1 Corintios 1:17 - Biblia Guarani Tumpa Iñee

¹⁷ Echa Cristo mbaetɨ ko chembou aporombobautisa vaerä. Jaeño chembou amoërakua vaerä ñee ikavi vae. Ërei mbaetɨ aiporu ñee arakuaa katu pegua, agüɨye vaerä amomichi Cristo omano kurusu re vae.

Nuevo Testamento Guaraní Pe

¹⁷ Echa Cristo mbaeti chembou aporombobautiza vaera. Jaeño chembou amombeu vaera ñee icavi vae. Erei mbaeti aiporu ñee iyaracuaa catu vae pegua. Echa jocuae nunga ñee aiporu yave, güɨramoi ñee Cristo icurusu regua ngaraa tei mbaepuere güɨnoi.

1 Corintios 1:17 ပူးပေါင်းရင်းမြစ်များ

San Juan 4:1

Jesús pe jërakua fariseo reta jei körai: “Jesús oyapo oï jare ombobautisa oï jeta jemimboerä Juan güi.”

San Juan 4:2

(Yepe tëi Jesús etei mbaetɨ oporombobautisa. Jemimboe retaño oporombobautisa ñogüɨnoi.)

Hechos 10:48

Jayave Pedro oyókuai oyembobautisauka vaerä yandeYa Jesús jee re. Jayave joko pegua reta omoñera Pedro opɨta vaerä jae reta ndive mbovɨ ara pegua.

1 Corintios 2:1

Cherɨvɨ reta, aja pépɨri amombeu vaerä peve añete vae Tumpa regua yave. Mbaetɨ chemiari peve ñee tuichagüe rupi ani arakuaa rupi.

1 Corintios 2:13

Kuae re oremiari, mbaetɨ roiporu kuimbae reta iyarakuaa re royemboe vae rupi. Jaeño Espíritu Santo oremboe jese vae rupi: roikuaauka ïru vae reta pe mbaembae Espíritu regua Espíritu Santo ipɨa pe oiko vae reta pe.

2 Corintios 1:12

Ore roiko kavi oporogüɨroviambae vae reta ipɨte pe jare pepɨte pe vi, Tumpa oremborɨ ramo. Mbaetɨ etei roporombotavɨ. Jare körai roiko Tumpa ipɨakavi rupi, mbaetɨ roiko orearakuaa rupiño. Jáeramo royerovia.

2 Corintios 10:10

Echa amogüe vae jei, cherembikuatía ipoɨ yae jare yavai oyeapo vaerä, jare che etei aï ípɨri yave mbaeä etei jare cheñee mbegüe.

2 Corintios 11:6

Yepe tëi mbaetɨ chepoki chemiari vaerä, ërei aikuaa katu chemiari peve jese vae. Jare opaete royapogüe rupi roikuaauka peve jókuae.

2 Corintios 4:2

Mbaetɨ etei royapo vɨari mbae ñemomarai pegua. Mbaetɨ royapo mbae orepoki rupi roporombotavɨ vaerä. Mbaetɨ vi rogüɨrova Tumpa iñee. Jaeño romombeu añete vae, jare royekuaauka opaete vae reta pe Tumpa jóvai.

2 Pedro 1:16

Roikuaauka peve yandeYa Jesucristo imbaepuere jare kërai jae ou yeta ko vae, mbaetɨ ko roikuaauka peve arakae ndaye oyeapo katugüe. Echa roecha etei ko yandeYa imbaepuere.