ

SALMOS 73:19

¡Aramoete pegua opa okañɨtei reta! ¡Kɨɨye ndive opa okañɨtei reta!

ÉXODO 19:16

Jare mboapɨa ara pe, köe ma ou yave, ou amapɨtu pɨtumimbi vae ɨvɨtɨ opa oyasoi, ara jɨapu jare ama-vera, jare temimbɨñee täta yae vae; jare teyupa pe ñogüɨnoi vae reta opaetei orɨrɨi okɨɨye güi.

ÉXODO 20:18

Opaete Israel iñemuña omae jare oendu reta ararɨapu, ama-vera, jare mimbɨ vecha kuimbae-räti pegua oñee vae, jare ɨvɨtɨ jätati vae; kuae oecha reta yave, orɨrɨi okɨɨye güi, jare osɨrɨ reta mombɨrɨ.

ÉXODO 33:5

echa yandeYa jei yepe Moisés pe: —Ere Israel iñemuña reta pe: “Pe reta jae ko ipɨa täta yae vae. Michi pegua yepe aï pepɨte pe yave, opata pomboai. Añave pemboi peyeugüi peremimonde ikavigüe, che aikuaa vaerä mbae ayapota peve vae.”

ISAÍAS 18:3

Pe reta, opaete ɨvɨ pegua reta, bandera oñemopüa ɨvɨtɨ re yave pemae jese, jare mimbɨguasu oñemoñee yave peyeapɨsaka jese.

ISAÍAS 27:13

Jare jókuae ara oñemoñeeta temimbɨguasu, jare opa oñemoai ñogüɨnoi Asiria rupi vae reta, jaeramiño vi Egipto pe ñogüɨnoi vae reta, yogüeruta omboete yandeYa tëta Jerusalén pe, jae ko ɨvɨtɨ oñeñono tee vae re.

EZEQUIEL 33:3

Jare jókuae omae vae oecha yave tovaicho reta yogüeru ikotɨ reta, jare omoñee mimbɨguasu omombarandu vaerä tëta pegua reta yave.

EZEQUIEL 33:6

Ërei jókuae omae vae oecha tëi tovaicho reta yogüeru reve mbaetɨ omoñee mimbɨguasu tëta pegua reta oyemombarandu vaerä yave, jare tovaicho reta oyuka yave amogüe tëta pegua, jókuae omano vae, omano ko iyoa jeko pegua; ërei che aiporaraukata imano re jókuae omae vae pe.’

ZACARÍAS 9:14

YandeYa oyekuaaukata jese reta, imbae vae reta rupi juvɨ oëta ama-vera rami. YandeYa Tumpa omoñeeta mimbɨguasu, jare ojota ɨvɨtuai arayevɨ pegua ndive.

NÚMEROS 10:4

Ërei oñemoñee yave meteiño, toyemboatɨ nderóvai tenondegua retaño, opaete Israel iñemuña juvicha reta.

NÚMEROS 16:21

—¡Pesɨrɨ opaete kuae yatɨ vae reta güi, opata amokañɨtei aramoete pegua!

NÚMEROS 16:45

¡Pesɨrɨ katu kuae oyemboatɨ vae reta güi, amokañɨteita aramoete pegua! Moisés jare Aarón oyetavatɨka itindɨasɨ reta reve ɨvɨ re,

San Mateo 24:31

Jare amondota chearaɨgua reta jemimbɨguasu omoñee reve güeru vaerä aiparavogüe reta opaete ketɨ ketɨ güi.

San Juan 5:25

Añetete che jae peve, oväeta ara, jae ko añave, omanogüe vae reta oendu vaerä che Tumpa Taɨ iñee jare opaete oendu vae reta oikoveta.

San Juan 5:28

Agüɨye pepɨakañɨ kuae re. Echa oväeta ma ora opaete tɨvɨa pe ñogüɨnoi vae reta oendu vaerä cheñee.

1 Corintios 15:23

Ërei metei ñavo jenda jenda pe kavi: Tenonde ete Cristo oikove ye; ërei Cristo ou ye yave, opaete güɨrovia jese vae reta oikove yeta.

1 Corintios 15:42

Jökoraita vi omanogüe reta oikove ye yave. Echa oñeotɨ vae oikomegua. Ërei oikove yeta vae oikomeguambae ko.

1 Corintios 15:50

Cherɨvɨ reta ërei kuae jae peve: Yanderete ɨvɨ pegua ngaraa oike Tumpa iporookuaía pe. Jaeramiño vi mbae oikomegua vae ngaraa oike oikomeguambae oïa pe.

1 Tesalonicenses 4:15

Jáeramo romombeu peve yandeYa omombeu oreve vae, kërai yande oimeño yaikove yandeYa ou ye yave vae reta ngaraa yande räri yaja omanogüe vae reta güi.

2 Pedro 3:10

Ërei yandeYa ou ye yave, outa ko imonda vae pɨ̈tu yave ou rami; jayave ara reta täta jɨaputa jare opaete mbaembae reta jendɨta opa oyemboai, ɨvɨ jare opaete mbaembae pɨpegua okaita.

Apocalipsis 8:13

Amae jare aendu metei güɨraké oveve ara mbɨte rupi, jare iñeeäta reve jei: “¡Paravete ɨvɨ pegua reta oiporara yaeta ko ïru mboapɨ araɨgua reta mimbɨguasu omoñee yave!”

Apocalipsis 8:2

Jare aecha jókuae chiu araɨgua Tumpa jóvai oyemboɨ ñogüɨnoi vae reta. Jare oñemee chupe reta chiu mimbɨguasu.