1 Corintios 1:9 - Biblia Guarani Tumpa Iñee

⁹ Tumpa ombopo avei iñee vae ko. Jae peparavo, peiko vaerä metei rami Taɨ yandeYa Jesucristo ndive.

Nuevo Testamento Guaraní Pe

⁹ Tumpa jecuaeño oyapo güɨrocuavee oyapota vae. Echa jae peparavo, peico vaera Taɨ ndive. Jae co ñandeYa Jesucristo.

1 Corintios 1:9 ပူးပေါင်းရင်းမြစ်များ

SALMOS 100:5

Echa yandeYa ipɨakavi ko; iporoparareko jekuae avei vae ko, jare iñee ombopo avei vae ko.

ISAÍAS 11:5

Jare oyemondeta jupi vae pe, jare oyekuakuata añete vae pe.

ISAÍAS 25:1

CheYa, nde ko jae cheTumpa; tambotuicha jare tamboete nderee, echa reyapo jeta mɨakañɨ, ndeyemongeta arakae güive voi ma reyapo vae, añete vae ko jare oyembopo vae ko.

ISAÍAS 49:7

YandeYa, oPoroepɨ vae, Tumpa Iyoambae Israel pegua, jei oñemotareɨuka ïru tëtaguasu reta pe vae pe, ipɨarai vae reta jembipɨɨrä oiko vae pe: “Mburuvicha guasu jare mburuvicha reta ndereecha yave, opüata jare ndemboeteta; echa che ndeYa, Tumpa Iyoambae Israel pegua jupi vae ko, che ko roparavo.”

NÚMEROS 23:19

Tumpa, kuimbaeä ko iyapu vaerä; jare kuimbae taɨä ko oipoepɨ vaerä iyemongeta. Jae mbae jei yave, oyapo. Mbae güɨrökuavee yave ombopo iñee.

San Mateo 24:35

Ara jare ɨvɨ opata ko, ërei cheñee reta ngaraa opa.

San Juan 17:21

Ayerure ndeve opaete jae reta yogüɨreko vaerä metei ramiño. Nde cheRu Tumpa, reiko che ndive meteiño, jare che nde ndive. Jaeramiño vi jae reta toyogüɨreko metei ramiño vi yande ndive, ɨvɨ pegua reta güɨrovia vaerä nde ko chembou vae.

Romanos 11:17

Amogüe jäka oyeekɨ yave, jare nde olivo ñana rupigua reñeñonouka jendagüe re, jökorai reyeapo olivo ete jäkarä, jare reiko japo re jare iyaɨsɨ re.

Romanos 8:28

Yaikuaa ko Tumpa omborɨ opaete mbaembae rupi, oaɨu Tumpa ramo, jae jemimbota rupi oyeparavo vae reta,

Romanos 8:30

Jökorai iyɨpɨ güive oiparavo vae reta, oenɨi; jare jókuae oenɨi vae reta ombojupi. Jare ombojupi vae reta omboeteuka.

Romanos 9:24

kuae reta vi oenɨi, jae ko yande reta. Mbaetɨ judío reta güiño, judiombae vae reta güi vi.

1 Corintios 1:30

Ërei Tumpa etei peapo metei ramiño Cristo Jesús ndive. Echa Cristo Jesús rupi Tumpa omee yandeve arakuaa, yembojupi, ñaneñono tee jare yandereepɨ.

1 Corintios 10:13

Echa mbaetɨ ko ou morojäa peve mbaetɨta peropɨa vae, ërei Tumpa jupi ko, ngaraa omaeño peñejäauka pepuere potambae peropɨa vae. Echa omeeta vi peve ñejäa ndive peropɨa vaerä.

1 Corintios 10:16

Yasoropai ñamee vino yau vae re yave ¿ñaïä pa meteiño Cristo ndive jugüɨ re? Jaeramiño vi ñapɨ̈saa mbɨyape yave ¿ñaïä pa meteiño Cristo ndive jete re?

2 Corintios 1:18

Tumpa oikuaa ko ngaraa roe roeiño.

Gálatas 1:15

Ërei Tumpa cheñono tee iyeupeguarä chesɨ jɨe peve, jare cheparavo ipɨakavi jeko pegua. Jare jae oipota ma yave,

Gálatas 2:20

Cristo ndive ko che ayekutu kurusu re, jáeramo mbaetɨ ma aikove, jaeño Cristo oikove chepɨa pe. Jare añave aikove aiko ramboeve, aiko mborogüɨrovia Tumpa Taɨ re anoi vae re. Echa jae cheraɨu, jare jae aeño oñemee omano vaerä cheré.

Efesios 3:6

Kërai judiombae reta güɨnoi vi judío reta ndive imbaerä vae, jare meteiño jete, jare mókoi reve güɨnoi retata Tumpa güɨrökuavee Cristo Jesús re, ñee ikavi vae rupi vae.

DEUTERONOMIO 32:4

Jae ko Ita guasu rami; jembiapo ikavi yae ko, echa opaete jemimbota reta sɨmbi vae ko, Tumpa ko añete pegua, mbaetɨ jese ikavimbae. ¡Jae jupi ko, jare sɨmbi ko!

DEUTERONOMIO 7:9

Peikuaa peyeupe yandeYa Tumpa, jae ko Tumpa; Tumpa jupi vae, ombopo morogüɨrökuavee päve jare mboroparareko opaete iporoaɨu ikotɨ vae reta pe jare oyapo iporookuai vae reta pe;

Colosenses 1:24

Añave ayerovia aiporara aï peré vae re. Echa aiporara aï cherete pe jókuae oataño Cristo jete re oiporara vaerä vae, jae ko oporogüɨrovia vae reta.

1 Tesalonicenses 2:12

Ore poyókuai peiko vaerä Tumpa imbae reta yogüɨreko rami. Echa jae peparavo peiko vaerä iporookuaía jare iyemboetea pe.

2 Tesalonicenses 2:14

Kuaerä Tumpa peparavo ñee ikavi vae romombeu peve vae rupi, peike vaerä yandeYa Jesucristo iyemboetea pe.

2 Tesalonicenses 3:3

Echa yandeYa iñee ombopo avei vae ko, pemomɨ̈ratata jare peövatuta ikavimbae vae güi.

2 Timoteo 1:9

Jae yandemboasa jare yandeparavo ñaneñono tee vaerä iyeupeguarä. Mbaetɨ ko yandeparavo mbae ikavi vae yande yayapo vae rupi. Yandeparavo ko jae iyemongeta rupi jare ipɨakavi yandeve Cristo Jesús rupi ndei ɨvɨ oyeapo güive.

2 Timoteo 2:13

Mbaetɨ yave jupi kavi yaiko, jae iñee ombopo avei. Jae mbaetɨ iyapu.”

Tito 1:2

jare oäro vaerä oyerovia reve tekove opambae vae. Echa Tumpa iyapumbae vae jókuae güɨrökuavee yandeve ndei ɨvɨ oyeapo mbove.

Hebreos 10:23

Jekuaeño ñanemomɨ̈rata yaipoɨumbae reve ñaäro vae re, echa jupi ko jókuae güɨrökuavee vae.

Hebreos 11:11

Iporogüɨrovia rupi vi Sara imembɨ, yepe tëi jae ko imembɨmbae jare itɨ̈aro yae ma; echa güɨrovia Tumpa ombopota ko iñee.

Hebreos 2:17

Jáeramo Jesús ikavi ko oyeapo vaerä ɨvɨ pegua reta rami, ipuere vaerä Tumpa jóvai sacerdote tenondegua ete oporoparareko jare jupi vae, jökorai Tumpa iñɨ̈ro vaerä opaete vae reta pe iyoa reta re.

Hebreos 3:1

Jáeramo, cherɨvɨ oporogüɨrovia vae reta, Tumpa pereenɨi vae reta, pemae kavi Cristo Jesús temimondo jare sacerdote tenondegua ete, jese yarovia vae re;

Hebreos 3:14

Echa ñañemoïru ma Cristo ndive, ñanepɨ̈rata yave iyɨpɨ güive yarovia vae re,

Hebreos 6:18

Mókoi reve, Tumpa oñererökuavee vae jare jei jee re aeño oyepoepɨmbae re, Tumpa ngaraa etei iyapu, ñanoi mbɨakatu tuichagüe yande yaeka Tumpa iporomborɨ vae jare ñaäro yayerovia reve ñanoi vaerä Tumpa güɨrökuavee yandeve vae.

1 Pedro 5:10

Ërei Tumpa ipɨakavi tuicha yae vae, yandeparavo omee vaerä yandeve yerovia opambae vae Jesucristo rupi vae, peiporarata güire michi pegua jae etei pembojupita, pemomɨ̈ratata jare pemoäta ngatuta.

1 Juan 1:3

Romombeu peve roecha jare roendu vae, pe reta vi peñemoïru vaerä ore ndive. Jare kuae ñañemoïru vae añetete ko yandeRu Tumpa jare Taɨ Jesucristo ndive.

1 Juan 1:7

Ërei yaiko yave tembipe pe, Tumpa oiko tembipe rami, ñañemoïru ko oyoupi, jare Taɨ Jesucristo jugüɨ yandeyoe opaete mbaeyoa güi.

1 Juan 4:13

Jare kuae re yaikuaa yaiko ko Tumpa re vae, jare jae oiko ko yanderé vae, jae ko Espíritu Santo omee yandeve vae rupi.

Apocalipsis 19:11

Jayave aecha ara oyepea. Jare joko pe oyekuaa metei kavayu tïi vae, jare opo jese vae jee Jupi vae jare Añetete vae, jae oporojäa jare oñeraro jupi rupi.