1 Corintios 14:12 - Biblia Guarani Tumpa Iñee

¹² Jaeramiño vi pe reta peipota yae penoi vaerä Espíritu pegua. Peeka jókuae pɨpe ïru oporogüɨrovia vae reta pemomɨ̈rata vaerä vae.

Nuevo Testamento Guaraní Pe

¹² Jae ramiño vi pe reta peipota yae penoi vaera mbota Espíritu Santo omee vae reta. Jae rambue peipota yae jocuae mbota pɨpe iru oporogüɨrovia vae reta pepuere pemomɨrata vae reta.

1 Corintios 14:12 ပူးပေါင်းရင်းမြစ်များ

Romanos 14:19

Jáeramo, yaeka yayombopɨakatu jare ñañomomɨ̈rata vaerä.

1 Corintios 12:31

Ërei peeka mbaepuere ikavi yae vae. Tamombeu peve mbae ikavi yae ete kuae mbaembae reta güi vae.

1 Corintios 12:7

Ërei metei ñavo pe oñemee oyekuaa vaerä jese Espíritu Santo güɨnoi vae omborɨ vaerä ïru vae.

1 Corintios 14:1

Peiko avei mboroaɨu rupi; jare peeka mbaembae Espíritu pegua, ërei pembotenonde pemoërakua vaerä mbae maratuta vae re.

1 Corintios 14:13

Jáeramo ambuae ñee pe imiari vae, toyerure Tumpa pe ipuere vaerä omombeu mbae oipota jei jókuae ambuae ñee vae.

1 Corintios 14:26

Jáeramo, cherɨvɨ reta, ¿kërai pa jayave? Peyemboatɨ yave, metei ñavo pepuere petairari, peporomboe ani pemiari ambuae ñee pe, ani peikuaauka ïru reta pe Tumpa oikuaauka peve vae, ani pemombeu kavi mbae oipota jei ambuae ñee pe vae. Ërei toyeapo opaete peñomomɨ̈rata vaerä.

1 Corintios 14:5

Che aipotaecha opaete pe reta pemiari vaerä ambuae ñee reta pe. Ërei aipota yae vae jae ko pemoërakua vaerä mbae maratuta vae re. Echa Tumpa güi omoërakua vae oyapɨraa ambuae ñee pe imiari vae; ërei ñee ambuae vae omombeu kavi mbae ra oipota jei vae yave, oporogüɨrovia vae reta pe omomɨ̈ratata.

Tito 2:14

Echa jae oñemee omano vaerä yanderé, jae yandereepɨ vaerä opaete ikavimbae güi, jare oyoe vaerä yandepɨa yandeyoa reta güi, yandeapo vaerä imbae retarä, yaipota yae vaerä yayapo mbaravɨkɨ ikavi vae.