1 Corintios 14:2 - Biblia Guarani Tumpa Iñee

² Echa ambuae ñee reta pe imiari vae, mbaetɨ ko imiari kuimbae reta pe, imiari ko Tumpa pe. Echa mbaetɨ kia oikuaa mbae jei vae, jae imiari Espíritu Santo rupi yaikuaambae vae re.

Nuevo Testamento Guaraní Pe

² Echa ambuembué vae iñee reta pe imiari vae imiari Tumpa pe, mbaeti iru vae reta pe. Echa mbaeti quia oicuaa mbae jei vae. Jae imiari Espíritu Santo rupi mbaeti oyecuaa vae re.

1 Corintios 14:2 ပူးပေါင်းရင်းမြစ်များ

GÉNESIS 11:7

Añave, ikavi yagüeyɨ joko pe yamoambuae chugüi reta iñee, agüɨye vaerä ipuere oikuaa reta iñee oyoupe.”

GÉNESIS 42:23

Ërei jae reta mbaetɨ oikuaa José oikuaa ko iyemongeta chugüi reta vae, echa ñee oipoepɨ vae rupi imiari jae reta ndive.

2 REYES 18:26

Jayave Eliaquim, Hilcías taɨ, Sebna jare Joa, jei Rabsaces sundaro ruvicha Asiria pegua pe. —Romoñera oremomiari vaerä ñee arameo pe, echa ore roikuaa jókuae ñee, agüɨye oremomiari ñee Judá pegua reta iñee pe, echa oenduta ko tëta ikësea re ñogüɨnoi vae.

SALMOS 78:2

Chemiarita ñee arakuaa pegua; chemiarita mbae oñemi oiko arakae güive vae re.

San Mateo 13:11

Jesús jei chupe reta: “Tumpa oikuaauka peve araɨgua mborookuaía peikuaambae vae. Ërei chupe reta mbaetɨ.

San Marcos 16:17

Jare güɨrovia vae reta cheree re ombosɨrɨta aña reta oya jese vae reta güi. Jare imiari retata ïru ñee pe.

San Marcos 4:11

Jayave Jesús jei chupe reta: “Amombeu ma peve Tumpa iporookuaía regua peikuaambae vae. Ërei ïru vae reta amboe ambojaanga reve.

Hechos 10:46

Echa jae reta oendu imiari reta ambuae ñee reta pe jare omboete reta Tumpa.

Hechos 19:6

Jayave Pablo oñono ipo jese reta yave, ou jese reta Espíritu Santo, jare jae reta imiari ambuae ñee reta pe, jare omoërakua reta Tumpa iñee.

Hechos 22:9

Jare che ndive ñogüɨnoi vae reta oecha tembipe, jare okɨɨye reta. Ërei mbaetɨ oikuaa mbae jei jókuae imiari che ndive vae.

Romanos 16:25

Yamboete Tumpa, jae ipuere pemomɨ̈rata ñee ikavi vae Jesucristo regua amoërakua vae rupi. Kuae ñee ikavi vae yaikuaambae oñeomi oiko ndei ɨvɨ oyeapo mbove vae.

1 Corintios 12:10

Ïru vae pe omee oyapo vaerä mɨakañɨ reta, ïru vae pe omee omombeu vaerä Tumpa iñee, ïru vae pe omee oikuaa vaerä Espíritu añete vae jare añetembae vae, ïru vae pe omee imiari vaerä ñee reta ambuae pe, jare ïru vae pe omee omombeu kavi vaerä ñee reta ambuae mbae ra oipota jei vae.

1 Corintios 12:28

Jare Tumpa oñono oporogüɨrovia vae reta ipɨte pe, tenonde ete temimondo reta, mokoía ñeemombeúa reta, mboapɨa oporomboe vae reta, javoi mɨakañɨ oyapo vae reta, oporombogüera vae reta, oporomborɨ vae reta, oyangareko mbae re vae reta, ambuae vae ñee reta pe imiari vae reta.

1 Corintios 13:1

Chemiari yave ambuae ñee reta pe jare araɨgua reta iñee pe, ërei mbaetɨ aporoaɨu yave, ayu ko apɨta kapana ipu rami jare platillo ipu rami.

1 Corintios 13:2

Yepe mona amoërakua maratuta vae re, ani aikuaa opaete mbaembae yaikuaambae vae, jare opaete arakuaa katu, jare anoi mborogüɨrovia tuicha vae, chepuere vaerä ambosɨrɨ ɨvɨtɨ guasu reta. Ërei mbaetɨ aporoaɨu yave, mbaeä ko che.

1 Corintios 14:16

Echa nde remboete yave Tumpa ndeespíritu peño, ñee nemiari pɨpe vae oikuaambae vae ngaraa ipuere oñemoïru nde ndive, yasoropai Tumpa pe remee yave. Echa mbaetɨ oikuaa mbae ko rere vae.

1 Corintios 14:26

Jáeramo, cherɨvɨ reta, ¿kërai pa jayave? Peyemboatɨ yave, metei ñavo pepuere petairari, peporomboe ani pemiari ambuae ñee pe, ani peikuaauka ïru reta pe Tumpa oikuaauka peve vae, ani pemombeu kavi mbae oipota jei ambuae ñee pe vae. Ërei toyeapo opaete peñomomɨ̈rata vaerä.

1 Corintios 15:51

Mase, tamombeu peve oyekuaambae vae. Ngaraa opaete ñamano. Ërei opaete yayepoepɨta,

1 Corintios 2:10

Ërei Tumpa oikuaauka yandeve Espíritu Santo rupi. Echa Espíritu Santo oikuaa opaete mbae. Oikuaa vi opaete Tumpa regua yavai yae yaikuaa vaerä vae.

1 Corintios 2:7

Ërei oremiari ko Tumpa iyarakuaa yaikuaa rapembae vae, arakuaa oñemi vae; kuae ko Tumpa ombosɨrɨ ndei ɨvɨ oyeapo mbove, yayemboeteuka vaerä.

Efesios 6:19

jare cheré vi, Tumpa omee vaerä cheve ñee, akɨɨyembae reve aikuaauka vaerä yaikuaa rapembae vae ñee ikavi regua.

DEUTERONOMIO 28:49

YandeYa güeruta peve metei tëtaguasu matɨ güi, ɨvɨ iyapɨ kotɨ güi, güɨraké rami iñäkua vae; tëtaguasu mbaetɨ iñee peikuaa vae;

Colosenses 2:2

pepɨakatu vaerä, jare peyoaɨu vaerä metei ramiño, peupitɨ regua opaete arakuaa, peikuaa regua yandeRu Tumpa jare Cristo regua yaikuaambae vae.

1 Timoteo 3:16

Añete ñanemopɨakañɨ yae ko kuae añetegüe Tumpa re yarovia vae: Tumpa oyeapo kuimbaerä, Espíritu Santo oikuaauka jae ko jupi vae. Araɨgua reta oecha. Jërakua opaete judiombae reta pe. Ɨvɨ pegua reta güɨrovia jese. Jare Tu omboresive ye ara pe.

1 Timoteo 3:9

toñovatu jókuae añete vae yaikuaa yarovia vae re, jare toiko oyemongeta kavi reve.

Apocalipsis 10:7

echa araɨgua chiúa omboɨpɨ ma omoñee mimbɨguasu yave, opata oyembopo Tumpa iyemongeta yaikuaa rapembae vae, jae oikuaauka jembiokuai iñeemombeúa reta rupi vae.”