1 Corintios 14:3 - Biblia Guarani Tumpa Iñee

³ Ërei omoërakua mbae maratuta vae, imiari ko ïru vae reta pe, omomɨ̈rata, omboarakuaa jare ombopɨakatu vaerä.

Nuevo Testamento Guaraní Pe

³ Erei Tumpa iñee omombeu vae imiari iru vae reta pe, omomɨrata jare omboaracuaa jare ombopɨacatu vaera.

1 Corintios 14:3 ပူးပေါင်းရင်းမြစ်များ

San Lucas 3:18

Körai, jare jeta ïru yemboarakuaa rupi omoërakua chupe reta ñee ikavi vae.

Hechos 13:15

Jare ïru vae reta opa omongeta mborookuai güi jare ñeemombeúa reta jembikuatía yave, tupao pegua reta itenondegua reta jei chupe reta: —Tëtara reta, oime penoi ñee yemboarakuaa pegua yave, pemiari.

Hechos 14:22

Jare kuae tëta guasu reta rupi jae reta omoäta ngatu oporogüɨrovia vae reta, jare omboarakuaa jekuaeño vaerä güɨnoi reta mborogüɨrovia Tumpa kotɨ. Jare jei vi chupe reta: “Yaiporara ñotai ko jeta yaike vaerä Tumpa iporookuaía pe.”

Hechos 15:32

Judas jare Silas ñeemombeúa reta ramo, ombopɨakatu jare omomɨ̈rata jeta imiari oporogüɨrovia vae reta pe.

Hechos 4:36

Jare metei levita ɨvɨ Chipreɨgua José jee vae, temimondo reta oero Bernabé pe vae (kuae tee oipota jei: “Oporombopɨakatu vae”).

Hechos 9:31

Jayave opaete Judea rupi, Galilea rupi jare Samaria rupi, oporogüɨrovia vae reta yogüɨreko pɨagüive jare oñemomɨ̈rata reta oipoɨu kavi reve yandeYa güi, jare Espíritu Santo iporomborɨ rupi jekuaeño jeta oñemoïru.

Romanos 12:8

oporomboarakuaa vaerä vae, toporomboarakuaa kavi. Mbae ipuere omee ïru vae pe vae, tomee ipɨa yerovia reve kavi. Tenondeguarä oï vae, toporookuai kavi. Oporomborɨ vaerä vae, toyapo oyerovia reve.

Romanos 14:19

Jáeramo, yaeka yayombopɨakatu jare ñañomomɨ̈rata vaerä.

Romanos 15:2

Metei ñavo yamboyerovia yanderapicha ikavi vae rupi, ipɨ̈rata vaerä iporogüɨrovia pe.

1 Corintios 10:23

Chepuere ko ayapo opaete aipota vae, ërei mbaetɨ ko opaete jaekavi ayapo vaerä. Chepuere ko ayapo opaete aipota vae, ërei mbaetɨ ko opaete yandemborɨ ñanepɨ̈rata vaerä.

1 Corintios 14:12

Jaeramiño vi pe reta peipota yae penoi vaerä Espíritu pegua. Peeka jókuae pɨpe ïru oporogüɨrovia vae reta pemomɨ̈rata vaerä vae.

1 Corintios 14:17

Añete ko, ikavi yae nde remee yasoropai Tumpa pe, ërei jókuae ïru vae mbaetɨ remomɨ̈rata pɨpe.

1 Corintios 14:26

Jáeramo, cherɨvɨ reta, ¿kërai pa jayave? Peyemboatɨ yave, metei ñavo pepuere petairari, peporomboe ani pemiari ambuae ñee pe, ani peikuaauka ïru reta pe Tumpa oikuaauka peve vae, ani pemombeu kavi mbae oipota jei ambuae ñee pe vae. Ërei toyeapo opaete peñomomɨ̈rata vaerä.

1 Corintios 14:31

Echa jökorai opaete pe reta pepuere pemoërakua Tumpa güi metei metei rupi, opaete vae peyemboe vaerä jare pemboarakuaa vaerä.

1 Corintios 8:1

Jókuae soo oñemee tumpa-raanga reta pe vae regua, opaete vae yaikuaa ko. Yaikuaa vae, yandemboyemboete ko, ërei mboroaɨu ñañemomɨ̈rata ko.

2 Corintios 1:4

echa jae yandembopɨakatu opaete yaiporara vae rupi, yandepuere vaerä vi yambopɨakatu ïru oiporara ñogüɨnoi vae reta, Tumpa yandembopɨakatu rami.

2 Corintios 2:7

Jáeramo ikavi ko peɨ̈ro jare pembopɨakatu. Agüɨye vaerä mo ipɨatɨtɨ yae oiko.

Efesios 4:29

Agüɨye etei pemoë ñee pɨ̈chɨi vae. Pemoë ñee ikavi vae, pemomɨ̈rata vaerä ïru vae reta, oyeapɨsaka peré vae reta omboyerovia vae.

Efesios 6:22

Jáeramo amondo pépɨri, peikuaa vaerä oreregua, jare jae pembopɨakatu vaerä.

Colosenses 4:8

Echa kuaerä amondo pépɨri, oikuaa vaerä peregua, jare jae pembopɨakatu vaerä.

1 Tesalonicenses 2:11

Jare peikuaa vi ore pe ndive, metei kuimbae taɨ ñavo omboarakuaa jare pombopɨakatu rami ko.

1 Tesalonicenses 2:3

Echa oreporomboarakuaa mbaetɨ royavɨ, añetete ko, mbaetɨ ko roporombotavɨ.

1 Tesalonicenses 3:2

jare romondo yanderɨvɨ Timoteo pépɨri. Jae ko Tumpa pe oyeokuai vae, oremborɨ omoërakua ñee ikavi vae Cristo regua vae. Romondo ko pemomɨ̈rata jare pemboarakuaa vaerä peporogüɨrovia pe;

1 Tesalonicenses 4:1

Añave cherɨvɨ reta, pomoñera jare pomboarakuaa yandeYa Jesús re, kërai peyemboe oregüi kërai peiko vaerä jare pemboyerovia vaerä Tumpa, jökorai jeiete avei peyapo.

1 Tesalonicenses 4:18

Jáeramo, peñomoäta ngatu päve kuae ñee reta pe.

2 Tesalonicenses 3:12

Royókuai jare romboarakuaa jókuae nunga reta yandeYa Jesucristo jee re oparavɨkɨ reta vaerä iyeupe, jembíu ae jou reta vaerä.

1 Timoteo 1:4

jare agüɨye toyeapɨsaka reta arakae ndaye reta re, jare iñemuñagüe reta regua re omoërakua vae reta re. Echa jókuae mboromboe jaeño güeru yoaka reta, oporombokuakuaa vaerägüe mborogüɨrovia Tumpa re. Jökorai royókuai.

1 Timoteo 4:13

Jekuaeño emongeta Tumpa Iñee, aja aväe ndeve regua, eporomboarakuaa jare eporomboe.

1 Timoteo 6:2

Jare iya reta oporogüɨrovia vae ko yave, agüɨye togüɨröɨro reta Tumpa güɨrovia jeko pegua. Ërei toyeokuai kavi chupe, echa iparavɨkɨagüe re oyekou vae reta oporogüɨrovia vae reta ko jare yandeYa oaɨu ko. Kuae eporomboe jare eporomboarakuaa.

2 Timoteo 4:2

emoërakua avei Tumpa iñee jare eñemoäta ngatu avei, eikuaauka kavi iyoa vae pe iyoa, jare emboeta chupe jese, eporomboarakuaa jare eporomboe ndepɨaguasu reve.

Tito 1:9

ipɨ̈rata ñee añetegüe re oyemboegüe vae, ipuere vaerä oporomboarakuaa añete vae rupi, jare oikuaauka kavi vaerä oyovaicho jae ndive vae reta pe.

Tito 2:15

Kuae re nemiari, eporomboarakuaa jare emboeta mbaepuere rupi kavi. Agüɨye kia ave tanereröɨro.

Tito 2:6

Jaeramiño vi emboarakuaa kuimbae taɨrusu vae reta oyeandu vaerä.

Tito 2:9

Emboarakuaa tembiokuai reta yogüɨreko vaerä iya jeia re, tomboyerovia iya opaete mbae pe, agüɨye toyaka iya;

Hebreos 10:25

Agüɨye yaata yemboatɨa pe, amogüe vae reta oyepokuaa rami, jaeño yayomboarakuaa; jeiete ñañemoäta ngatu, yaikuaa jókuae ara köi yae ramo.

Hebreos 13:22

Cherɨvɨ reta, pomoñera peropɨa vaerä kuae mbovɨ yemboarakuaa aikuatía peve vae.

Hebreos 3:13

ërei ara ñavo peñomoäta ngatu, “kuae ara” yae ramboeve, agüɨye vaerä metei ave pepɨte pegua oyembopɨatäta mbaeyoa iporombotavɨ rupi.

1 Pedro 5:12

Kuae mbovɨ aikuatía peve pomboarakuaa vaerä, jare arajaukata Silvano ndive peve, jae ko yanderɨvɨ jupi vae; amombeu peve kuae Tumpa ipɨakavi añetete vae ko, pe reta peï pɨpe vae.

Judas 1:20

Ërei pe cherɨvɨ aaɨu vae reta, peñemomɨ̈rata peporogüɨrovia ikɨambae pe, peyerure reve Espíritu Santo rupi.