1 Corintios 15:2 - Biblia Guarani Tumpa Iñee

² jese vi peyemboasauka pepɨ̈rata yave jókuae ñee amoërakua peve vae re, añetete peporogüɨrovia yave.

Nuevo Testamento Guaraní Pe

² Jare peñemboasauca ñee icavi vae rupi pemaendúa yave amombeu peve vae re, añetete pegua peporogüɨrovia yave.

1 Corintios 15:2 ပူးပေါင်းရင်းမြစ်များ

PROVERBIOS 23:23

Eväe añetete vae, arakuaa, mboromboe jare arakuaa katu, jare ¡agüɨye emee!

PROVERBIOS 3:1

Cheraɨ, agüɨye neakañɨ cheporookuai güi, eñovatu ndepɨa pe cheporookuai reta,

PROVERBIOS 4:13

Eipɨɨ ndeyeupe yemboarakuaa, agüɨye eeya; eñovatu opaete arakuaa, echa tekove ko ndeveguarä.

San Lucas 8:13

Jökorai vi jókuae ita pɨte rupi oa vae reta oyembojaanga Tumpa iñee oendu rupive omboresive oyerovia reve vae re, ërei kuae reta jókuae temitɨ japo matɨä ɨ́vɨkotɨ ojo rami ko. Echa michi peguaño güɨrovia. Ërei mbaemboavai ou chupe reta yave, opia reta.

Hechos 2:47

omboete reta Tumpa, jare opaete vae reta ipɨakatu jese reta. Jare ara ñavo yandeYa omoïru jae reta ndive oyemboasauka vae reta.

Hechos 8:13

Jare Simón vi güɨrovia, jare oyembobautisauka güire opɨta Felipe ndive. Jare oecha yave mɨakañɨ tuicha vae oyeapo vae reta, ipɨakañɨ yae.

Romanos 1:16

Mbaetɨ aromara ñee ikavi vae. Echa Tumpa imbaepuere ko, opaete güɨrovia vae reta güɨnoi vaerä yemboasa. Tenonde ete judío reta, jaɨkue rupi judiombae vae reta.

Romanos 11:22

¡Mase! Tumpa ipɨakavi ko jare iyarasɨ vi. Oiporarauka jókuae Israel pegua oyavɨ vae reta pe. Ërei ipɨakavita ko ndeve reroviaä jese yave, ërei mbaetɨ yave, ndeasɨata vi ndemombo.

1 Corintios 1:18

Echa ñee Cristo ikurusu regua mbokere ko, kañɨtei pe yogüɨrajata vae reta peguarä. Ërei yande yayemboasauka vae reta peguarä ko Tumpa imbaepuere.

1 Corintios 1:21

Tumpa iyarakuaa rupi, ɨvɨ pegua reta iyarakuaa rupi aeño mbaetɨ ipuere oikuaa Tumpa. Ërei Tumpa jaekavi omboasa vaerä oporogüɨrovia vae reta ñee ikavi vae mbokereecha vae rupi.

1 Corintios 11:2

Cherɨvɨ reta, pombotuicha, echa jekuaeño pemaendúa cheré, jare peyapo che pomboe jese vae.

1 Corintios 15:14

Jare Cristo mbaetɨ ko oikove ye yave, romoërakuaiño ma ko, jare peporogüɨroviaiño ma vi ko.

2 Corintios 2:15

Echa ore reta Cristo re, mbae ikäti kavi vae rami ko Tumpa pe. Jökoraiño vi oporogüɨrovia vae reta pe jare oporogüɨroviambae vae reta ipɨte pe.

2 Corintios 6:1

Ore roparavɨkɨ Tumpa peguarä. Jáeramo pomoñera agüɨye vaerä peyuvangaiño Tumpa ipɨakavi re.

Gálatas 3:4

¿Peiporaraiño ma pa jeta mbaembae jayave? ¡Mbae mona agüɨye peiporaraiño!

Efesios 2:8

Echa Tumpa ipɨakavi rupi ko pemboasa, peporogüɨrovia rupi; kuae mbaetɨ ko peyeugüi aeño, mbota ko Tumpa güi;

Colosenses 1:23

Jekuaeño peñemomɨ̈rata jare peñemoäta ngatu peporogüɨrovia re yave, jare pesɨrɨmbae reve peäro yave ñee ikavi vae peendu vae. Jókuae ñee ikavi vae oñemoërakua opaete ɨvɨ rupi, jare che Pablo, Tumpa cheapo jókuae amoërakua vaerä.

2 Tesalonicenses 2:15

Jáeramo, cherɨvɨ reta, pepɨ̈rata peporogüɨrovia pe. Agüɨye peakañɨ peikuaa vae güi, ore etei pomboe jese vae güi ani tupapire roikuatía peve vae rupi vae güi.

2 Timoteo 1:9

Jae yandemboasa jare yandeparavo ñaneñono tee vaerä iyeupeguarä. Mbaetɨ ko yandeparavo mbae ikavi vae yande yayapo vae rupi. Yandeparavo ko jae iyemongeta rupi jare ipɨakavi yandeve Cristo Jesús rupi ndei ɨvɨ oyeapo güive.

Hebreos 10:23

Jekuaeño ñanemomɨ̈rata yaipoɨumbae reve ñaäro vae re, echa jupi ko jókuae güɨrökuavee vae.

Hebreos 2:1

Jáeramo, ikavi ko ñaneräta ngatu yae vaerä yaendugüe re, agüɨye vaerä yapia chugüi.

Hebreos 3:14

Echa ñañemoïru ma Cristo ndive, ñanepɨ̈rata yave iyɨpɨ güive yarovia vae re,

Hebreos 3:6

Ërei Cristo ko jae Tumpa Taɨ, jare jae ko opaete Tumpa jo iYa. Jare jökoraita ñaneräta ngatu jare yayerovia yave ñaäro ñaï vae re.

Hebreos 4:14

Jesús Tumpa Taɨ, jae ko yandesacerdote tenondegua ete tuichagüe oike ara pe vae, jáeramo, ñañemoäta ngatu yandeporogüɨrovia pe.

Santiago 2:14

Cherɨvɨ reta, güɨramoi kia jei güɨnoi ko mborogüɨrovia, ërei jembiapo reta mbaetɨ oyekuaa yave. Ngaraa omboasa iporogüɨrovia.

Santiago 2:17

Jökorai ko mborogüɨrovia, mbaetɨ jembiapo reta oyekuaa yave, mbaeä etei ko.

Santiago 2:26

Echa yanderete jekovembae, omano ma ko. Jökorai vi mborogüɨrovia jembiapo oyekuaambae, mbaeä etei ko.