1 Corintios 13:5 - Biblia Guarani Tumpa Iñee

⁵ mbaetɨ yayapo ikavimbae, mbaetɨ yaipota mbae yandeyeupeguaräño, mbaetɨ yandearasɨ, mbaetɨ yandearasɨ yaiko yandepɨa pe ïru vae kotɨ,

Nuevo Testamento Guaraní Pe

⁵ mbaeti yayapo icavi mbae vae, mbaeti mbae yaipota ñandeyeupeguaraño, mbaeti ñandearasɨ, mbaeti ñanemaendúa icavi mbae vae iru vae reta oyapo ñandeve vae re,

1 Corintios 13:5 ပူးပေါင်းရင်းမြစ်များ

2 SAMUEL 10:3

mburuvicha jókuae ɨvɨ pegua reta jei juvicha guasu Hanún pe: “¿Rerovia pa David ombou kuae reta omboete nderu ramo, ndembopɨakatu vaerä nderu imano re? ¡Ombou ko oipïaro jare omae reta kuae ɨvɨ re, opa vaerä omboai!”

JOB 21:27

Mase, che aikuaa katu peyemongeta chekotɨ vae, jare ikavimbae peyapo vaerä penoi vae.

PROVERBIOS 14:17

Iyarasɨ katu vae, oyapo rai voi mbae; kuimbae ipɨapochɨ vae, oñemotareɨukata ko.

ISAÍAS 3:5

Jare teko mbaetɨta ikavi, metei ñavo oñemopüata jo iyɨpɨ pegua re. Taɨrusu vae reta oñemopüata ndechi reta re, jare paravete vae reta oñemopüata oikokatu vae reta re.

JEREMÍAS 11:19

Che aiko, metei vecha kuimbae taɨrusu vae oyereraja mbaeyukaa pe rami, aikuaambae reve oime ko oyemongeta pɨ̈chɨi reta chekotɨ vae. Jei reta chekotɨ: “Yayasɨa ɨvɨra ia kavi oï añave vae, yayasɨa kuae ɨvɨ güi, oikove vae reta ipɨte güi, agüɨye vaerä mo kia imaendúa jese.”

NÚMEROS 12:3

Jare jókuae kuimbae Moisés ipɨaguasu yae vae ko, opaete kuimbae reta ɨvɨ pegua güi.

NÚMEROS 16:15

Jayave Moisés iyarasɨ yae ete, jare jei yandeYa pe: —¡Agüɨye emae mbota güerugüe reta re! Mbaetɨ ko apɨ̈ro metei mburika ave yepe chugüi reta, jare metei vae pe ave mbaetɨ ayapo ikavimbae.

NÚMEROS 32:6

Ërei Moisés jei Rubén jare Gad iñemuña reta pe: —¿Peipota pa pepɨta kuae pe, perëtara reta yogüɨraja ramboeve ñeraro pe?

San Mateo 5:22

Ërei che jae peve, oime yave kia pochɨ japicha pe vae, oñejäaukata ko. Jare oime yave kia jei japicha pe ‘osirivembae’, oñejäaukata judío reta iporojäa renda pe. Jare oime yave kia jei japicha pe ‘yaɨmba’, tata guasu pe oiporarata.

San Mateo 9:4

Ërei Jesús oikuaa jae reta iyemongeta ramo jei chupe reta: —¿Maera pa penoi pepɨa pe yemongeta reta ikavimbae?

San Marcos 3:5

Jayave iyarasɨ reve Jesús omae iyɨpɨ rupi ñogüɨnoi vae reta re, jare ipɨatɨtɨ yae jae reta ipɨatäta ramo, jei kuimbae pe: —Emopüa ndepo. Jayave kuimbae omopüa ipo jare okuera voi.

San Lucas 7:39

Jare fariseo Jesús pe oparea vae kuae oecha yave, jei ipɨa pe: “Kuae kuimbae, ñeemombeúa ko yave, oikuaata mbae nunga ko kuae kuña vae. Echa iyoa vae ko.”

1 Corintios 10:24

Agüɨye kia toeka chupe jaekavita vaeño, jaeño jaekavita ïru pe vae.

1 Corintios 10:33

Jökoraiño vi che ayapo opaete mbaembae jaekavi opaete ïru vae reta pe vae, aekambae reve jaekavi cheve vaeño. Jaeño aeka jeta vae reta amborɨ vaerä, oyemboasauka reta vaerä.

1 Corintios 11:18

Kuae räri tae peve: Jërakua cheve kërai peyemboyao oyougüi, peyemboatɨ yave pemboete vaerä Tumpa. Jare arovia güɨramoi añete ko.

1 Corintios 12:25

jökorai oyapo, agüɨye vaerä yanderete regua reta oyemboyao oyougüi, opareve oyangareko kavi päve vaerä oyoe.

1 Corintios 7:36

Ërei amogüe vae oyemongeta tayɨ mbaetɨ jaekavi opɨta vaerä omendambae, ërei tayɨ oipota tëi omenda. Tomaeño tayɨ re omenda vaerä, jökorai yave, mbaetɨ ko iyoa.

2 Corintios 5:19

kërai Tumpa ombopɨakatu jae ndive opaete ɨvɨ pegua reta Cristo rupi, agüɨye vaerä ma omboeko reta imbaeyoa reta re. Jare Tumpa yandeokuai ñamoërakua vaerä yembopɨakatu regua.

Gálatas 5:13

Añete ko, cherɨvɨ reta, Tumpa peparavo peyeyora vaerä. Jaeño agüɨye peiporu jókuae yeyora soo jemimbota peyapo vaerä, ërei peyeokuai oyoupe peyoaɨu reve.

Filipenses 2:21

Echa opaete vae oyemoambeko iyé aeño, mbaetɨ oyemoambeko Cristo Jesús iparavɨkɨ re.

Filipenses 4:8

Jare añave cherɨvɨ reta, peyemongeta opaete mbae añetete vae re, opaete mbae jaekavi vae re, opaete mbae jupi vae re, opaete mbae ikɨambae vae re, opaete mbae ikavi vae re, jare opaete mbae yandepuere ñanemiari kavi jese vae re. Peyemongeta opaete ikavi vae jare mbaemboete pegua re.

2 Tesalonicenses 3:7

Pe reta etei peikuaa ikavi ko kërai peiko vaerä ore rami. Echa ore roiko pepɨte pe yave, mbaetɨ ko roikoiño,

2 Timoteo 2:10

Jáeramo, aropɨa aaɨu ramo Tumpa oiparavo vae reta, jae reta vi güɨnoi vaerä yemboasa Cristo Jesús rupi, mbaemboete opambae.

2 Timoteo 4:16

Tenonde oñeapo reta cheré yave, mbaetɨ etei chemborɨ kia ave, opaetei chereeya vae; agüɨye Tumpa tomboeko reta jese.

Santiago 1:19

Jáeramo, cherɨvɨ aaɨu vae reta, opaete toïndaivi oyeapɨsaka vaerä, agüɨye mbae tei rai voi, agüɨye tiyarasɨ rai voi,