1 Corintios 14:25 - Biblia Guarani Tumpa Iñee

²⁵ jökorai oyekuaata chupe opaete ipɨa pe oï vae, jare oyetavatɨkata omboete reve Tumpa, jare jeita kërai añetete Tumpa oiko pepɨte pe.

Nuevo Testamento Guaraní Pe

²⁵ Jare jocorai oyecuaata chupe opaete ipɨa pe oi vae, jare oyeatɨcata omboete reve Tumpa, jare jeita quirai añetete Tumpa oico pepɨte pe.

1 Corintios 14:25 ပူးပေါင်းရင်းမြစ်များ

GÉNESIS 44:14

Judá ou oväe tɨvɨ reta ndive José oïa pe yave, jae oimeño oï joko pe, jare oyetavatɨka reta itindɨasɨ ɨvɨ re jae jóvai.

SALMOS 72:11

¡Opaete mburuvicha guasu reta toyetavatɨka itindɨasɨ reve jóvai! ¡Opaete tëtaguasu reta toyeokuai chupe!

ISAÍAS 45:14

YandeYa jei körai Ciro pe: “Egiptoɨgua reta iparavɨkɨ reta, Etiopíaɨgua omaemee vae reta, Sabáɨgua reta, kuimbae ipuku vae reta, opata oñemee ndeve jare yogüɨrekota nderembiokuairä; reñapɨtita opa reraja nderaɨkue, oyetavatɨka retata nderóvai jare nemoñera retata körai: ‘Añetete oime Tumpa oï nde ndive, mbaetɨ ïru Tumpa chugüi.’ ”

ISAÍAS 60:14

Jare oñemomichi reve yogüeruta ndekotɨ oiporaraukase ndeve vae taɨ reta, jare nemotareɨse vae reta, oyetavatɨkata nderóvai, jare nereenɨi retata ‘YandeYa Jëta guasu’, ‘Sión, Iyoambae Israel pegua jëta’.

DANIEL 2:47

Jare mburuvicha guasu jei Daniel pe: —Añetete yepe peTumpa güɨnoi mbaepuere tumpa reta güi, jare imbaepuere yae mburuvicha guasu reta güi, jare jae oikuaauka yaikuaa rapeä vae, echa ndepuere reikuaauka cheve kuae aikuaa rapeä vae.

ZACARÍAS 8:23

YandeYa Imbaepuere yae ete vae jei körai: Jókuae ara payandepo kuimbae reta ïru tëtaguasu pegua reta oipɨɨ retata metei judío jemimonde, jei reve: ‘¡Torojo perupíe, echa roendu Tumpa oiko pe ndive!’ ”

San Lucas 17:16

Jare oyetavatɨka itindɨasɨ reve Jesús jóvai jare omee yasoropai chupe. Jare jókuae jae ko Samariaɨgua.

San Lucas 5:8

Jare Simón Pedro kuae oecha yave, oyetavatɨka Jesús jóvai jare jei chupe: —Esɨrɨ chegüi, cheYa. Echa che ko jae metei kuimbae iyoa vae.

San Lucas 8:28

Kuae kuimbae oecha Jesús yave, osapúkai jare oyetavatɨka itindɨasɨ jóvai. Jayave iñeeäta reve jei: —¿Maera pa reyu cheve Jesús, Tumpa Tuichagüe yae vae Taɨ? Romoñera agüɨye eiporarauka cheve.

San Juan 4:19

Jayave kuña jei: —CheYa, añave aikuaa nde ko jae ñeemombeúa.

Hechos 4:13

Jayave oecha reta yave kërai Pedro jare Juan okɨɨyembae reve imiari, jare oikuaa reta mbaetɨ ko oyemboe vae. Ipɨakañɨ yae jese reta, jare oikuaa reta Jesús jemimboe ko vae.

DEUTERONOMIO 9:18

Javoi ayetavatɨka yandeYa jóvai tenonde yave rami, cuarenta ara jare cuarenta pɨ̈tu akarumbae jare aɨumbae, pe reta peyoa pemboarasɨuka yandeYa jeko pegua.

Apocalipsis 19:4

Jare jókuae veinticuatro tenondegua okuakuaa vae reta jare jókuae irundɨ oikove vae reta oyetavatɨka itindɨasɨ reve omboete reta Tumpa, oguapɨ oï iguapɨa pe vae, jae reta jei: “¡Amén! ¡Aleluya!”

Apocalipsis 5:8

Jare tembikuatía güɨnoi ma yave, jókuae irundɨ oikove vae reta jare jókuae veinticuatro tenondegua okuakuaa vae reta oyetavatɨka Vecha kuimbae taɨrusu vae jóvai. Metei ñavo güɨnoi arpa jare kopa oro pegua tɨnɨe ikäti kavi incienso, jae ko oporogüɨrovia vae reta iyerure;

1 SAMUEL 9:19

Samuel jei Saúl pe: —Che ko jae, eyeupi che ndive kuae ɨvɨtɨ mbaemboete renda pe, jare ekaru añave che ndive. Pɨareve tamombeu ndeve opaete ndepɨa pe renoi reparandu vaerä vae.