1 Corintios 15:32 - Biblia Guarani Tumpa Iñee

³² Che añeraro mɨmba pochɨ vae reta ndive Efeso pe. Ërei ¿mbae pe ra ikavi cheve? Omanogüe reta mbaetɨ ko oikove ye yave, yandepuere yae: “Yakaru jare yakau, echa pɨareve ñamanota.”

Nuevo Testamento Guaraní Pe

³² Ñandepuere yae ñamojaanga reve che añoraro maemɨmba pochɨ vae reta ndive Efeso pe. Erei ¿mbae ra anoe chugüi? Omanogüe vae reta ngaraa oicove ye yave, ñandepuere yae: “Yayapo arete. Echa pɨareve ñamanota co”.

1 Corintios 15:32 ပူးပေါင်းရင်းမြစ်များ

JOB 35:3

Echa rere: “¿Maera reyangareko cheré cheyoa yave, mbae pe pa ndemboavai cheyoa?”

SALMOS 73:13

¡Chepɨa aitɨoiño ma, mbaetɨ mbaerä ikavi cheve, aitɨoño ma chepo opaete mbae ikavimbae güi!

ECLESIASTÉS 11:9

Nde taɨrusu vae, eyerovia ndetaɨrusu ramboeve, eyapo ndepɨa jemimbota, eyapo nderesa pe ipöra vae, ërei nemaendúa, opaete kuaekuae re Tumpa nejäata.

ECLESIASTÉS 2:24

Kuimbae pe ikavi vae, jae ko okaru kavi vae, jare oyerovia iparavɨkɨagüe re vae. Kuae aikuaa vi jae ko Tumpa güi ou vae.

ISAÍAS 22:13

Ërei pe reta peyerovia jare peapirai, peyuka guaka jare vecha, peu soo jare vino. Jare pere: “Yakaru jare yakau, echa pɨareve ñamanota.”

ISAÍAS 56:12

Jei reta: “Yaja yaeka vino jare mbae oporombosavaɨpo vae, yandembosavaɨpo vaerä. Javoi pɨareve yayapo ye añave rami, ani oasa ete ye ikavi yayapo.”

San Lucas 12:19

Jayave che jaeta cheyeupe: ‘Jeta yae mbae renoi, oupitɨta ɨma año pegua. Eputuu, ekaru, ekau jare eyerovia.’

San Lucas 9:25

¿Mbaerä pa osiriveta kuimbae pe omongana yave opaete ɨvɨ, ërei oñemokañɨtei yave?

Hechos 18:19

Jare yogüɨraja oväe yave tëta guasu Efeso pe, Pablo oeya joko pe Priscila jare Aquila. Jayave oike judío reta itupao pe, jare oyoaka judío reta ndive.

Hechos 18:21

Ërei jae oyupavoño chupe reta jei reve: “Ajata ñotai ko Jerusalén pe, ayapo vaerä arete oyearo ma oï vae. Ërei Tumpa oipota yave, ayu yeta pepɨ.” Jayave ojo barco pe Efeso güi.

Hechos 19:1

Apolos Corinto pe oï ramboeve, Pablo ou oväe Efeso pe, opa yave omboapɨ tëta reta ɨvɨtɨ rupi oï vae. Jare joko pe oväe amogüe oporogüɨrovia vae reta.

Romanos 3:5

Jupimbae yayapo vae omboyekuaa kavi Tumpa jupi ko vae, ¿mbae pa yaeta? ¿Jáeramo Tumpa oiporarauka yave, jupimbae vae ra oyapo? (Kuimbae reta ramiño chemiari aï.)

Romanos 6:19

Kuimbae reta ramiño chemiari aï, pepuereä peikuaa kavi ramo. Tenonde yave pemee perete peyapo vaerä mbaeyoa, peyapo vaerä pɨ̈chɨi vae jare jupimbae vae. Jökorai vi añave pemee perete peyeokuai vaerä mbaejupi pe, peñeñono tee reve Tumpa peguarä.

1 Corintios 16:8

Ërei apɨtata kuae Efeso pe Pentecostés ara ou oväe regua.

Gálatas 3:15

Cherɨvɨ reta, tachemiari peve kuae ɨvɨ pe mbae oyeapo vae re: Ɨvɨ pegua reta morogüɨrökuavee päve oyapo oyoupe yave, ngaraa ye ma kia omboai, ngaraa vi kia ipuere omoïru ye.

2 Pedro 2:12

Ërei jókuae jupimbae vae oyapo vae reta jei ikavimbae vae oikuaambae vae kotɨ. Jae reta ko mɨmba reta iyarakuaambae reta rami jókuae oyepɨɨ jare oyeyuka vaerä rami. Jökorai okañɨtei retata.

Judas 1:10

Ërei mboromboe añetembae re oporomboe vae reta jei ñee ikavimbae vae oikuaambae vae kotɨ. Jae reta mɨmba reta oikuaa ramiño ko oikuaa. Echa yogüɨreko jei vae reño.