1 Corintios 12:10 - Biblia Guarani Tumpa Iñee

¹⁰ Ïru vae pe omee oyapo vaerä mɨakañɨ reta, ïru vae pe omee omombeu vaerä Tumpa iñee, ïru vae pe omee oikuaa vaerä Espíritu añete vae jare añetembae vae, ïru vae pe omee imiari vaerä ñee reta ambuae pe, jare ïru vae pe omee omombeu kavi vaerä ñee reta ambuae mbae ra oipota jei vae.

Nuevo Testamento Guaraní Pe

¹⁰ Omee iru vae pe oyapo vaera mɨacañɨ reta, jare iru vae pe omombeu vaera Tumpa iñee. Omee iru vae pe oicuaa vaera ou ra metei ñee Espíritu Santo güi ani ambué cotɨ güi. Omee iru vae pe imiari vaera ambuembué vae iñee reta pe, jare iru vae pe omombeu vaera mbae oipota jei ambuembué vae iñee reta pe oñeendu vae.

1 Corintios 12:10 ပူးပေါင်းရင်းမြစ်များ

JOEL 2:28

“Kuae jaɨkue rupi ambouta cheEspíritu opaete vae reta re; jare peraɨ reta jare perayɨ reta oñemoñeeta cheregua; jare ndechi reta opaɨuta jare taɨrusu reta oechata Tumpa oechauka vae.

San Marcos 16:17

Jare güɨrovia vae reta cheree re ombosɨrɨta aña reta oya jese vae reta güi. Jare imiari retata ïru ñee pe.

San Marcos 16:20

Jare jemimboe reta yogüɨraja omoërakua Tumpa Iñee opaete kerupi. Jare yandeYa omborɨ, jare omoañete jemimboe reta iñee mɨakañɨ reta rupi. Amén.

San Lucas 24:49

Mase, che ambouta peve cheRu güɨrökuavee peve vae. Ërei pepɨta tëta guasu Jerusalén pe ou regua peré mbaepuere ara güi.

San Juan 14:12

Añetete che jae peve, cheré güɨrovia vae oyapota vi mbaravɨkɨ reta ayapo vae. Jare ma yae oyapota, echa che ajata cheRu oïa pe.

San Juan 16:13

Ërei Espíritu añetete pegua ou ma yave, oikuaauka kavita peve añete vae. Echa ngaraa imiari iyeugüi aeño, imiarita opaete oendugüe re jare oikuaaukata peve opaete mbaembae outa vae re.

Hechos 1:8

Ërei pe reta penoita mbaepuere ou yave Espíritu Santo peré, jare pemombeuta cheregua Jerusalén pe, opaete Judea rupi, Samaria rupi jare opaete ɨvɨ rupi.

Hechos 11:27

Jókuae ara reta rupi amogüe ñeemombeúa reta yogüeru oväe Jerusalén güi Antioquía pe.

Hechos 11:28

Jare metei chugüi reta Agabo jee vae opüa oyemboɨ, jare jei Espíritu Santo rupi oimeta ko karuai guasu opaete ɨvɨ rupi. Kuae oyembopo mburuvicha guasurä Claudio oiko yave.

Hechos 19:6

Jayave Pablo oñono ipo jese reta yave, ou jese reta Espíritu Santo, jare jae reta imiari ambuae ñee reta pe, jare omoërakua reta Tumpa iñee.

Hechos 5:3

Jayave Pedro jei chupe: —Ananías, ¿maera pa remaeño Satanás güɨnoi mbaepuere nderé, ndeapu vaerä Espíritu Santo pe jare reekɨ ndeyeupe ndeɨvɨ jepɨgüe güi?

Romanos 12:6

Tumpa ipɨakavi rupi omee yandeve mbaepuere oyoavɨ avɨ vae yandepoki vaerä. Mbaepuere güɨnoi Tumpa iñee omoërakua vaerä vae, tomombeu mborogüɨrovia oñemee chupe rupi;

Romanos 15:19

Espíritu Santo imbaepuere rupi ayapo mɨakañɨ reta. Jare kuae amboɨpɨ Jerusalén güi jare opaete iyɨvɨrigua reta güive Ilírico pe, amotɨnɨe ñee ikavi vae Cristo regua pe.

1 Corintios 11:4

Opaete kuimbae oyerure Tumpa pe yave ani omoërakua Tumpa iñee ïru vae reta pe oñeäka-soi reve yave, metei ñemomarai ko.

1 Corintios 13:8

Mboroaɨu ngaraa etei opa. Ërei mbae maratuta vae imombeúa opata ko. Jaeramiño vi ambuae ñee reta pe imiari vae opata ko. Jare arakuaa reta opata vi.

1 Corintios 14:13

Jáeramo ambuae ñee pe imiari vae, toyerure Tumpa pe ipuere vaerä omombeu mbae oipota jei jókuae ambuae ñee vae.

1 Corintios 14:39

Jáeramo, cherɨvɨ reta, peeka pemoërakua vaerä Tumpa güi, jare agüɨye peyopia oipota imiari ambuae ñee reta pe vae.

Gálatas 3:5

Tumpa omee peve Espíritu Santo vae, jare oyapo mɨakañɨ reta pepɨte pe vae. ¿Oyapo pa kuae mbaembae mborookuai jei vae peyapo vae rupi, ani ñee ikavi vae peendu yave peporogüɨrovia vae rupi?

1 Tesalonicenses 5:20

Agüɨye peröɨro Tumpa iñee omombeu vae reta jei vae.

Hebreos 2:4

Tumpa etei omoañete jae reta omombeu yandeve vae, mɨakañɨ reta, jare Espíritu Santo rupi mbaepuere reta oñemee vae rupi.

1 Juan 4:1

Cherɨvɨ aaɨu vae reta, agüɨye perovia opaete espíritu re, jaeño pejäa Tumpa pegua ra, echa kuae ɨvɨ pe jeta oë ñeemombeúa jaanga reta.

Apocalipsis 2:2

‘Che aikuaa opaete reyapogüe reta; täta reparavɨkɨ jare ndepɨaguasu vi. Aikuaa vi mbaetɨ reñemoïru ikavimbae vae oyapo vae reta ndive, jare rejäa temimondo oyembojee vae reta jare reikuaa temimondo retaä ko, iyapu reta ko vae;