1 Corintios 15:12 - Biblia Guarani Tumpa Iñee

¹² Ërei ore romoërakua Cristo oikove ye ko omanogüe vae reta ipɨte güi yave, ¿maera pa amogüe pepɨte pe ñogüɨnoi vae jei mbaetɨ ko oikove ye omanogüe reta ipɨte güi vae?

Nuevo Testamento Guaraní Pe

¹² Jae rambue ¿maera pa jei amogüe pepɨte pe ñogüɨnoi vae mbaeti quia ipuere oicove ye ou omanogüe vae reta ipɨte güi? Echa ore romombeu peve quirai Cristo oicove ye co ou omanogüe vae reta ipɨte güi.

1 Corintios 15:12 ပူးပေါင်းရင်းမြစ်များ

Hechos 17:32

Jare oendu reta oikove ye omanogüe reta ipɨte güi vae regua yave, amogüe vae oyóyai. Ërei ïru vae reta jei Pablo pe: —Ïru ara royeapɨsaka yeta nderé kuae re.

Hechos 23:8

Echa saduceo reta mbaetɨ güɨrovia omanogüe reta oikove ye vae re, araɨgua re jare espíritu reta re. Ërei fariseo reta güɨrovia oime ko.

Hechos 26:8

¿Maera pa mbaetɨ perovia Tumpa ipuere ko omoingove ye omanogüe vae reta?

1 Corintios 15:11

Echa che ra ani jae reta ra omoërakua peve Cristo regua, ërei jökorai pe reta perovia.

2 Tesalonicenses 2:17

jae tapembopɨakatu jare tapemomɨ̈rata opaete ñee ikavi vae pere vaerä, jare ikavi vae peyapo vaerä.

2 Timoteo 2:18

jae reta opia añete vae güi, jei reve omanogüe oikove ye vae oasa ma. Jökorai jae reta amogüe ombojopa iporogüɨrovia güi.