1 Corintios 10:20 - Biblia Guarani Tumpa Iñee

²⁰ Ërei che jae peve jae ko: Judiombae vae reta omee mɨmba oyeyukagüe isoo omee vae, aña reta pe ko omee. Omeeä ko Tumpa pe. Che mbaetɨ aipota peyeapo metei ramiño aña reta ndive jókuae peu vae rupi.

Nuevo Testamento Guaraní Pe

²⁰ Erei che jae peve cuae: Jocuae reta güɨrocuavee maemɨmba oyeyucagüe vae isoo aña reta pe. Mbaeti güɨrocuavee Tumpa pe. Jare mbaeti aipota peñemoiru vaera aña reta ndive.

1 Corintios 10:20 ပူးပေါင်းရင်းမြစ်များ

2 CRÓNICAS 11:15

Jare jae oñono isacerdoterä mbaemboete renda reta ɨvɨtɨ re ñogüɨnoi vae peguarä, omee vaerä mbaemboete aña reta pe jare toro taɨrusu vae iä reta pe jae oyapo vae pe.

LEVÍTICO 17:7

Jare agüɨye ye mo pemee mɨmba oyeyukagüe aña reta pe, pemboete jeko pegua peñererokomegua, kuae mborookuai jekuae avei pegua toiko peveguarä jare peñemuña reta peguarä.

San Mateo 4:9

Jare aña guasu jei chupe: —Tamee ndeve opaete kuae, reyetavatɨka chemboete yave.

2 Corintios 4:4

Echa kuae ɨvɨ pegua tumpa ombopɨtumimbi oporogüɨroviambae reta iyarakuaa, agüɨye vaerä oikuaa kavi ñee ikavi vae Cristo iyemboetea regua. Jae ko Tumpa etei.

Gálatas 4:8

Añete ko, tenonde rupi mbaetɨ peikuaa Tumpa yave, peyeokuaise tumpambae reta pe.

Apocalipsis 2:14

Ërei oime mbovɨ mbae jae vaerä ndeve: Oime joko pe Balaam iporomboe ñäteɨ oeya vae reta. Echa Balaam omboarakuaa Balac omboavai vaerä Israel iñemuña reta, echa jouka tembíu tumpa-raanga reta pe oñemee vae jare oyapo reta aguasa.

Apocalipsis 2:20

Ërei oime mbovɨ mbae jae vaerä ndeve: Jae ko remaeño jókuae kuña Jezabel ñeemombeúa jei iyeupe vae oporomboe jare ombotavɨ cherembiokuai reta aguasa oyapo vaerä jare jouka vaerä tembíu tumpa-raanga reta pe oñemee vae.

Apocalipsis 9:20

Jare opaete ɨvɨ pegua reta mbaetɨ omano kuae mbaembae rupi vae, mbaetɨ oyepoepɨ jembiapo reta ikavimbae güi, mbaetɨ vi oeya mbaemboete aña reta pegua jare tumpa-raanga oro pegua, korepoti pegua, jiero iyu vae pegua, ita pegua jare ɨvɨra pegua; yepe tëi jókuae tumpa-raanga reta mbaetɨ omae, mbaetɨ oendu ani oguata;