1 Corintios 11:17 - Biblia Guarani Tumpa Iñee

¹⁷ Ërei añave kuae aikuatía peve vae, mbaetɨ chepuere pombotuicha, echa peyemboatɨ yave, peyapo ikavimbae vae, ikavi vae peyapo vaerägüe.

Nuevo Testamento Guaraní Pe

¹⁷ Erei mbaeti chepuere ayerovia peré añave aicuatiata peve jese vae re. Echa peñemboatɨ yave, peyapo icavi mbae vae, icavi vae peyapo vaeragüe.

1 Corintios 11:17 ပူးပေါင်းရင်းမြစ်များ

PROVERBIOS 27:5

Yemboeta oyoova pe etei vae ikaviño ko, mboroaɨu yandepɨa peño vae güi.

LEVÍTICO 19:17

Agüɨye pepɨa pe pemotareɨ perëtara. Pemboeta perapicha pe, agüɨye vaerä peyemboeko jae ndive iyoa pe.

Romanos 13:3

Echa mburuvicha reta mbaetɨ ko ñogüɨnoi omongɨɨye vaerä ikavi vae oyapo vae, ikavimbae vae oyapo vae reta peguarä ko. Jáeramo eyapo ikavi vae, agüɨye vaerä rekɨɨye mburuvicha reta güi. Jare jae reta ndererovia katuta;

1 Corintios 11:2

Cherɨvɨ reta, pombotuicha, echa jekuaeño pemaendúa cheré, jare peyapo che pomboe jese vae.

1 Corintios 11:20

Jáeramo peyemboatɨ tëi peyapo Santa Cena vae, jaeä ko Santa Cena.

1 Corintios 11:22

¿Mbaetɨ pa pero pekaru jare peɨu vaerä joko pe? ¿Maera pa peröɨro oporogüɨrovia vae reta Tumpa imbae reta jare pemomarai mbaetɨ etei mbae güɨnoi vae reta? ¿Mbae pa jaeta peve? ¿Pomboeteta ra jókuae re? ¡Ngaraa ko!

1 Corintios 11:34

Ërei oime yave kia iyɨmbɨaɨ, tokaru jëta pe, agüɨye vaerä peyemboatɨ peyemboekouka vaerä. Ïru mbaembae reta ayapokatuta aja pépɨri yave.

1 Corintios 14:23

Jáeramo opaete peporogüɨrovia vae reta peyemboatɨ yave, jare opaete pe reta pemiari yave ambuae ñee reta pe, javoi oike yave pepɨte pe kuae nunga ñee reta oikuaambae vae reta ani oporogüɨroviambae vae reta, jae reta jeita pembokere ko.

1 Corintios 14:26

Jáeramo, cherɨvɨ reta, ¿kërai pa jayave? Peyemboatɨ yave, metei ñavo pepuere petairari, peporomboe ani pemiari ambuae ñee pe, ani peikuaauka ïru reta pe Tumpa oikuaauka peve vae, ani pemombeu kavi mbae oipota jei ambuae ñee pe vae. Ërei toyeapo opaete peñomomɨ̈rata vaerä.

Hebreos 10:25

Agüɨye yaata yemboatɨa pe, amogüe vae reta oyepokuaa rami, jaeño yayomboarakuaa; jeiete ñañemoäta ngatu, yaikuaa jókuae ara köi yae ramo.

1 Pedro 2:14

tëta ruvicha, echa Tumpa ko ombou reta peve oiporarauka vaerä ikavimbae vae oyapo vae reta pe jare ombotuichauka vaerä ikavi vae oyapo vae reta.