1 Corintios 12:11 - Biblia Guarani Tumpa Iñee

¹¹ Ërei opaete kuae mbaembae reta iyapoa meteiño, jae ko Espíritu Santo etei, jae omee metei ñavo pe oipota omee rupi.

Nuevo Testamento Guaraní Pe

¹¹ Erei meteiño co Espíritu Santo opaete cuae mbota reta güɨnoi vae reta ombopuere vae. Jare jae omee mbota oyoavɨ vae reta jae oipota vae rupi.

1 Corintios 12:11 ပူးပေါင်းရင်းမြစ်များ

DANIEL 4:35

Opaete ɨvɨ pegua reta mbaeä etei ko. Jae oyapo jemimbota ara pe jare ɨvɨ pegua reta pe. Mbaetɨ kia ipuere oyopia imbaepuere jare jei chupe: ¿Mbae pa reyapo?’

San Mateo 11:26

Ikavi ko cheRu. Echa jökorai ko jaekavi ndeve.”

San Mateo 20:15

Agüɨye ndeakatúä kuae ïru vae pe chepɨakavi chupe jeko pegua. Echa jupi ko che aipota vae ayapo vaerä chembaembae ndive.’

San Juan 3:27

Jayave Juan jei chupe reta: —Tumpa omee yandeve vaeño yandepuere ñanoi.

San Juan 3:8

Ɨvɨtu oyepeyu oipota rupi güi jare reendu jɨapu. Ërei mbaetɨ reikuaa ketɨ güi ra ou jare ketɨ ra ojo vae. Jökorai ko oa Espíritu Santo rupi vae.

San Juan 5:21

Tu omoingove ye omano vae reta. Jaeramiño vi Taɨ omee tekove, jae oipota vae pe.

Romanos 12:6

Tumpa ipɨakavi rupi omee yandeve mbaepuere oyoavɨ avɨ vae yandepoki vaerä. Mbaepuere güɨnoi Tumpa iñee omoërakua vaerä vae, tomombeu mborogüɨrovia oñemee chupe rupi;

Romanos 9:18

Jáeramo, Tumpa oiparareko, ikɨ̈reɨ oiparareko vae. Jare ombopɨatäta, ikɨ̈reɨ ombopɨatäta vae.

1 Corintios 12:18

Ërei Tumpa oñono metei ñavo yanderete regua, jae oipota rami.

1 Corintios 12:4

Espíritu Santo omee mbaepuere vae reta oyoavɨ avɨ ko oyougüi, ërei Espíritu Santo meteiño ko.

1 Corintios 12:6

Jare mbaravɨkɨ yayapo vae reta opa oyoavɨ avɨ, ërei Tumpa opaete mbaembae iyapoa, meteiño ko.

1 Corintios 7:17

Ërei metei ñavo toiko yandeYa omee chupe vae rupi. Metei ñavo toiko Tumpa oenɨi oyemboasauka vaerä yave oiko rami. Jare jökorai ayókuai opaete oporogüɨrovia vae reta.

1 Corintios 7:7

Ërei ikavi viña opaete kuimbae reta yogüɨreko vaerä che aiko rami. Ërei metei ñavo pe Tumpa omee kërai yaiko vaerä; amogüe pe oñemee vae oyoavɨ ïru vae pe oñemee vae güi.

2 Corintios 10:13

Ërei ore ngaraa oasa ete royemboete, jaeño Tumpa omee oreve royapo vaerä vae rupi. Jae ko omee oreve rojo vaerä pépɨri.

Efesios 1:11

Iyɨpɨ güive voi yandeparavo ñanoi vaerä jae omeeta yandembaerä vae, jae oyapo opaete mbaembae ipɨa jemimbota rupi vae.

Efesios 4:7

Ërei Cristo ko omee yandeve metei ñavo pe ipɨakavi jae oipota rami;

Hebreos 2:4

Tumpa etei omoañete jae reta omombeu yandeve vae, mɨakañɨ reta, jare Espíritu Santo rupi mbaepuere reta oñemee vae rupi.

Santiago 1:18

Jae oipota ramo, yandeapo taɨ retarä iñee añete vae rupi, yaiko vaerä mbaagüɨyerɨpɨ rami chupeguarä opaete jembiapo güi.