1 Corintios 13:2 - Biblia Guarani Tumpa Iñee

² Yepe mona amoërakua maratuta vae re, ani aikuaa opaete mbaembae yaikuaambae vae, jare opaete arakuaa katu, jare anoi mborogüɨrovia tuicha vae, chepuere vaerä ambosɨrɨ ɨvɨtɨ guasu reta. Ërei mbaetɨ aporoaɨu yave, mbaeä ko che.

Nuevo Testamento Guaraní Pe

² Jare güɨramoi oime anoi mbota Tumpa iñee amombeu cavi vaera. Jare güɨramoi aicuaa mbaembae iru vae reta pe mbaeti oyecuaa vae jare mbaembae iru vae reta mbaeti oicuaa vae. Jare güɨramoi oime anoi mborogüɨrovia tuicha yae vae chepuere vaera ambosɨrɨ ɨvɨtɨ reta. Erei mbaeti yave aporoaɨu, che mbaeti co mbae.

1 Corintios 13:2 ပူးပေါင်းရင်းမြစ်များ

San Mateo 13:11

Jesús jei chupe reta: “Tumpa oikuaauka peve araɨgua mborookuaía peikuaambae vae. Ërei chupe reta mbaetɨ.

San Mateo 17:20

Jare Jesús chupe reta: —Michi yae peporogüɨrovia ramo. Añete che jae peve, peporogüɨrovia mostaza jäɨ rami mona yave. Pepuereta pere kuae ɨvɨtɨ guasu pe: “Esɨrɨ kuae güi pea pe”, jare ojota ko. Jare ngaraa mbae yavai peve.

San Mateo 21:19

Jare oecha yave metei ɨva köiño tape güi ojo omae jese, ërei mbaetɨ oväe ia jese, joo katuaiño. Jare jei ɨva pe: —¡Ngaraa ye ma ndeía! Jare ɨva jupivei voi opa yɨpi.

San Mateo 21:21

Jayave Jesús jei chupe reta: —Añete che jae peve, peporogüɨrovia yave, ngaraa peyapo che ayapo ɨva pe vaeño, pere yave ɨvɨtɨ guasu pe: “Esɨrɨ kuae güi, ea ɨguasu pe.” Jökoraita ko oyeapo.

Hechos 13:1

Jókuae ara rupi yogüɨreko oporogüɨrovia vae Antioquía pegua ipɨte pe amogüe Tumpa iñee omoërakua vae reta jare Tumpa iñee re oporomboe vae reta. Jae reta ko: Bernabé, Simón Niger, Lucio Cirene pegua, Manaén mburuvicha guasu Herodes ndive okuakuaa vae jare Saulo.

Romanos 11:25

Cherɨvɨ reta, aipota peikuaa yaikuaambae vae regua, agüɨye vaerä peyemboete peyé. Jae ko kuae: Amogüe Israel pegua reta ipɨatäta vae, jaeño oikota judiombae vae reta opaete oporogüɨroviata vae oporogüɨrovia regua;

Romanos 15:14

Cherɨvɨ reta, che etei pokuaa kavi yae, kërai pe reta pepɨakavi yae ko jare peikuaa jeta mbaembae. Jáeramo pepuere peyomboarakuaa.

Romanos 16:25

Yamboete Tumpa, jae ipuere pemomɨ̈rata ñee ikavi vae Jesucristo regua amoërakua vae rupi. Kuae ñee ikavi vae yaikuaambae oñeomi oiko ndei ɨvɨ oyeapo mbove vae.

1 Corintios 11:4

Opaete kuimbae oyerure Tumpa pe yave ani omoërakua Tumpa iñee ïru vae reta pe oñeäka-soi reve yave, metei ñemomarai ko.

1 Corintios 12:28

Jare Tumpa oñono oporogüɨrovia vae reta ipɨte pe, tenonde ete temimondo reta, mokoía ñeemombeúa reta, mboapɨa oporomboe vae reta, javoi mɨakañɨ oyapo vae reta, oporombogüera vae reta, oporomborɨ vae reta, oyangareko mbae re vae reta, ambuae vae ñee reta pe imiari vae reta.

1 Corintios 13:1

Chemiari yave ambuae ñee reta pe jare araɨgua reta iñee pe, ërei mbaetɨ aporoaɨu yave, ayu ko apɨta kapana ipu rami jare platillo ipu rami.

1 Corintios 13:3

Yepe mona amee opaete chembaembae amongaru vaerä iparavete vae reta. Jare amee cherete etei oyeapɨ vaerä, ërei mbaetɨ aporoaɨu yave, mbaetɨ etei osirive cheve.

1 Corintios 13:8

Mboroaɨu ngaraa etei opa. Ërei mbae maratuta vae imombeúa opata ko. Jaeramiño vi ambuae ñee reta pe imiari vae opata ko. Jare arakuaa reta opata vi.

1 Corintios 14:29

Jaeramiño vi timiari mókoi ani mboapɨ ñeemombeúa reta, jare oyeapɨsaka vae reta toecha jae kavi ra jei reta vae.

1 Corintios 14:39

Jáeramo, cherɨvɨ reta, peeka pemoërakua vaerä Tumpa güi, jare agüɨye peyopia oipota imiari ambuae ñee reta pe vae.

1 Corintios 14:4

Ñee ambuae pe imiari vae jae aeño oñemomɨ̈rata. Ërei mbae maratuta vae re omoërakua vae, omomɨ̈rata oporogüɨrovia vae reta.

1 Corintios 15:51

Mase, tamombeu peve oyekuaambae vae. Ngaraa opaete ñamano. Ërei opaete yayepoepɨta,

1 Corintios 16:22

Kia mbaetɨ oaɨu yandeYa Jesucristo vae, Tumpa toiporarauka chupe. ¡Eyu oreYa!

1 Corintios 4:1

Jáeramo pemae oreré, ore reta ko Cristo jembiokuai reta, Tumpa iyemongeta yaikuaa rapembae roikuaauka vae.

1 Corintios 7:19

Yayembocircuncidauka vae, mbaeä ko jare yayembocircuncidaukambae vae, mbaeä vi. Ikavi vae jae ko yayapo Tumpa iporookuai reta vae.

1 Corintios 8:4

Jayave soo oñemee tumpa-raanga reta pe vae, yaikuaa ko tumpa-raanga mbaeä etei kuae ɨvɨ pe. Jare yaikuaa Tumpa meteiño ko.

2 Corintios 12:11

Ayeapo metei iyarakuaambae vae rami ayemboete vae rupi, pe reta etei peyapouka jókuae cheve. Pe reta ko chemboeteta tëi. Echa jókuae temimondo añetembae tuichagüe reta güi, mbaetɨ ayandu chemichi yae, yepe tëi mbaeä etei ko che.

Gálatas 5:16

Jáeramo che jae peve kuae: Peiko Espíritu Santo jeia re, agüɨye peiko pesoo jemimbota reño.

Gálatas 5:22

Ërei Espíritu Santo omee yandeve vae jae mboroaɨu, yerovia, mbɨakatu, mbɨaguasu, mbɨakavi, mborogüɨrovia,

Gálatas 6:3

Ërei oime yave kia oyembotuicha vae mbaeä reve, oyembotavɨ ko.

Efesios 3:4

Pemongeta yave, peikuaa kavita che aikuaa kavi ko jókuae Cristo regua yaikuaa rapembae vae,

Efesios 6:19

jare cheré vi, Tumpa omee vaerä cheve ñee, akɨɨyembae reve aikuaauka vaerä yaikuaa rapembae vae ñee ikavi regua.

Colosenses 1:26

Kuae ko jókuae iyɨpɨ güive yaikuaambae vae. Ërei añave Tumpa oikuaauka ko oporogüɨrovia vae reta pe.

1 Timoteo 3:16

Añete ñanemopɨakañɨ yae ko kuae añetegüe Tumpa re yarovia vae: Tumpa oyeapo kuimbaerä, Espíritu Santo oikuaauka jae ko jupi vae. Araɨgua reta oecha. Jërakua opaete judiombae reta pe. Ɨvɨ pegua reta güɨrovia jese. Jare Tu omboresive ye ara pe.

1 Juan 4:8

Mbaetɨ oporoaɨu vae oikuaaä ko Tumpa. Echa Tumpa ko mboroaɨu.