1 Corintios 13:13 - Biblia Guarani Tumpa Iñee

¹³ Mboapɨ ko jae mbae oiko avei vae: Mborogüɨrovia, moroäro jare mboroaɨu. Ërei mboroaɨu ko tuicha yae, jókuae ïru mókoi reta güi.

Nuevo Testamento Guaraní Pe

¹³ Erei jecuae yaporogüɨroviata, jare ñaarota yayerovia reve, jare yaporoaɨuta. Erei mboroaɨu icavi yae cuae iru mócoi güi.

1 Corintios 13:13 ပူးပေါင်းရင်းမြစ်များ

SALMOS 146:5

Oyerovia ko jókuae, Jacob iTumpa iporomborɨ güɨnoi vae, iporoäro güɨnoi yandeYa, Jacob iTumpa re vae,

SALMOS 42:11

¿Maera pa ayembopɨtuta? ¿Maera pa ayemoambekota? Cheporoäro anoi Tumpa kotɨño, jekuae ñotai amboete. ¡Jae ko cheRu Tumpa, chereroasayepe vae!

SALMOS 43:5

¿Maera pa ayembopɨtuta? ¿Maera pa ayemoambekota? Cheporoäro anoi Tumpa kotɨño, jekuae ñotai amboete. ¡Jae ko cheRu Tumpa chereroasayepe vae!

San Lucas 10:27

Jayave jei Jesús pe: —Eaɨu ndeYa Tumpa opaete ndepɨa reve, opaete nderekove reve, jare opaete nepɨ̈rata reve jare opaete ndeyemongeta reve. Jaeramiño vi eaɨu nderapicha nde reyeaɨu rami.

San Lucas 22:32

Ërei che ayerure ma nderé, agüɨye vaerä oata ndeporogüɨrovia. Jare reyerova ye yave, emborɨ nderɨvɨ reta ipɨ̈rata vaerä iporogüɨrovia pe.

Romanos 15:13

Tumpa moroäro omee vae, tomee peve yerovia jare mbɨakatu peporogüɨrovia rupi. Penoi vaerä moroäro Espíritu Santo imbaepuere rupi.

1 Corintios 14:1

Peiko avei mboroaɨu rupi; jare peeka mbaembae Espíritu pegua, ërei pembotenonde pemoërakua vaerä mbae maratuta vae re.

1 Corintios 16:14

Opaete mbae peyapo vae peyapo peporoaɨu reve.

1 Corintios 3:14

O iguapɨka iárambo kia nunga vae omopüa vae mbaetɨ ókai yave, jekoviata chupe jókuae.

1 Corintios 8:1

Jókuae soo oñemee tumpa-raanga reta pe vae regua, opaete vae yaikuaa ko. Yaikuaa vae, yandemboyemboete ko, ërei mboroaɨu ñañemomɨ̈rata ko.

1 Corintios 8:3

Ërei kia nunga vae oaɨu Tumpa vae, Tumpa oikuaa jókuae nunga.

2 Corintios 5:10

Echa opaete vae ñaï ñotai Cristo jóvai, jae ñanejäa vaerä. Metei vae ñavo omboresive vaerä oikove oiko ramboeve oyapo rupi. Ikavi vae jare ikavimbae vae oyapo rupi.

2 Corintios 5:15

Omano opaete vae re, oikoveño vae reta agüɨye vaerä ma yogüɨreko iyeupeguarä aeño, jaeño yogüɨreko vaerä jókuae omano jare oikove ye jese reta vae peguarä.

Gálatas 5:6

Echa Cristo Jesús re, mbaeä ko oyembocircuncida vae, ani oyembocircuncidaukambae vae. Ikavi vae jae ñanoi yave mborogüɨrovia mboroaɨu reve vae.

Filipenses 1:9

Jare ayerure Tumpa pe okuakuaa avei vaerä ojo peporoaɨu peikuaa katu reve jare pearakuaa katu reve,

Colosenses 1:27

Echa Tumpa ikɨ̈reɨ oikuaauka chupe reta kërai kuae yaikuaambae vae iyemboetea tuicha yae judiombae vae reta peguarä vae; jae ko Cristo oiko pepɨa pe vae, jese peäro mbaemboetea vae.

Colosenses 1:5

peäro peï reve Tumpa oñovatu ma peve ara pe vae ramo. Pe reta peikuaa kuae regua, ñee ikavi vae añete vae peendu yave.

Colosenses 3:14

Opaete kuaekuae reta güi peyoaɨu. Echa mboroaɨu ko ikavi yae oporomometei vaerä.

1 Tesalonicenses 1:3

Oremaendúa avei yandeRu Tumpa jóvai peporogüɨrovia reve peparavɨkɨ vae re, peaɨu jare pekueraimbae reve peäro yandeYa Jesucristo vae re.

1 Tesalonicenses 5:8

ërei yande yaiko tembipe pe vae reta yayeandu ñaï, yamonde reve mborogüɨrovia pe jare mboroaɨu pe temimonde ñeraro pegua pe rami. Jare peñono peäka re äka-ɨru jiero pegua yemboasa pegua.

1 Timoteo 1:5

Kuae mborookuai jae ko, mboroaɨu oime vaerä yandepɨa ikɨambae güi etei vae, jare yandeyemongeta ikavigüe, jare mborogüɨrovia añetete vae.

2 Timoteo 1:7

Echa Tumpa mbaetɨ ko omee yandeve espíritu kɨɨye pegua, omee ko yandeve mbaepuere pegua, mboroaɨu pegua jare yayopia vaerä yanderete oipota vae.

Hebreos 10:35

Jáeramo peyeko avei Tumpa re, echa jókuae tuicha rupi jekoviata peve;

Hebreos 10:39

Ërei yande jaeä ko Tumpa güi oyerova ye okañɨtei vaerä vae reta, yande reta ko jae oyemboasauka iporogüɨrovia re vae reta.

Hebreos 6:11

Jare aipota metei ñavo pe reta peechauka peräta ngatu ko kuae re iyapɨ regua vae, peyerovia katu vaerä peäro peï vae re,

Hebreos 6:19

Jókuae ñaäro ñaï yayerovia reve vae jae ko yandemborɨ agüɨye vaerä yapia Tumpa güi, oike asoya o imboyaoa japɨpe pe,

1 Pedro 1:21

Jare Cristo rupi perovia Tumpa re, echa Tumpa omoingove ye Cristo omanogüe reta ipɨte güi jare omboeteuka, perovia vaerä jare peäro vaerä Tumpa re.

1 Juan 2:10

Kia oaɨu ïru oporogüɨrovia vae, jae oiko ko tembipe pe, mbaetɨ ipuere oyepɨaka mbae re.

1 Juan 2:14

Tenondegua reta, aikuatía körai peve, echa peikuaa oimeño mai oiko ndei ɨvɨ oyeapo mbove vae. Taɨrusu reta, aikuatía körai peve, echa pepɨ̈rata, jare Tumpa iñee oiko peré jare pemoamɨri aña guasu.

1 Juan 2:24

Iyɨpɨ güive peendu vae, peñovatu pepɨa pe. Echa jökorai yave, peiko aveita Tumpa Taɨ re jare yandeRu Tumpa re.

1 Juan 3:3

Jare opaete oäro oï vae reta, oyetɨo avei, echa Cristo ikɨambae ko.

1 Juan 3:9

Tumpa güi tekove güɨnoi vae mbaetɨ oyapo mbaeyoa, echa güɨnoi ma tekove Tumpa güi; mbaetɨ ipuere oyapo mbaeyoa, echa güɨnoi ma tekove Tumpa güi.