1 Corintios 13:4 - Biblia Guarani Tumpa Iñee

⁴ Mboroaɨu jae ko yaiporara vae, yandepɨakavi vae, mbaetɨ ko ñemoägüɨro, mbaetɨ ko yembotuicha, mbaetɨ ko pɨayemboete,

Nuevo Testamento Guaraní Pe

⁴ Yaporoaɨu yave, ñandepɨaguasu jare ñandepɨacavi iru vae reta pe. Yaporoaɨu yave, mbaeti yaipota iru vae reta imbaembae, mbaeti ñañemotenonde, mbaeti ñañemboete,

1 Corintios 13:4 ပူးပေါင်းရင်းမြစ်များ

GÉNESIS 30:1

Raquel oecha yave jae mbaetɨ imembɨ Jacob pe omotareɨ tɨke Lea, jare jei ime pe: —Chemomembɨ, echa mbaetɨ yave amanota.

GÉNESIS 37:11

Jare tɨkeɨ reta omotareɨ yae, ërei tu oyemongeta oiko kuae re.

NEHEMÍAS 9:17

Mbaetɨ ikɨ̈reɨ reta oyeapɨsaka, ani imaendúa reta mɨakañɨ reta reechauka chupe reta vae re. Oyembopɨa täta reta, jare ipɨarai jeko pegua oyemongeta reta jare oiparavo reta iyeupe metei itenondeguarä, jae güɨraja ye vaerä yeokuaiasɨ katúa kotɨ, Egipto pe. Ërei nde ko Tumpa iñɨ̈ro katu vae, oyeaeä vae, ipɨaguasu vae, iporoparareko vae, mbaetɨ iyarasɨ raivi vae jare tuicha iporoaɨu vae, jare mbaetɨ reeya reta.

SALMOS 10:5

Oyapogüe oë kavi avei chupe. Neporojäa reta güi oñemoakañɨ etei ko; omotareɨ opaete jovaicho reta.

PROVERBIOS 10:12

Ñomotareɨ güeru yoaka reta, ërei mboroaɨu iñɨ̈ro opaete mbaeyavɨ reta pe.

PROVERBIOS 13:10

Pɨayemboete, güeru ñeraro; ërei yemboarakuaa oendu vae, yarakuaa katu.

PROVERBIOS 17:14

Oporomoñorarouka vae, ɨ̈aka güi ɨ oyepɨyere rami ko; ndei ñañererokomegua pɨpe mbove, yayembosɨrɨ chugüi.

PROVERBIOS 17:9

Japicha imbaeyavɨ mbaetɨ omoërakua vae, oyeaɨuka ko; ërei omoërakua vae, ombosɨrɨ iyeugüi ivɨa-ïru.

PROVERBIOS 19:22

Oporoparareko vae, jae ko kuimbae ipɨakatu vae, ërei paravete vae ko, ikavi yae ete iyapu yae vae güi.

PROVERBIOS 31:20

Omborɨ avei paravete vae reta, jare mbae re oata yae vae reta.

PROVERBIOS 31:26

Imiari yarakuaa katu reve, iporoaiu reve kavi oporomboarakuaa.

ECLESIASTÉS 10:4

Mburuvicha iyarasɨ ndeve yave, agüɨye emboasɨ, echa mbɨaguasu rupi ko oñemoroɨ̈sa arasɨ.

San Mateo 27:18

Echa jae oikuaa judío reta omee Jesús chupe iyakatúä jese ramo.

Hechos 7:9

Jókuae yandeɨpɨ reta omotareɨ José ramo omee reta korepoti re, oyererajauka vaerä Egipto pe. Ërei Tumpa oï José ndive,

Romanos 1:29

Tɨnɨe ñogüɨnoi opaete jupimbae vae pe, aguasa pe, teko pɨ̈chɨi pe, mbaepotarai pe, ikavimbae pe. Iyakatúä reta ïru re vae pe, mboroyuka pe, ñerarose pe, mborombotavɨ pe, ñee kavimbae pe,

Romanos 13:13

Yaiko kavi, tembipe pe yogüɨreko vae reta rami. Agüɨye yandearete avei jare yasavaɨpo. Agüɨye ñamomora soo jemimbota ani ñanekuña pota ani kuña imbɨa pota yae. Agüɨye yanderovaicho pota jare yandeakatúä ïru vae re.

1 Corintios 3:3

Echa jekuaeño peiko pe peregüe reño. Echa jekuaeño peñemoägüɨro oyoe, peñoraro jare peyoambotaä ¿jaeä pa jókuae jeigüe reño oiko vae?, jare ¿oipotagüe kuimbae ramiño?

1 Corintios 4:18

Ërei amogüe pepɨte pe oyembotuicha, oyemongeta ngaraa ma aja pépɨri ramo.

1 Corintios 4:6

Cherɨvɨ reta, kuae amombeu ma peve ambojaanga reve cheyé jare Apolos re, poaɨu ramo. Peyemboe vaerä kuae roechauka peve vae rupi agüɨye pepía oyekuatía oï vae güi. Agüɨye vaerä metei vaeño pembotuicha ïru vae güi.

1 Corintios 5:2

¡Jökorai reve peyembotuicha! Pepɨatɨtɨta tëi ko jókuae teko re, peekɨ vaerä pepɨte güi jókuae iyapoa.

1 Corintios 8:1

Jókuae soo oñemee tumpa-raanga reta pe vae regua, opaete vae yaikuaa ko. Yaikuaa vae, yandemboyemboete ko, ërei mboroaɨu ñañemomɨ̈rata ko.

2 Corintios 12:20

Aipoɨu aja ye yave pépɨri, güɨramoi aechata mbaetɨ peiko che aipota rami, jare güɨramoi pe reta chereechata mbaetɨ peipota rami. Aipoɨu peyoaka oyoupii, peakatúä oyoe, peyomboarasɨ, peyemboyao oyougüi, peñeeasɨ katu oyoupe, peñeenguru oyoupe, pɨapochɨ, tekorai.

2 Corintios 6:6

jare vi teko ikɨambae rupi, arakuaa reta, rogüɨropɨa vae rupi, mbɨakavi rupi, Espíritu Santo rupi, añetete vae mboroaɨu rupi,

Gálatas 5:26

Agüɨye yayembotuicha. Agüɨye yayovaicho oyoupii. Agüɨye yandepɨakatúä oyokotɨ.

Efesios 4:2

Peñemomichi reve, pepɨaguasu oyoupe peyoaɨu reve,

Efesios 4:32

Ërei pepɨakavi oyoupe, peyoparareko, peɨ̈ro oyoupe, Tumpa iñɨ̈ro peve Cristo rupi rami.

Filipenses 1:15

Añete ko, amogüe vae omombeu Cristo regua iyakatúä cheré güi, jare oyemboyovaicho chekotɨ güi. Ërei ïru vae reta omombeu ikɨ̈reɨ ngatu güi.

Colosenses 1:11

Tumpa tapemomɨ̈rata imbaepuere tuicha yae vae pe, pepɨaguasu jare peropɨa avei vaerä.

Colosenses 2:18

Agüɨye kia ave tapeopia Tumpa omeeta peve vae güi, echa amogüe vae oñemomichi raanga, jare omboete araɨgua reta, oechambae reve oecha rami oyeapo reta, oyembotuicha iyemongeta ae re.

Colosenses 3:12

Peyemonde Tumpa jembiparavo, jae oñono tee iyeupeguarä jare jembiaɨu reta rami: Peporoparareko ete kavi, pepɨakavi oyoupe, peñemomichi, pepɨaguasu oyoupe,

1 Tesalonicenses 5:14

Cherɨvɨ reta, pomoñera vi pemboeta vaerä iyakɨ vae reta pe, jare pemoäta ngatu oyembopɨtu vae jare pemborɨ ipɨ̈ratambae reta, jare pepɨaguasu opaete vae pe.

1 Timoteo 6:4

jókuae nunga oyembotuicha ko, jare mbaetɨ etei ko oikuaa mbae ave, oyoaka apoño. Joko güi oë pɨakatúä, ñeapose, ñee ikavimbae Tumpa kotɨ, jare mborogüɨrovia katúä.

2 Timoteo 2:25

tomboe oñemomichi reve oyembopɨapochɨ vae reta, echa güɨramoi Tumpa omaeñota jese reta oeya vaerä iyemongeta ikavimbae vae jare oikuaa vaerä añete vae,

2 Timoteo 3:10

Ërei nde reikuaa katu ko cheporomboe, chereko, cheyemongeta, cheporogüɨrovia, che aropɨa vae, cheporoaɨu, chepɨaguasu;

2 Timoteo 4:2

emoërakua avei Tumpa iñee jare eñemoäta ngatu avei, eikuaauka kavi iyoa vae pe iyoa, jare emboeta chupe jese, eporomboarakuaa jare eporomboe ndepɨaguasu reve.

Tito 3:3

Echa tenonde yave yandearakuaambaese yepi, yandepɨapochɨ, yanderopa, yaikose yanderete jemimbota reta reño, yaiko ikavimbae rupi, yandepɨakatúä,

Santiago 4:5

Tumpa Iñee oyekuatía oï vae añete vae ko, echa jei: “Espíritu jae oñono yandepɨa pe vae, jägüɨro yae yanderé.”

1 Pedro 2:1

Jáeramo, peeya opaete ikavimbae vae, opaete mborombotavɨ, opaete tova mókoi, akatúä reta jare opaete ñeeasɨ katu.

1 Pedro 3:8

Ïru mbae ye. Penoi metei ramiño yemongeta, peyoparareko, peyoaɨu, pepɨakavi jare peïru pota,

1 Pedro 4:8

Pembotenonde peyoaɨu yae avei vae. Echa mboroaɨu güeru jeta ñɨ̈ro mbaeyoa re.

2 Pedro 1:7

Tumpa imboete pemomɨ̈rata mbɨakavi oyoupi vae pe; mbɨakavi oyoupe vae pemomɨ̈rata mboroaɨu pe.

1 Juan 4:11

Cherɨvɨ aaɨu vae reta, Tumpa jökorai yanderaɨu, jáeramo ikavi ko yande yayoaɨu päve vaerä.