1 Corintios 15:10 - Biblia Guarani Tumpa Iñee

¹⁰ Ërei Tumpa ipɨakavi rupi ko aï. Mbaetɨ ipɨakaviiño chekotɨ, echa aparavɨkɨ täta yae opaete ïru reta temimondo reta güi. Ërei mbaetɨ ko cheiño, Tumpa ipɨakavi omee cheve vae ko oparavɨkɨ.

Nuevo Testamento Guaraní Pe

¹⁰ Che co jae metei temimondo Tumpa ipɨacavi rupi. Jare ipɨacavi omee cheve vae mbaeti etei ocañɨ. Echa che aparavɨquɨ tanta yae opaete iru reta güi. Erei mbaeti co che etei aparavɨquɨ. Tumpa ipɨacavi omee cheve vae chemombaravɨquɨ.

1 Corintios 15:10 ပူးပေါင်းရင်းမြစ်များ

San Mateo 10:20

Echa peRu iEspíritu pemborɨta pemiari vaerä, mbaetɨ ko pe aeño pemiari.

San Mateo 25:16

Jayave jókuae pandepo talento omboresive vae omboɨpɨ omombaravɨkɨ, jare jökorai omoïru ye pandepo.

Romanos 11:1

Añave taparandu: ¿Tumpa omombo ra tëta imbae vae? ¡Mbaetɨ ko! Echa che vi ko jae metei Israel pegua, Abraham iñemuña, Benjamín iñemuña pegua.

Romanos 12:3

Tumpa ipɨakavi rupi oñemee cheve vae rupi jae peve kuae: Agüɨye kia ave toyemongeta iyé tuicha yae ko vae, jókuae güɨnoi vae güi. Ërei metei ñavo toyemongeta kavi iyé Tumpa omee chupe mborogüɨrovia rupi vae re.

1 Corintios 15:11

Echa che ra ani jae reta ra omoërakua peve Cristo regua, ërei jökorai pe reta perovia.

1 Corintios 15:2

jese vi peyemboasauka pepɨ̈rata yave jókuae ñee amoërakua peve vae re, añetete peporogüɨrovia yave.

1 Corintios 3:10

Che ko jae ipoki o oyapo vae rami. Tumpa ipɨakavi rupi omee cheve añono vaerä o iguapɨkarä. Jare ïru vae ko jae omopüa oï o iguapɨka iárambo vae rami. Ërei metei ñavo tomae kavi kërai omopüa vaerä o iguapɨka iárambo.

1 Corintios 3:6

Che amaetɨ, Apolos omboɨu, ërei Tumpa etei ko ombokuakuaa temitɨ.

1 Corintios 4:7

Echa ¿kia pa ndembotuicha yae ïru güi? ¿Mbae pa renoi Tumpa omeeä ndeve reve? Tumpa ko omee ndeve opaete renoi vae. Jáeramo ¿maera pa reyemboete, ndeyeugüi aeño renoi rami?

2 Corintios 12:11

Ayeapo metei iyarakuaambae vae rami ayemboete vae rupi, pe reta etei peyapouka jókuae cheve. Pe reta ko chemboeteta tëi. Echa jókuae temimondo añetembae tuichagüe reta güi, mbaetɨ ayandu chemichi yae, yepe tëi mbaeä etei ko che.

2 Corintios 3:5

Opaete mbaembae royapo vae oreyeugüi aeñoä ko. Tumpa güiño ko ou opaete mbaembae royapo vaerä.

2 Corintios 6:1

Ore roparavɨkɨ Tumpa peguarä. Jáeramo pomoñera agüɨye vaerä peyuvangaiño Tumpa ipɨakavi re.

Gálatas 2:8

Echa Tumpa oñono Pedro oiko vaerä jemimondorä judío reta peguarä. Jae vi cheñono aiko vaerä jemimondorä judiombae vae reta peguarä.

Filipenses 2:13

echa Tumpa etei omee peve kɨ̈reɨ jare peyapo vaerä, jae jemimbota rupi.

Filipenses 4:13

Opaete chepuere ayapo Cristo re, echa jae chemomɨ̈rata.

1 Tesalonicenses 5:12

Cherɨvɨ reta, pomoñera pemboete vaerä yandeYa pe oyeokuai pepɨte pe vae reta, petenondegua reta jare pemboarakuaa vae reta.

1 Timoteo 4:10

Echa kuaerä etei yaparavɨkɨ ñaï yaiporara reve, Tumpa oikove vae re yarovia ramo, opaete vae jese güɨrovia vae imboasaa.