1 Corintios 15:42 - Biblia Guarani Tumpa Iñee

⁴² Jökoraita vi omanogüe reta oikove ye yave. Echa oñeotɨ vae oikomegua. Ërei oikove yeta vae oikomeguambae ko.

Nuevo Testamento Guaraní Pe

⁴² Jocoraita vi oyeapo, omanogüe vae reta oicove ye yave. Echa oñeotɨ yave, omano vae jetegüe oicomegua. Erei oicove ye yave ngaraa etei oicomegua.

1 Corintios 15:42 ပူးပေါင်းရင်းမြစ်များ

GÉNESIS 3:19

Nderɨaipoagüe rekaruta, jökorai reo ye regua reyea ɨvɨ ndive, echa ɨvɨ güi ko reyeapo; ɨvɨkúi ko nde, jare ɨvɨkuirä ko reo yeta.

JOB 17:14

Tɨvɨa pe jae: “Cheru ko nde.” Taso reta pe jae: “Chesɨ jare chereindɨ ko nde.”

SALMOS 16:10

echa ngaraa chereeya omanogüe reta ñogüɨnoia pe; ngaraa remaeño che reñono tee vae cheretegüe oikomegua vaerä.

SALMOS 49:14

Vecha reta oyereraja mbaeyukaa pe rami, mano pe oyererajauka reta omanogüe reta ñogüɨnoia pe; jare köe yave, jupi vae reta güɨnoita mbaepuere jese reta; jare opata okañɨ chugüi reta oiko kavi vae, omanogüe reta ñogüɨnoia pe ko oikota.

SALMOS 49:9

oikove oiko vaerä jekuae avei, jare agüɨye vaerä omano!

ISAÍAS 38:17

Chepɨagüive kavi aiko pe ou cheve mbɨatɨtɨ tuichagüe vae, ërei nde reyemoambeko cherenoe vaerä mano güi, echa neɨ̈ro cheve opaete cheyoa reta re.

DANIEL 12:3

Yarakuaa katu vae reta omboesapeta, ara jembipe rami; jeta vae omboe jupi re vae reta, omboesapeta yasɨtata rami jekuae avei pegua.

San Mateo 13:43

Jayave jupi vae reta oyekuaata Tu iporookuaía pe kuaraɨ jembipe rami. Oipota oyeapɨsaka vae, toyeapɨsaka kuae re.

Hechos 2:27

Echa ngaraa chereeya omanogüe reta ñogüɨnoia pe. Che ko jae jupi vae. Ngaraa remaeño che reñono tee vae cheretegüe oikomegua vaerä.

Hechos 2:31

Oikuaa voi ma ndei oyeapo mbove, imiari Cristo oikove yeta vae re. Echa jei Cristo re mbaetɨta ko oyeeya omanogüe reta ñogüɨnoia pe, jare ngaraa oikomegua jetegüe.

Romanos 1:23

Echa oipoepɨ reta Tumpa oikove avei vae iyemboetea, kuimbae oikove aveimbae vae iä pe, güɨra iä pe, mbaemɨmba iä pe jare mɨmba ipɨtía re oguata vae iä pe.

Romanos 2:7

Omeeta tekove opambae vae, jókuae ipɨaguasu reve oyapo ikavi vae, jare oeka mbaemboete jare manombae vae pe;

Romanos 8:21

jaeramiño vi Tumpa oepɨta jembiapo reta ikavimbae güi, jae omboeteuka taɨ reta yave.

1 Corintios 15:41

Ipöra ko kuaraɨ, yasɨ jare yasɨtata reta. Ërei ipöra pe oyoavɨ oyougüi. Jaeramiño vi opaete yasɨtata ñavo ipöra pe oyoavɨ oyougüi.

Gálatas 6:8

Echa kia oyapo yave isoo jemimbotaño, oarɨvota mano; ërei Espíritu Santo jemimbota oyapo vae, oarɨvota tekove opambae vae.

1 Pedro 1:4

Tumpa oñovatu peve ara pe pembaerä oyemboaimbae vae, ikɨambae jare oikomeguambae. Oñeñovatu oï ara pe peveguarä.