1 Corintios 12:18 - Biblia Guarani Tumpa Iñee

¹⁸ Ërei Tumpa oñono metei ñavo yanderete regua, jae oipota rami.

Nuevo Testamento Guaraní Pe

¹⁸ Erei Tumpa oñono metei ñavo ñanderete pegua reta ñanderete pe jae oipota vae rupi.

1 Corintios 12:18 ပူးပေါင်းရင်းမြစ်များ

SALMOS 110:3

Nerëtaɨgua reta oñemeeta ndeve ikɨ̈reɨ ngatu reve, renoi ma mbaepuere yave, ɨvɨtɨ oñeñono teea pe. Köembipe pegua ɨsápɨi rami, ara ñavo ndetaɨrusuta.

SALMOS 135:6

Opaete yandeYa oipota vae, oyapo, ɨvate ara pe jare ɨvɨ pe, ɨguasu pe jare opaete ɨ rugua tɨpɨ yae vae pe.

ISAÍAS 46:10

Che amoërakua mbaembae oasata vae, iyɨpɨ güive voi ma, jare arakae güive voi ma amoërakua mbaembae oasata vae. Che ayemongeta vae, oyeapota ko, ayemongeta ayapo vaerä vae, ayapota ko.

JONÁS 1:14

Jayave osapúkai reta yandeYa kotɨ, jei reta: “Romoñera añave oreYa, agüɨye toromano kuae kuimbae jekove jeko pegua, ërei jekoä yave, agüɨye oremboeko imano re; echa nde oreYa reyapo ko nde reipota rami.”

San Lucas 10:21

Jókuae ora pe etei Jesús oyerovia jare jei: “Romboete cheRu, nde ko jae ara pegua reta jare ɨvɨ pegua reta iYa, echa reñomi mbaembae iyarakuaa vae reta güi, ërei reechauka oñemomichi vae reta pe. Ikavi ko cheRu. Echa jökorai ko jaekavi ndeve.”

San Lucas 12:32

Agüɨye pekɨɨye, pe mbovɨ yae vae reta. Echa Tumpa ipɨa kavi rupi omee peve iporookuaía.

Romanos 12:3

Tumpa ipɨakavi rupi oñemee cheve vae rupi jae peve kuae: Agüɨye kia ave toyemongeta iyé tuicha yae ko vae, jókuae güɨnoi vae güi. Ërei metei ñavo toyemongeta kavi iyé Tumpa omee chupe mborogüɨrovia rupi vae re.

Romanos 12:6

Tumpa ipɨakavi rupi omee yandeve mbaepuere oyoavɨ avɨ vae yandepoki vaerä. Mbaepuere güɨnoi Tumpa iñee omoërakua vaerä vae, tomombeu mborogüɨrovia oñemee chupe rupi;

1 Corintios 12:11

Ërei opaete kuae mbaembae reta iyapoa meteiño, jae ko Espíritu Santo etei, jae omee metei ñavo pe oipota omee rupi.

1 Corintios 12:17

Opaete yanderete yanderesa katuai yave, ¿ketɨ ra oïta yandeapɨsa? Jare opaete yanderete yandeapɨsa katuai yave, ¿ketɨ ra oïta ñaneäpɨgua?

1 Corintios 12:19

Echa yanderete metei vae katuaiño yave, ¿këraita ra yanderete?

1 Corintios 12:24

Ërei yanderete regua reta ikavi yandeve vae, mbaetɨ ñamopöra. Ërei Tumpa oñono kavi opaete yanderete regua reta, omboyemboeteuka jókuae yanderete regua mbaeäecha vae,

1 Corintios 12:28

Jare Tumpa oñono oporogüɨrovia vae reta ipɨte pe, tenonde ete temimondo reta, mokoía ñeemombeúa reta, mboapɨa oporomboe vae reta, javoi mɨakañɨ oyapo vae reta, oporombogüera vae reta, oporomborɨ vae reta, oyangareko mbae re vae reta, ambuae vae ñee reta pe imiari vae reta.

1 Corintios 15:38

Ërei Tumpa oyapo jókuae temitɨ jäɨ güi, jare oipota rami. Jare jäɨ reta jökorai vi oyapo.

1 Corintios 3:5

Pablo jare Apolos mbaeä ko. Ore reta ko royeokuai vaeño, orerupi peporogüɨrovia vaerä. Royapo ko mbaravɨkɨ metei ñavo yandeYa omee oreve rupi.

Efesios 1:5

iporoaɨu rupi iyɨpɨ güive voi yandeparavo yandeapo vaerä taɨ retarä Jesucristo rupi, jae ipɨa jemimbota rupi,

Efesios 1:9

jare oikuaauka yandeve jemimbota yaikuaa rapembae vae, jae ipɨakavi rupi. Jae etei oyemongeta oyapo vaerä vae.

Apocalipsis 4:11

“OreYa, jupi ko oñemee vaerä ndeve yemboetea, mbaemboete jare mbaepuere, echa nde reyapo opaete mbaembae, jare nderemimbota rupi opaete mbaembae oiko jare oyeapo.”