1 Corintios 10:33 - Biblia Guarani Tumpa Iñee

³³ Jökoraiño vi che ayapo opaete mbaembae jaekavi opaete ïru vae reta pe vae, aekambae reve jaekavi cheve vaeño. Jaeño aeka jeta vae reta amborɨ vaerä, oyemboasauka reta vaerä.

Nuevo Testamento Guaraní Pe

³³ Jocoraiño vi che ayapo opaete mbaembae icavi echa opaete iru vae reta pe vae. Mbaeti aico che añemboyerovia vaeraño. Jaeño aipota amborɨ jeta iru vae reta, jae reta oñemboasauca vaera.

1 Corintios 10:33 ပူးပေါင်းရင်းမြစ်များ

Romanos 11:14

aipota amoñemoägüɨro pekotɨ judío reta, jökorai oyemboasauka vaerä amogüe.

Romanos 12:5

jökorai ko yande, yepe tëi jeta yae, ërei yayeapo ma metei jeteño Cristo re, jare opaete vae ñaï metei ramiño ïru reta ndive.

1 Corintios 10:24

Agüɨye kia toeka chupe jaekavita vaeño, jaeño jaekavita ïru pe vae.

1 Corintios 13:5

mbaetɨ yayapo ikavimbae, mbaetɨ yaipota mbae yandeyeupeguaräño, mbaetɨ yandearasɨ, mbaetɨ yandearasɨ yaiko yandepɨa pe ïru vae kotɨ,

2 Corintios 12:14

Mase, añave ayeapo katu aï aja ye vaerä pépɨri mboapɨa ma. Mbaetɨta pomoambeko mbaembae re, echa mbaetɨ ko aeka pembaembae, pe etei ko poeka. Echa tu reta ko oñovatu taɨ reta peguarä, mbaetɨ ko taɨ reta oñovatu tu peguarä.

2 Corintios 12:19

Güɨramoi peyemongeta kuae oremiari vae royeepɨ vaeräño ko. Ërei jökoraiä ko. Oremiari körai Tumpa jovake Cristo re rogüɨrovia ramo. Cherɨvɨ reta, royapo ko opaete kuae pepɨ̈rata vaerä peporogüɨrovia pe.

Gálatas 1:10

Mbaetɨ etei aipota ɨvɨ pegua reta chembotuicha. Aipota Tumpaño chembotuicha vaerä. Mbaetɨ vi aipota ɨvɨ pegua reta ambopɨakatu vaerä, echa jökorai yave Cristo jembiokuaiä ma ko che.

Filipenses 2:21

Echa opaete vae oyemoambeko iyé aeño, mbaetɨ oyemoambeko Cristo Jesús iparavɨkɨ re.

1 Tesalonicenses 2:16

oremboavai oremiari vaerä judiombae vae reta pe, jae reta vi oyemboasauka vaerä. Jökorai jeieteño iyoa reta, jáeramo Tumpa iyarasɨ tuichagüe ou jese reta.