1 Corintios 1:21 - Biblia Guarani Tumpa Iñee

²¹ Tumpa iyarakuaa rupi, ɨvɨ pegua reta iyarakuaa rupi aeño mbaetɨ ipuere oikuaa Tumpa. Ërei Tumpa jaekavi omboasa vaerä oporogüɨrovia vae reta ñee ikavi vae mbokereecha vae rupi.

Nuevo Testamento Guaraní Pe

²¹ Ɨvɨ pegua reta mbaeti ipuere oicuaa Tumpa jae reta iyaracuaa catu echa vae rupi. Erei Tumpa omboasa oporogüɨrovia vae reta ñee icavi vae ñamombeu vae rupi, yepe tei metei mboquere echa iru vae reta pe. Corai Tumpa iquɨreɨ, añetete iyaracuaa rambue.

1 Corintios 1:21 ပူးပေါင်းရင်းမြစ်များ

DANIEL 2:20

kuae ñee reta rupi: “Toyemboete jekuae avei Tumpa jee, echa jae ko imbaepuere yae jare iyarakuaa yae vae.

San Mateo 11:25

Jayave Jesús jei: “Romboete cheRu, nde ko jae ara pegua reta jare ɨvɨ pegua reta iYa. Echa reñomi mbaembae iyarakuaa vae reta güi, ërei reechauka oñemomichi vae reta pe.

San Lucas 10:21

Jókuae ora pe etei Jesús oyerovia jare jei: “Romboete cheRu, nde ko jae ara pegua reta jare ɨvɨ pegua reta iYa, echa reñomi mbaembae iyarakuaa vae reta güi, ërei reechauka oñemomichi vae reta pe. Ikavi ko cheRu. Echa jökorai ko jaekavi ndeve.”

San Lucas 12:32

Agüɨye pekɨɨye, pe mbovɨ yae vae reta. Echa Tumpa ipɨa kavi rupi omee peve iporookuaía.

San Juan 12:31

Oväe ma ara oñejäa vaerä ɨvɨ pegua reta. Aña, kuae ɨvɨ juvicha oyemombo ma ko.

Romanos 1:28

Jae reta oipotaä oikuaa Tumpa regua ramo, jae omboeterenga reta yemongeta ikavimbae pe, oyapo reta vaerä agüɨyeta tëi oyapo vae.

Romanos 11:33

Tumpa yarakuaa tuichagüe yae ko, iyarakuaa katu yae ko. Yaupitɨ rapembae iyemongeta reta. Yaipapa rapeä ko jemimbota reta.

1 Corintios 1:18

Echa ñee Cristo ikurusu regua mbokere ko, kañɨtei pe yogüɨrajata vae reta peguarä. Ërei yande yayemboasauka vae reta peguarä ko Tumpa imbaepuere.

1 Corintios 1:23

ërei yande yamombeu chupe reta Cristo omano kurusu re vae regua. Ërei kuae pɨ̈sa-yeyuka Judío reta peguarä, jare judiombae vae reta peguarä mbokere.

1 Corintios 1:24

Ërei Tumpa oiparavogüe Judío reta jare Greciaɨgua reta pe Cristo ko, jae Tumpa imbaepuere jare iyarakuaa.

1 Corintios 1:25

Echa mbaetɨecha arakuaa Tumpa regua vae, oyapɨraa yé ko kuimbae reta iyarakuaa. Jaeramiño vi ipɨtu yaeecha Tumpa regua vae, oyapɨraa yé kuimbae reta imbaepuere.

1 Corintios 1:27

Echa Tumpa oiparavo ko mbaetɨ arakuaa ɨvɨ pegua güɨnoi vae reta, omomaraiuka vaerä iyarakuaa katu vae reta. Jaeramiño vi Tumpa oiparavo mbaetɨ mbaepuere güɨnoi vae reta, omomaraiuka vaerä mbaepuere güɨnoi vae reta.

1 Corintios 11:32

Ërei yandemboeko ramo yandeYa oiporarauka yandeve, agüɨye vaerä yayemboeko oporogüɨroviambae vae reta ndive.

1 Corintios 2:14

Ërei oporogüɨroviambae mbaetɨ oikuaa mbaembae Tumpa iEspíritu regua, echa mbokere ko chupeguarä. Ipuereä oikuaa. Echa jaeño Espíritu Santo rupi ipuere oikuaa.

1 Corintios 4:10

Ore roï iyarakuaambae rami Cristo re rogüɨrovia ramo, ërei pe reta ko pearakuaa katu Cristo re. Ore ko jae ipɨ̈ratambae vae reta rami, jare pe reta ko jae ipɨ̈rata vae. Pe reta imboetea vae, ërei ore roñereröɨro.

1 Corintios 6:2

¿Mbaetɨ pa peikuaa oporogüɨrovia vae reta ojäata ko ɨvɨ pegua reta vae? Jökoraita ko yave ¿maera pa mbaetɨ pepuere peñono kavi jókuae teko michi yae vae?,

Gálatas 1:15

Ërei Tumpa cheñono tee iyeupeguarä chesɨ jɨe peve, jare cheparavo ipɨakavi jeko pegua. Jare jae oipota ma yave,

Gálatas 4:8

Añete ko, tenonde rupi mbaetɨ peikuaa Tumpa yave, peyeokuaise tumpambae reta pe.

Efesios 1:9

jare oikuaauka yandeve jemimbota yaikuaa rapembae vae, jae ipɨakavi rupi. Jae etei oyemongeta oyapo vaerä vae.

Efesios 3:10

Tumpa iyarakuaa tuichagüe yae vae, oyekuaa vaerä oporogüɨrovia vae reta rupi, mburuvicha reta pe jare imbaepuere vae ara rupigua reta pe.

Colosenses 1:19

Echa yandeRu oipota vae ko jae, oï vaerä opaete mbaepuere Cristo re;

Hebreos 1:14

Echa araɨgua reta Tumpa jembiokuai ko; jare jae ko ombou araɨgua reta omborɨ vaerä oyemboasaukata vae reta.

Hebreos 2:3

jayave, ¿këraita pa yaasayepe, ñaröɨro yave yemboasa tuichagüe? Echa yandeYa räri imiari kuae yemboasa re, jare yaikuaa imiari yandeve oyeapɨsaka jese vae reta rupi.

Hebreos 7:25

Jáeramo, jae ipuere omboasa jekuae avei pegua, opaete oya jae rupi Tumpa re vae reta, echa oiko avei oyerure vaerä Tumpa pe jese reta.

Santiago 4:4

Pe reta menda re oyuvanga vae reta rami ko. ¿Mbaetɨ pa peikuaa oñomoïru ɨvɨ pegua ndive vae oyovaicho ko Tumpa ndive? Oipotagüe oñemoïru ɨvɨ pegua ndive vae, oyeapo ko Tumpa jovaichorä.

Santiago 5:15

Jare mborogüɨrovia reve oyerure reta yave, imbaerasɨ vae okuerata ko. Echa yandeYa omopüata ko. Jare imbaerasɨ vae oyapo yave mbaeyoa reta, Tumpa iñɨ̈rota chupe.

Santiago 5:20

peikuaa kuae: Jókuae oporomborɨ vae oepɨ ko jókuae opia vae jekove mano güi, jare Tumpa iñɨ̈rota jeta imbaeyoa reta re.