1 Corintios 14:21 - Biblia Guarani Tumpa Iñee

²¹ Mborookuai pe oyekuatía oï körai: “Amomiarita kuae ɨvɨ pegua reta ambuae ñee pe, ambuae ɨvɨ pegua reta iñee pe. Ërei jeseve ngaraa oyeapɨsaka cheré, jei yandeYa.”

Nuevo Testamento Guaraní Pe

²¹ Mboroócuai pe oyecuatía oi corai: “Chemiarita cuae ɨvɨ pegua reta pe ambué ɨvɨ pegua reta iñee ae pe imiari vae rupi. Erei jeseve ngaraa oyeapɨsaca cheré —jei ñandeYa”. Jocorai oyecuatía oi.

1 Corintios 14:21 ပူးပေါင်းရင်းမြစ်များ

JEREMÍAS 5:15

YandeYa jei ye: “Israel pegua reta, mase, ko aru peve matɨ güi jeta vae, jëia yae jare tëta ñɨma yae vae pegua reta. Mbaetɨ peikuaa iñee reta jare iyemongeta reta vae.

San Juan 10:34

Jayave Jesús jei chupe reta: —Mborookuai penoi vae pe oyekuatía oï körai: “Pe reta ko jae tumpa reta.”

Hechos 2:4

Jayave opaete joko pe ñogüɨnoi vae reta tɨnɨe Espíritu Santo pe, jare omboɨpɨ imiari reta ambuaeyee vae ñee reta pe, Espíritu Santo omee chupe reta imiari vaerä vae pe.

Romanos 3:19

Ërei yaikuaa ko opaete mborookuai jei vae, jei ko mborookuai güɨnoi vae reta pe, agüɨye vaerä mbae jei jare opaete vae oike vaerä Tumpa iporojäa pe;

1 Corintios 14:34

tikïrii kuña reta. Echa mbaetɨ ko jaekavi imiari vaerä. Metei ñavo toiko ime jeia re, echa jökorai jei mborookuai pe.

DEUTERONOMIO 28:49

YandeYa güeruta peve metei tëtaguasu matɨ güi, ɨvɨ iyapɨ kotɨ güi, güɨraké rami iñäkua vae; tëtaguasu mbaetɨ iñee peikuaa vae;