1 Corintios 12:13 - Biblia Guarani Tumpa Iñee

¹³ echa metei Espíritu Santo rupi yayembobautisa opaete, Cristo jete yayeapo vaerä. Judío reta ani judiombae vae reta, tembiokuai ani tembiokuaimbae vae reta. Jare opaete vae yaɨu metei vae Espíritu Santo güi.

Nuevo Testamento Guaraní Pe

¹³ Echa meteiño co Espíritu Santo jare jae ñanembobautiza opaete, Cristo jete yayeapo vaera. Meteiño vi co Cristo jete. Jocorai Espíritu Santo oyapo judío reta jare judío mbae vae reta pe. Jae ramiño vi jae oyapo oyeócuai vae reta jare mbaeti oyeócuai vae reta pe. Jare meteiño co Espíritu Santo cuae oyapo ñandeve vae.

1 Corintios 12:13 ပူးပေါင်းရင်းမြစ်များ

CANTARES 5:1

Che ayu cheko raɨ pe, chereindɨ, chemenda ïrurä vae. Aipɨɨ chembae mirra jare ikäti kavi vae, jau ei jenda güi, jau vino jare neche. Pe peyoaɨu vae, peu pepuere rupi.

ISAÍAS 55:1

Opaete iɨuve vae reta: Peyu peɨu; jare mbaetɨ ikorepoti vae reta, peyu jare pekaru. Peyu, peraja pekorepotimbae reve jare jepɨmbae reve, vino jare neche.

JOEL 2:29

Jaeramiño vi tembiokuai kuimbae reta jare tembiokuai kuña reta re ambouta kuri cheEspíritu jókuae ara rupi;

San Mateo 3:11

Añete che pombobautisa ɨ pe peeya vaerä peyemongeta ikavimbae vae pepɨa pe penoi vae. Ërei cheraɨkue rupi outa imbaepuere yae chegüi vae. Mbaetɨ jupi ipɨapaa araja vaerä ave Jae pembobautisata Espíritu Santo pe jare tata pe.

San Lucas 3:16

Jáeramo Juan jei chupe reta: “Añete che pombobautisa ɨ pe. Ërei oime ou imbaepuere yae chegüi vae. Mbaetɨ jupi che ipɨapaa iïcha ayora vaerä ave. Jae pembobautisata Espíritu Santo pe jare tata pe.

San Juan 1:16

Echa ipɨakavi yae güi yamboresive avei jekuaekuae iporerekua reta.

San Juan 1:33

Che mbaetɨ aikuaa kia ko jae vae. Ërei chembou aporombobautisa vaerä ɨ pe vae jei cheve: ‘Reecha Espíritu ogüeyɨ jese vae, jae ko jókuae kuimbae oporombobautisa Espíritu Santo pe vae.’

San Juan 3:5

Jesús jei chupe: —Añetete che jae ndeve, mbaetɨ kia oa pɨau ye ɨ rupi jare Espíritu rupi vae ngaraa oike Tumpa iporookuaía pe.

San Juan 4:10

Jayave Jesús jei kuña pe: —Nde reikuaa yave mona Tumpa omee vae jare kia ko ɨ oiporu oï ndeve vae yave, nde reiporuta tëi ko cheve jare che ameeta tëi ko ndeve ɨ tekove omee vae.

San Juan 4:14

Ërei che ameeta jou ɨ vae, ngaraa etei iɨuve ye. Echa jókuae ɨ che ameeta chupe vae, oyeapota iyɨvɨte pe metei ɨkua jesaɨ vae rami, tekove opambae vae peguarä.

San Juan 6:63

Jaeño ko Espíritu omee tekove. Yanderete ipuereä omee yandeve kuae nunga tekove. Kuae amombeu peve vae Tumpa iEspíritu pegua ko jare tekove omee vae ko.

Hechos 1:5

Juan oporombobautisa ɨ pe, ërei pe reta mbovɨ ara peño peyembobautisata ma Espíritu Santo pe.

Romanos 3:22

echa Tumpa ombojupita opaete Jesucristo re güɨrovia vae reta iporogüɨrovia rupi. Echa jae mbaetɨ oporomboyoavɨ.

Romanos 3:29

Tumpa jae vi ko judiombae reta iTumpa; mbaetɨ ko judío reta peguaño.

Romanos 4:11

Jaɨkue rupi oyembocircuncidauka, oikuaauka vaerä Tumpa ombojupi ko iporogüɨrovia rupi ndei oyembocircuncidauka mbove. Jökorai Abraham ou opɨta opaete oporogüɨrovia vae oyembocircuncidaukambae vae reta tu rami. Jökorai jae reta iporogüɨrovia rupi Tumpa omae vaerä jese jupi;

1 Corintios 10:2

Jare opaete vae oyembobautisa Moisés re amapɨtu pe jare ɨguasu pe.

Gálatas 3:23

Ërei ndei yaporogüɨrovia mbove, yaiko yepi mborookuai imbaepuere pe, tembipɨɨrɨru pe yaiko rami, Tumpa oikuaauka regua yarovia vaerä Jesucristo re.

Gálatas 3:28

Mbaetɨ ma ko judío ani judiombae vae; mbaetɨ ma tembiokuai ani tembiokuaimbae vae, kuimbae ani kuña. Echa Cristo Jesús re opaete pe reta metei ramiño ko.

Efesios 3:6

Kërai judiombae reta güɨnoi vi judío reta ndive imbaerä vae, jare meteiño jete, jare mókoi reve güɨnoi retata Tumpa güɨrökuavee Cristo Jesús re, ñee ikavi vae rupi vae.

Efesios 4:5

meteiño vi yandeYa, metei mborogüɨrovia, metei bautismo,

Efesios 5:26

oñono tee vaerä iyeupeguarä, jare oyoe vaerä iñee rupi, ɨ pe mbae yayoe vae rami;

Efesios 6:8

Peikuaa kuae: Oyeokuai vae ani oyeokuaimbae vae oyapo mbae ikavi vae yave, yandeYa omeeta chupe mbae ikavi vae oyapo rupi.

Colosenses 1:27

Echa Tumpa ikɨ̈reɨ oikuaauka chupe reta kërai kuae yaikuaambae vae iyemboetea tuicha yae judiombae vae reta peguarä vae; jae ko Cristo oiko pepɨa pe vae, jese peäro mbaemboetea vae.

Colosenses 3:11

Jare kuae teko ipɨau vae pe mbaetɨ ma oyemboyoavɨ judiombae judío güi, oyembocircuncida vae oyembocircuncidambae güi, yaikuaambae ani ketɨgua, oyeokuai vae jare oyeokuaimbae vae, jaeño ko Cristo oiko jare oï opaete pe.

1 Pedro 3:21

Jókuae ɨ ombojaanga añave pe reta peyemboasauka peyembobautisauka yave Jesucristo oikove ye ou omanogüe vae reta ipɨte güi ramo. Pepuereä peyemboasauka peyoe perete vae rupi. Jaeño peyemongeta kavi yave Tumpa kotɨ.