1 Corintios 11:22 - Biblia Guarani Tumpa Iñee

²² ¿Mbaetɨ pa pero pekaru jare peɨu vaerä joko pe? ¿Maera pa peröɨro oporogüɨrovia vae reta Tumpa imbae reta jare pemomarai mbaetɨ etei mbae güɨnoi vae reta? ¿Mbae pa jaeta peve? ¿Pomboeteta ra jókuae re? ¡Ngaraa ko!

Nuevo Testamento Guaraní Pe

²² Peipota yave pecaru cavi, pepuere pecaru pero ae pe. Agüɨye peroɨro iru Tumpa oiparavo vae reta. Agüɨye pemomarai mbaeti mbae güɨnoi vae reta. ¿Mbae ra jaeta peve? ¿Ayeroviata ra peré cuae jeco pegua? Ngaraa etei co.

1 Corintios 11:22 ပူးပေါင်းရင်းမြစ်များ

PROVERBIOS 17:5

Paravete vae oyóyai yóyai vae, ikavimbae ko oyapo Iyapoa kotɨ; japicha isusere re oyerovia omae vae, ngaraa opɨta oiporarambae.

Hechos 20:28

Jáeramo peyeandu jare peyangareko opaete oporogüɨrovia vae reta re, Espíritu Santo peparavo peyangareko jese vaerä vae reta re. Jókuae yandeYa oiparavo vae reta re, jae ogua jugüɨ ae pe vae.

1 Corintios 10:32

Agüɨye peiko peporombogüɨapiuka vaerä judío reta pe, judiombae vae reta pe ani oporogüɨrovia vae reta Tumpa imbae reta pe.

1 Corintios 11:17

Ërei añave kuae aikuatía peve vae, mbaetɨ chepuere pombotuicha, echa peyemboatɨ yave, peyapo ikavimbae vae, ikavi vae peyapo vaerägüe.

1 Corintios 11:2

Cherɨvɨ reta, pombotuicha, echa jekuaeño pemaendúa cheré, jare peyapo che pomboe jese vae.

1 Corintios 11:34

Ërei oime yave kia iyɨmbɨaɨ, tokaru jëta pe, agüɨye vaerä peyemboatɨ peyemboekouka vaerä. Ïru mbaembae reta ayapokatuta aja pépɨri yave.

1 Corintios 15:9

Echa che ko jae metei temimondo michi yae vae; mbaetɨ jupi ayembojee vaerä temimondo pe, echa ayapo yepi ikavimbae vae Tumpa re oporogüɨrovia vae reta pe.

1 Timoteo 3:15

echa güɨramoi aja raiviä yave, aipota reikuaa këraita reiko Tumpa taɨ reta ipɨte pe, jae ko Tumpa oikove vae re güɨrovia vae reta, jae reta oyoko añete vae.

1 Timoteo 3:5

(Echa mbaetɨ oikatu güɨroata jo pegua reta yave, ¿këraita pa oikatu güɨroata Tumpa re güɨrovia vae reta?)