1 Corintios 15:19 - Biblia Guarani Tumpa Iñee

¹⁹ Kuae ɨvɨ pe yaikove yaiko ramboeve ñaäro tëi yave yayerovia reve Cristo re, yandepɨatɨtɨ yaeta tëi opaete vae reta güi.

Nuevo Testamento Guaraní Pe

¹⁹ Cuae ɨvɨ pe ñai rambueve ñaaro tei yave yayerovia reve Cristo re, ñandepɨatɨtɨ yaeta tei oporogüɨrovia mbae vae reta güi.

1 Corintios 15:19 ပူးပေါင်းရင်းမြစ်များ

SALMOS 17:14

ndembaepuere pe chereroasayepe chugüi reta cheYa, ¡emokañɨtei reta kuae ɨvɨ güi, echa jae reta imbae güɨnoi kuae ɨvɨ peño! Jae reta oyemboikokatu yae ndeporerekua pe, omoɨ̈vɨata taɨ reta, jembɨre ye jɨmɨmino reta peguarä.

ECLESIASTÉS 6:11

¡Añetete!, jeta miari oimea pe, jeta vi ñee osirivembae; mbaetɨ etei jókuae mbaerä ikavi.

ECLESIASTÉS 9:9

Evɨakatu avei jókuae kuña reaɨu vae ndive, opaete ara michi peguaño mbaeä etei reikove ramboeve kuae ɨvɨ pe; jae ko kuae opaete ndeparavɨkɨ reyemoambeko jese kuae ɨvɨ pe vae jekovia.

San Mateo 24:9

Jayave ïru vae reta pemeeta oiporaraukata peve vae reta ipo pe, peyeyukaukata jare peñemotareɨukata opaete vae reta pe chereko pegua.

San Lucas 21:34

Peyeandu, agüɨye vaerä pekaru reteiño jare pesavaɨpo, jare agüɨye vaerä peyemoambaeko mbaembae ɨvɨ pegua re. Agüɨye vaerä peparanoe ou oväe peve jókuae ara ikavimbae.

San Lucas 8:14

Jaeramiño vi jókuae temitɨ oñeotɨ yuu pɨte pe vae oyembojaanga Tumpa iñee oendu vae reta re. Ërei omboɨpɨ oyemoambeko ɨvɨ pegua mbaembae re jare oipota oikokatu vae re jare yerovia ɨvɨ pegua re. Jare opɨta reta temitɨ iambae rami.

San Juan 16:2

Judío reta pemombota itupao reta güi. Jare oväeta ara, jókuae peyuka vae reta güɨroviata Tumpa pe ko oyeokuai.

San Juan 16:33

Kuaekuae jae ma peve penoi vaerä mbɨakatu cheré. Kuae ɨvɨ pe peiko ramboeve, peiporarata ko. Ërei peyeko cheré, echa che amoamɨri tovaicho ɨvɨ pegua.

Hechos 14:22

Jare kuae tëta guasu reta rupi jae reta omoäta ngatu oporogüɨrovia vae reta, jare omboarakuaa jekuaeño vaerä güɨnoi reta mborogüɨrovia Tumpa kotɨ. Jare jei vi chupe reta: “Yaiporara ñotai ko jeta yaike vaerä Tumpa iporookuaía pe.”

1 Tesalonicenses 1:3

Oremaendúa avei yandeRu Tumpa jóvai peporogüɨrovia reve peparavɨkɨ vae re, peaɨu jare pekueraimbae reve peäro yandeYa Jesucristo vae re.

2 Timoteo 1:12

Jáeramo aiporara aï. Ërei mbaetɨ chemara, echa aikuaa kia re arovia vae, jare aikuaa vi jae imbaepuere yae ko oñovatu vaerä cheve che amee ipo pe vae, jókuae ara ou oväe regua.

2 Timoteo 2:4

Metei sundaro ojo oñeraro vaerä vae mbaetɨ ko oyemoinge ïru mbaembae pe, omboyerovia vaerä oiparavo sundarorä vae.

2 Timoteo 3:12

Jare opaete Cristo Jesús re oipota oiko jupi rupi vae oiporara yaeta ko;

1 Pedro 1:21

Jare Cristo rupi perovia Tumpa re, echa Tumpa omoingove ye Cristo omanogüe reta ipɨte güi jare omboeteuka, perovia vaerä jare peäro vaerä Tumpa re.

Apocalipsis 14:13

Jare aendu metei ñee ara güi jei cheve: “Eikuatía kuae: ‘Oyerovia ko añave güive yandeYa re güɨrovia güi omano vae reta.’ ” Jei Espíritu: “Oyerovia ko, echa oputuu retata iparavɨkɨ güi. Echa iparavɨkɨ ojo jae ndive.”