1 Corintios 14:26 - Biblia Guarani Tumpa Iñee

²⁶ Jáeramo, cherɨvɨ reta, ¿kërai pa jayave? Peyemboatɨ yave, metei ñavo pepuere petairari, peporomboe ani pemiari ambuae ñee pe, ani peikuaauka ïru reta pe Tumpa oikuaauka peve vae, ani pemombeu kavi mbae oipota jei ambuae ñee pe vae. Ërei toyeapo opaete peñomomɨ̈rata vaerä.

Nuevo Testamento Guaraní Pe

²⁶ Jae rambue, cherɨvɨ reta, ¿mbae ra yaeta? Peñemboatɨ yave, metei ñavo peipota pemboete Tumpa pecanta reve, ani peipota peporomboe, ani peipota pemiari ambué vae iñee pe, ani peipota peicuauca iru reta pe Tumpa oicuauca peve vae, ani peipota pemombeu mbae oipota jei ambué vae iñee pe oñeendu vae. Peyapo opaete peñomomɨrata vaera.

1 Corintios 14:26 ပူးပေါင်းရင်းမြစ်များ

Romanos 1:13

Cherɨvɨ reta, aipota peikuaa kërai che mbovɨ ye ma ayupavo tëi aja vaerä pépɨri (ërei jekuaeño mbae chemboavai), echa aipota ayeokuai Cristo pe pepɨte pe, ïru judiombae vae reta ipɨte rupi ayeokuai rami.

Romanos 12:7

mbaepuere oyeokuai vaerä vae, toyeokuai kavi. Oporomboe vaerä vae, toporomboe kavi;

Romanos 14:19

Jáeramo, yaeka yayombopɨakatu jare ñañomomɨ̈rata vaerä.

Romanos 15:2

Metei ñavo yamboyerovia yanderapicha ikavi vae rupi, ipɨ̈rata vaerä iporogüɨrovia pe.

1 Corintios 14:15

¿Kërai pa jayave? Tayerure espíritu rupi jare tayerure vi aikuaa reve kavi. Jaeramiño vi tatairari espíritu rupi jare tatairari vi aikuaa reve kavi.

1 Corintios 14:2

Echa ambuae ñee reta pe imiari vae, mbaetɨ ko imiari kuimbae reta pe, imiari ko Tumpa pe. Echa mbaetɨ kia oikuaa mbae jei vae, jae imiari Espíritu Santo rupi yaikuaambae vae re.

1 Corintios 14:27

Oime yave kia reta imiari ambuae ñee reta pe vae, timiari mókoi ani mboapɨño, jare toñoäro metei ñavo, ërei metei tomombeu kavi mbae oipota jei ambuae ñee reta vae.

1 Corintios 14:40

Ërei peyapo kavi opaete sɨmbi rupi kavi jare jenda pe kavi.

2 Corintios 12:19

Güɨramoi peyemongeta kuae oremiari vae royeepɨ vaeräño ko. Ërei jökoraiä ko. Oremiari körai Tumpa jovake Cristo re rogüɨrovia ramo. Cherɨvɨ reta, royapo ko opaete kuae pepɨ̈rata vaerä peporogüɨrovia pe.

2 Corintios 13:10

Jáeramo aikuatía peve körai pépɨri aïä reve, agüɨye vaerä täta amboeta aja pépɨri yave, mbaepuere yandeYa omee cheve pombokuakuaa vaerä vae rupi, mbaetɨ ko omee cheve pomboai vaerä.

Efesios 4:12

Jökorai oyapo, oñeñono tee vae reta ipɨ̈rata vaerä, jae reta ipuere vaerä oparavɨkɨ Tumpa pe, okuakuaa vaerä Cristo jete,

Efesios 4:16

Jese ko opaete jete jare opaete iyoapɨa pɨa oparavɨkɨ metei ramiño jare oyomborɨ päve iparavɨkɨ ae ae rupi, jökorai okuakuaa päve mboroaɨu pe.

Efesios 4:29

Agüɨye etei pemoë ñee pɨ̈chɨi vae. Pemoë ñee ikavi vae, pemomɨ̈rata vaerä ïru vae reta, oyeapɨsaka peré vae reta omboyerovia vae.

Efesios 5:19

Pemiari reve oyoupe salmo reta rupi, tairari reta Tumpa pegua; pepɨa pe pemboete jare petairari yandeYa pe.

1 Tesalonicenses 5:11

Jáeramo, peñomoäta ngatu päve jare peñemomɨ̈rata, peyapo peï rami.