1 Corintios 1:5 - Biblia Guarani Tumpa Iñee

⁵ Echa Cristo rupi Tumpa omee peve opaete mbaembae, peñee ngatu vaerä jare pearakuaa katu vaerä.

Nuevo Testamento Guaraní Pe

⁵ Echa Tumpa pemovendise yae, pepuere vaera pemombeu iru vae reta pe jare peicuaa cavi vaera.

1 Corintios 1:5 ပူးပေါင်းရင်းမြစ်များ

Hechos 2:4

Jayave opaete joko pe ñogüɨnoi vae reta tɨnɨe Espíritu Santo pe, jare omboɨpɨ imiari reta ambuaeyee vae ñee reta pe, Espíritu Santo omee chupe reta imiari vaerä vae pe.

Romanos 11:12

Israel pegua reta iyoa jare oa vae ikavi ɨvɨ pegua reta, judiombae vae reta pe. ¿Vɨtei pa oñemopüa ye yave? Ikavi yaeta ko.

Romanos 15:14

Cherɨvɨ reta, che etei pokuaa kavi yae, kërai pe reta pepɨakavi yae ko jare peikuaa jeta mbaembae. Jáeramo pepuere peyomboarakuaa.

Romanos 15:4

Opaete oyekuatía tenonde Tumpa Iñee pe vae, oyekuatía ko yandemboe vaerä. Echa oyekuatía ko yaikatu vaerä mbɨaguasu jare mbɨakatu rupi ñaäro.

1 Corintios 12:10

Ïru vae pe omee oyapo vaerä mɨakañɨ reta, ïru vae pe omee omombeu vaerä Tumpa iñee, ïru vae pe omee oikuaa vaerä Espíritu añete vae jare añetembae vae, ïru vae pe omee imiari vaerä ñee reta ambuae pe, jare ïru vae pe omee omombeu kavi vaerä ñee reta ambuae mbae ra oipota jei vae.

1 Corintios 12:8

Echa Espíritu Santo omee metei vae pe imiari vaerä iyarakuaa katu reve. Jare jae vi omee ïru vae pe imiari vaerä oikuaa kavi yae reve.

1 Corintios 13:2

Yepe mona amoërakua maratuta vae re, ani aikuaa opaete mbaembae yaikuaambae vae, jare opaete arakuaa katu, jare anoi mborogüɨrovia tuicha vae, chepuere vaerä ambosɨrɨ ɨvɨtɨ guasu reta. Ërei mbaetɨ aporoaɨu yave, mbaeä ko che.

1 Corintios 13:8

Mboroaɨu ngaraa etei opa. Ërei mbae maratuta vae imombeúa opata ko. Jaeramiño vi ambuae ñee reta pe imiari vae opata ko. Jare arakuaa reta opata vi.

1 Corintios 14:26

Jáeramo, cherɨvɨ reta, ¿kërai pa jayave? Peyemboatɨ yave, metei ñavo pepuere petairari, peporomboe ani pemiari ambuae ñee pe, ani peikuaauka ïru reta pe Tumpa oikuaauka peve vae, ani pemombeu kavi mbae oipota jei ambuae ñee pe vae. Ërei toyeapo opaete peñomomɨ̈rata vaerä.

1 Corintios 8:11

Jare nde ndearakuaa rupi kavi reï joko pe vae rupi okañɨta mbaetɨ ipɨ̈rata iporogüɨrovia pe vae, jese Cristo omano vae.

2 Corintios 4:6

Echa Tumpa ko jei oime vaerä pɨtumimbi pe tembipe. Jae etei ko omoembipe orepɨa pe, roikuaa vaerä Tumpa iyemboetea oyekuaa Jesucristo rupi.

2 Corintios 6:10

Orepɨatɨtɨ, ërei jekuaeño royerovia; oreparavete, ërei jeta ïru vae reta romboyekou; mbaetɨ etei mbae rogüɨnoi, ërei rogüɨnoi opaete mbae.

2 Corintios 8:7

Pe reta ko tenonde opaete mbaembae pe, mborogüɨrovia pe, ñee pe, arakuaa pe, kɨ̈reɨ ngatu pe jare oreraɨu yae vae pe. Jáeramo peikuaauka vi pepɨa kavi, kuae pemeeta vae rupi.

2 Corintios 9:11

Jökorai pe reta penoi vaerä jeta mbaembae, pepuere vaerä pemee pekɨ̈reɨ ngatu reve. Jare ore rogüɨraja yave ïru vae reta pe pemeeta vae, jae reta omeeta yasoropai Tumpa pe.

Efesios 1:17

yandeYa Jesucristo iTumpa, Tu imboetea yae vae, tomee peve arakuaa katu jare toikuaauka peve mbaembae, peikuaa kavi vaerä Tumpa regua.

Efesios 2:7

Kuae oyapo, oechauka vaerä ara reta taɨkuegua pe kërai tuicha yae ko ipɨakavi, jare ipɨakavi yandeve Cristo Jesús rupi.

Efesios 3:8

Yepe tëi che ko michi yae opaete oporogüɨrovia vae michi yae vae güi, ërei oñemee cheve Tumpa ipɨakavi, amoërakua vaerä judiombae reta pe ñee ikavi vae, Cristo imbaeyekou yaipapa rapembae vae re,

Efesios 6:19

jare cheré vi, Tumpa omee vaerä cheve ñee, akɨɨyembae reve aikuaauka vaerä yaikuaa rapembae vae ñee ikavi regua.

Filipenses 1:9

Jare ayerure Tumpa pe okuakuaa avei vaerä ojo peporoaɨu peikuaa katu reve jare pearakuaa katu reve,

Colosenses 2:3

Echa Cristo re oñeväe opaetei arakuaa reta.

Colosenses 3:10

jare peyemonde ma teko ipɨau vae pe. Echa kuae teko ipɨau vae oyembopɨau aveita ojo oiko oyekuaa regua iyapoa rami, oikuaa kavi regua.

Santiago 3:13

Oime yave kia pepɨte pe iyarakuaa vae, toiko kavi. Toechauka jembiapo reta rupi jeko kavi oñemomichi reve kavi.

2 Pedro 3:18

Ërei pekuakuaa Tumpa ipɨakavi pe, jare yandeYa Jesucristo yandemboasa vae peikuaa kavi vae pe. ¡Jae toyemboeteuka añave jare jekuaekuae avei rupi! ¡Amén!