1 Corintios 15:24 - Biblia Guarani Tumpa Iñee

²⁴ Javoi outa opaete mbaembae iyapɨ, omee ma yave iporookuaía yandeRu Tumpa pe, Cristo opa ma opɨ̈ro yave opaete mbaepuere opaete mburuvicha reta ara pegua jare ɨvɨ pegua jare oipotagüe mbaepuere güɨnoi vae güi.

Nuevo Testamento Guaraní Pe

²⁴ Jare taɨcue ete opata co opaete, Cristo oequi ma yave imbaepuere opaete mburuvicha reta ara pegua jare ɨvɨ pegua jare oipotagüe mbaepuere güɨnoi vae güi, jare omee ma yave iporoocuaia Tumpa pe - jae co ñandeRu.

1 Corintios 15:24 ပူးပေါင်းရင်းမြစ်များ

ISAÍAS 9:7

Iporookuaía tuicha yaeta, jare mbɨakatu mbaetɨta opa David iguapɨa re jare iporookuaía re, oñono kavita ñejäa jupi rupi, jare isɨmbi rupi añave güive oiko avei vaerä. YandeYa imbaepuere yae vae jägüɨro rupi oyapota kuae.

DANIEL 12:13

Jare nde reikota nderekove iyapɨ regua jare reputuuta, jare ara iyapɨ rupi repüata remboresive vaerä kuri ndembaerä oï vae.’ ”

DANIEL 12:4

‘Ërei nde Daniel, kuae ñee reta jare tembikuatía eyokenda toï ou ara iyapɨ oväe regua. Jeta kotɨ kotɨ oeka reta tëita, jare yemboe okuakuaata.’

DANIEL 12:9

Jae jei cheve: ‘Mbaetɨta ndepuere reikuaa Daniel, echa kuae ñee reta oyeokenda opɨta ou ara iyapɨ oväe regua.

DANIEL 2:44

Jare kuae mburuvicha guasu reta iara rupi, Tumpa ara pe oï vae omopüata metei mborookuaía mbaetɨ eteita oyemboai vae, jare mbaetɨta kuae mborookuaía oyeeya ïru tëta ipo pe; omonguruvita jare omokañɨteita opaete kuae mborookuaía reta, ërei jae oikota jekuae avei,

DANIEL 7:14

Jare oñemee chupe mbaepuere, yemboetea jare mborookuaía, jare opaete ketɨgua tëtaguasu reta jare ïru ñee pe imiari vae reta oyeokuai chupe. Imbaepuere jekuae avei ko, jare iporookuaía ngaraai oyemboai.

DANIEL 7:27

Mborookuaía, mbaepuere jare yemboetea opaete ɨvɨ pe ñogüɨnoi vae, oñemeeta oñeñono tee Tuichagüe yae ete vae pe vae reta ipo pe. Iporookuaía oikota jekuae avei pegua, opaete ɨvɨ pegua reta oyeokuaita chupe jare yogüɨrekota jae jeia re.’

San Mateo 10:22

Chereko pegua, peñemotareɨukata opaete vae pe, ërei ikueraimbae vae, oyemboasaukata ko.

San Mateo 11:27

Jayave jei ye: —CheRu omee ma cheve opaete mbaembae. Mbaetɨ kia oikuaa kavi cheregua, jaeño cheRu. Jaeramiño vi mbaetɨ kia oikuaa kavi cheRu regua, jaeño che jare che aikuaauka chupe vae reta.

San Mateo 24:13

Ërei ikueraimbae vae, oyemboasaukata ko.

San Mateo 28:18

Jare Jesús oya katu jese reta jare jei chupe reta: —Opaete mbaepuere oñemee ma cheve ara pe jare ɨvɨ pe.

San Lucas 10:22

Jayave jei vi: “CheRu omee ma cheve opaete mbaembae. Mbaetɨ kia oikuaa kavi cheregua, jaeño cheRu. Jaeramiño vi mbaetɨ kia oikuaa kavi cheRu regua, jaeño che jare che aikuaauka chupe vae reta.”

San Juan 3:35

Tu oaɨu Taɨ, jare oñono opaete mbaembae ipo pe.

Romanos 8:38

Che aikuaa ko ngaraa ipuere yandembosɨrɨ Tumpa güi mano, tekove, araɨgua reta, mburuvicha ara pegua reta, imbaepuere vae reta, opaete añave oyeapo oï vae ani oyeapota vae ave,

Efesios 5:20

Pemee avei yasoropai opaete mbae re yandeRu Tumpa pe, yandeYa Jesucristo jee re.

Colosenses 2:10

jare pe reta penoi opaete mbaembae Cristo re, echa jae ko opaete mburuvicha reta ara pegua jare ɨvɨ pegua iñäka.

Colosenses 2:15

jare omoamɨri mburuvicha reta ara pegua jare ɨvɨ pegua, jare opaete mbaepuere güɨnoi vae, jare omomichi reta opaete vae jovake kurusu re.

1 Timoteo 6:15

Echa jókuae ara oväe yave, Tumpa oechaukata ko yandeYa Jesucristo. Jaeño ko mbaepuere iYa, mburuvicha guasu reta Juvicha guasu, Imbaepuere yae ete mbaepuere güɨnoi vae reta güi vae,

1 Pedro 4:7

Ërei oyearo ma opaete mbaembae reta iyapɨ vaerä. Jáeramo peyeandu katu jare peyerure avei pekueraimbae reve.

2 Pedro 1:11

Jare jökorai yave, oyepeata opaete peve yandeYa Yandemboasa vae Jesucristo iporookuaía opambae.