1 Corintios 13:12 - Biblia Guarani Tumpa Iñee

¹² Añave yaecha vae, epeo pe jäve yaecha rami ko, ërei metei ara yaecha kavita ko. Añave mbovɨño aikuaa, ërei jayave aikuaa kavita Tumpa chekuaa rami.

Nuevo Testamento Guaraní Pe

¹² Ñamae yave ñandeyee yeechaca pe, mbaeti yayeecha cavi. Jocoraiño vi añave mbaeti yaicuaa cavi mbaembae regua. Erei ñamae yave iru vae re coiño güi, yaecha cavi. Jocoraiño vi metei ara yaicuaa cavita mbaembae regua. Echa añave mbovɨño aicuaa. Erei jocuae ara aicuaata opaete, Tumpa checuaa rami.

1 Corintios 13:12 ပူးပေါင်းရင်းမြစ်များ

GÉNESIS 32:30

Jare Jacob ombojee jókuae oñoïraroa, Peniel; echa jei: “Tumpa jova etei aecha, ërei aikoveño, oasayepe cherekove.”

JOB 19:26

Yepe tëi mona chepire opa ókui, ërei aecha ñotai ko Tumpa cherete ndive.

JOB 36:26

Tumpa tuicha yae ko, mbaetɨ yandepuere yaikuaa opaete jesegua, mbaetɨ vi yandepuere yaipapa iaño.

ÉXODO 33:11

Oyoova pe etei yandeYa oñomomiari Moisés ndive, oipotagüe imiari ivɨa-ïru ndive rami, jare Moisés ojo ye teyupa pe. Ërei kunumi Josué, Nun taɨ, mbaetɨ oë tupao guakapi pegua japɨpe güi.

EZEQUIEL 17:2

“Nde kuimbae, eyapo Israel iñemuña reta pe metei yembojaanga.

NÚMEROS 12:8

oyoova pe ko chemiari kavi yae jae ndive, mbaetɨ mbae iä rupi; jae chereecha etei. Jayave, ¿maera pa mbaetɨ peipoɨu peñeenguru cherembiokuai Moisés kotɨ?”

San Mateo 18:10

Agüɨye peröɨro kërai ave yepe oporogüɨrovia ramo vae. Echa che jae peve, araɨgua oyangareko kuae nunga reta re vae, ñogüɨnoi avei ko cheRu ara pe oï vae jóvai.

San Mateo 5:8

Oyerovia ko jókuae ipɨa ikɨambae vae reta. Echa oecha retata Tumpa.

San Juan 10:15

Jökorai CheRu chekuaa jare che aikuaa vi. Jare che amee cherekove vecha reta re.

Romanos 8:18

Arovia añave yaiporara mbaembae ñaï vae mbaeä ko, jókuae yemboetea Tumpa omeeta yandeve vae güi.

1 Corintios 13:11

Che chemichi yave, chemiari yepi metei michia imiari rami, ayemongeta yepi metei michia rami, aiko yepi metei michia rami. Ërei akuakuaa ma yave, mbaetɨ ma aiko metei michia oiko rami.

1 Corintios 8:3

Ërei kia nunga vae oaɨu Tumpa vae, Tumpa oikuaa jókuae nunga.

2 Corintios 3:18

Jáeramo, opaete yande ñamae ramboeve yandeYa iyemboetea re epeo rupi rami, yayepoepɨ yaja yaiko yandeYa iEspíritu rupi.

2 Corintios 5:7

Echa yaiko mborogüɨrovia re. Mbaetɨ yaiko yaechagüe reño.

Filipenses 3:12

Kuae mbaetɨ ko oipota jei, aupitɨ ma ko opaete mbae, ani jupi kavi yae ma che. Ërei añemoäta ngatu avei ko aupitɨ vaerä, echa jokuaerä Cristo Jesús chepɨɨ.

Santiago 1:23

Kia nunga vae, ñee oendu jare mbaetɨ oyapo oendu vae yave, jae ko epeo pe omae iyé vae rami.

1 Juan 3:2

Cherɨvɨ aaɨu vae reta, añave yande ko jae Tumpa taɨ reta ma. Jare ndeiño oyekuaa kërai eteita ko yande vae, ërei yaikuaa Cristo ramita ko yande jae ou ye yave, echa yaechata jae etei.

Apocalipsis 22:4

Jare jae reta oechata Tumpa. Jare güɨnoi retata jesɨva re Tumpa jee.