1 Corintios 15:47 - Biblia Guarani Tumpa Iñee

⁴⁷ Kuimbae tenondegua vae ɨvɨ pegua ko. Echa Tumpa oyapo ɨvɨ güi. Ërei kuimbae taɨkuegua vae ko jae yandeYa ara güi ou vae.

Nuevo Testamento Guaraní Pe

⁴⁷ Cuimbae tenondegua vae ɨvɨ pegua co. Echa Tumpa oyapo ɨvɨ güi. Erei cuimbae mocoia co jae ñandeYa ara güi ou vae.

1 Corintios 15:47 ပူးပေါင်းရင်းမြစ်များ

GÉNESIS 2:7

Jayave yandeYa Tumpa oyapo kuimbae ɨvɨkúi güi, jare oipeyu iñäpɨgua pe tekove. Jökorai omboɨpɨ oikove kuimbae.

GÉNESIS 3:19

Nderɨaipoagüe rekaruta, jökorai reo ye regua reyea ɨvɨ ndive, echa ɨvɨ güi ko reyeapo; ɨvɨkúi ko nde, jare ɨvɨkuirä ko reo yeta.

ISAÍAS 9:6

Echa metei michia oa yandeve, taɨ omee yandeve, jae mburuvicha ko; jare jeeta Oporombopɨakañɨ vae, Oporomboarakuaa vae, Tumpa Imbaepuere yae vae, cheRu oiko avei vae, mburuvicha mbɨakatu pegua.

JEREMÍAS 23:6

Jae oï ma yave Judá oyeyorata, jare Israel oiko pɨagüiveta. Jae kuae oikota jeerä, pɨpe ombojee retata: ‘YandeYa ko jae jupi vae yandeveguarä vae.’ ”

San Mateo 1:23

Echa jei körai: “Mase, metei kuñatai mbaetɨ etei oasa kuimbae ndive vae ipuruata jare oata imembɨ kuimbae raɨ. Jare ombojee retata Emanuel.” (Kuae tee oipota jei: “Tumpa oime yande ndive.”)

San Lucas 2:11

Echa kuae pɨ̈tu oa oporomboasa vae David jëta pe. Jae ko yandeYa Cristo.

San Juan 3:31

Ara güi ou vae güɨnoi mbaepuere opaete re; ɨvɨ pegua reta ɨvɨ peguaño ko jare oyemongeta mbaembae ɨvɨ pe oï vae reño. Ara güi ou vae güɨnoi mbaepuere opaete re.

San Juan 6:33

Echa mbɨyape Tumpa omee vae, jae ko jókuae ara güi ou vae. Jae omee tekove ɨvɨ pegua reta pe.

Hechos 10:36

Tumpa ombou ñee ikavi vae Israel iñemuña reta pe. Jae omombeu chupe reta oime mbɨakatu Jesucristo re. Jesucristo ko jae opaete vae iYa.

1 Corintios 15:45

Echa oyekuatía oï körai: “Tumpa omee tekove kuimbae tenondegua Adán pe.” Ërei Adán taɨkuegua vae ko tekove omee vae.

1 Corintios 15:46

Ërei ara pegua tenondeä oï. Ɨvɨ pegua tenonde oï, jare taɨkue oï ara pegua.

2 Corintios 5:1

Echa yaikuaa yanderete opata ko, o yaiko pɨpe vae opa rami. Ërei opa yave Tumpa omeeta yandeve o ipɨau vae opambae vae, ara pe.

1 Timoteo 3:16

Añete ñanemopɨakañɨ yae ko kuae añetegüe Tumpa re yarovia vae: Tumpa oyeapo kuimbaerä, Espíritu Santo oikuaauka jae ko jupi vae. Araɨgua reta oecha. Jërakua opaete judiombae reta pe. Ɨvɨ pegua reta güɨrovia jese. Jare Tu omboresive ye ara pe.