1 Corintios 10:31 - Biblia Guarani Tumpa Iñee

³¹ Ërei che jae peve opaete mbaembae peu vae rupi jare opaete mbaembae peyapo vae rupi pemboete Tumpa.

Nuevo Testamento Guaraní Pe

³¹ Erei che jae peve cuae: Jecuaeño pemboete Tumpa. Opaete mbaembae peu vae rupi jare opaete mbaembae peyapo vae rupi pemboete Tumpa.

1 Corintios 10:31 ပူးပေါင်းရင်းမြစ်များ

ZACARÍAS 14:21

Jare opaete yapepo Jerusalén jare Judá pegua oñeñono teeta yandeYa Imbaepuere yae ete vae peguarä: Yogüeru mbota omee vae reta oiporu vaerä, pɨpe omboyɨ vaerä mɨmba oñererökuaveegüe, jókuae ara mbaetɨta ma omaemee vae yandeYa Imbaepuere yae vae itupao pe.

San Lucas 11:41

Pemee pepɨakatu reve penoigüe paravete vae reta pe. Jókuae rupi ïru vae reta oikuaata ikɨambae ko pepɨa.

1 Corintios 7:34

Jaeramiño vi kuña ime reve vae oyoavɨ kuñatai jaegüɨrai vae güi. Echa kuñatai jaegüɨrai vae oyemoambeko yandeYa iparavɨkɨ re, oñoñono tee vaerä jete jare jekove Tumpa peguarä. Ërei kuña omenda vae oyemoambeko mbaembae ɨvɨ pegua re, ombopɨakatu vaerä ime.

DEUTERONOMIO 12:12

Jare peyerovia yandeYa Tumpa jóvai, pe, peraɨ reta, perayɨ reta, perembiokuai kuimbae reta jare perembiokuai kuña reta, jare Leví iñemuña reta yogüɨreko pepɨte pe vae, echa chupe reta mbaetɨ oñemee ɨvɨ, peve oñemee rami.

DEUTERONOMIO 12:18

Jaeño pepuere peyapo yandeYa Tumpa jóvai, jókuae jae oiparavoa pe, joko pe, pe jare peraɨ, perayɨ, perembiokuai kuimbae jare perembiokuai kuña reta, jare Leví iñemuña reta yogüɨreko pepɨte pe vae ndive, peyerovia katu peparavɨkɨagüe re yandeYa Tumpa jóvai.

DEUTERONOMIO 12:7

Joko pe pekaru yandeYa Tumpa jóvai, jare peyerovia katu pero pegua reta ndive peparavɨkɨagüe re, yandeYa Tumpa iporerekua peré vae rupi.

Colosenses 3:17

Opaete mbaembae peyapo vae ani pere vae, peyapo opaete yandeYa Jesús jee re, pemee reve yasoropai yandeRu Tumpa pe yandeYa Jesús rupi.

Colosenses 3:23

Jare opaete mbae peyapo vae, peyapo pepɨa-kɨ̈reɨ ngatu reve, yandeYa pe peyapo rami, jare mbaetɨ kuimbae peguarä rami.

1 Pedro 4:11

Kia oñemoñee vae, toñemoñee Tumpa jei rami; oyeokuai vae, toyeokuai Tumpa omee mbaepuere chupe vae rupi, Tumpa oyemboeteuka vaerä opaete mbaembae pe Jesucristo rupi, echa Tumpa imbae ko yemboetea jare mbaepuere jekuaekuae avei rupi. ¡Amén!