1 Corintios 1:10 - Biblia Guarani Tumpa Iñee

¹⁰ Cherɨvɨ reta, che pomoñera yandeYa Jesucristo jee re pemiari kavi metei rami, agüɨye peyemboyao oyougüi. Pomoñera peiko kavi vaerä oyoupi. Toyovake peyemongeta jare pepɨa yovake.

Nuevo Testamento Guaraní Pe

¹⁰ Cherɨvɨ reta, che pomoñera ñandeYa Jesucristo jee re agüɨye vaera peyoaca oyoupi, jare agüɨye vaera peñemboyao oyougüi. Pomoñera peyeapo vaera metei ramiño. Toyovaque peñemongueta jare pearacuaa.

1 Corintios 1:10 ပူးပေါင်းရင်းမြစ်များ

SALMOS 133:1

Mase, ¡täta ikavi jare ipöra, opaete oñoëtara vae reta yogüɨreko vaerä metei rami!

JEREMÍAS 32:39

Jare ameeta chupe reta metei yemongetaño jare metei tekoño, oipoɨu avei vaerä chegüi reta, yogüɨreko kavi reta vaerä, jökoraita vi taɨkue rupi iñemuña reta.

San Mateo 9:16

Ngaraa ikavi yamboya vaerä temimonde indechi vae mbaemboyaa ipɨau vae pe. Echa mbaemboyaa ipɨau vae omoatata temimonde indechi vae, jare jeieteta osoro.

San Marcos 2:21

Ngaraa ikavi yamboya vaerä temimonde indechi vae mbaemboyaa ipɨau vae pe. Echa mbaemboyaa ipɨau vae omoatata temimonde indechi vae, jare jeieteta osoro.

San Marcos 3:24

Metei mborookuaía pegua reta oyovaicho oyoupii yave, oyemboaita ko.

San Juan 10:19

Jesús kuae jei ramo, judío reta oyoavɨ iyemongeta reta oyougüi.

San Juan 17:23

Che aikota jese reta jare nde cheré, yogüɨreko vaerä metei ramiño kavi, ɨvɨ pegua reta oikuaa vaerä nde ko chembou vae jare nde reaɨu ko kuae reta nde cheraɨu rami vae.

San Juan 7:43

Jókuae jeko pegua, joko pe ñogüɨnoi vae reta oyoaka oyoupii.

San Juan 9:16

Jayave amogüe fariseo reta jei: —Tumpa güiä ko ou kuae kuimbae. Echa omboeteä ara mbutuu. Ërei ïru fariseo reta jei: —¿Kuimbae iyoa vae oyapota ra kuae nunga mɨakañɨ reta? Jare oyoavɨ reta iyemongeta oyougüi.

Hechos 4:32

Jare opaete oporogüɨrovia vae reta metei ramiño ñogüɨnoi. Mbaetɨ metei ave jei imbaembae re: “Kuae ko chembae.” Echa opaete imbaembae reta güɨnoi metei ramiño.

Romanos 1:13

Cherɨvɨ reta, aipota peikuaa kërai che mbovɨ ye ma ayupavo tëi aja vaerä pépɨri (ërei jekuaeño mbae chemboavai), echa aipota ayeokuai Cristo pe pepɨte pe, ïru judiombae vae reta ipɨte rupi ayeokuai rami.

Romanos 12:1

Jáeramo, cherɨvɨ reta, pomoñera Tumpa iporopareko rupi, pemee chupe perete, mɨmba oyeyukagüe Tumpa pe oñemee rami, peñeñono tee chupe, jae omboyerovia vae. Echa jupi ko körai añetete rupi pemboete vaerä Tumpa.

Romanos 12:16

Metei ramiño peiko oyoupii. Agüɨye peyembotuicha, jaeño peyea iparavete vae reta ndive. Agüɨye pearakuaa yae pemae peyé.

Romanos 15:30

Pomoñera cherɨvɨ reta, yandeYa Jesucristo jare Espíritu Santo iporoaɨu rupi, chemborɨ vaerä peyerure cheré Tumpa pe,

Romanos 16:17

Añave che pomoñera cherɨvɨ reta, pemae kavi jókuae yemboyao jare oporombogüɨapiuka yemboe pe reta peikuaa vae güi vae reta re, pesɨrɨ chugüi reta.

1 Corintios 1:11

Echa Cloé jo pegua reta omombeu cheve peregua, cherɨvɨ reta, kërai peñoraro peiko oyoupii.

1 Corintios 11:18

Kuae räri tae peve: Jërakua cheve kërai peyemboyao oyougüi, peyemboatɨ yave pemboete vaerä Tumpa. Jare arovia güɨramoi añete ko.

1 Corintios 12:25

jökorai oyapo, agüɨye vaerä yanderete regua reta oyemboyao oyougüi, opareve oyangareko kavi päve vaerä oyoe.

1 Corintios 3:3

Echa jekuaeño peiko pe peregüe reño. Echa jekuaeño peñemoägüɨro oyoe, peñoraro jare peyoambotaä ¿jaeä pa jókuae jeigüe reño oiko vae?, jare ¿oipotagüe kuimbae ramiño?

1 Corintios 4:16

Jáeramo che pomoñera peiko vaerä che rami.

2 Corintios 10:1

Che Pablo, pomoñera Cristo iñemomichi jare iporoaɨu rupi. Che aï pépɨri yave añemomichi, ërei mbaetɨ aï pépɨri yave chemiari peve aipoɨumbae reve.

2 Corintios 13:11

Yamboapɨ vaerä, cherɨvɨ reta, peyerovia, peyembojupi, peyombopɨakatu, peiko kavi metei rami, jare peiko päve mbɨakatu rupi; jare Tumpa ipɨakatu vae jare iporoaɨu vae oikota pe ndive.

2 Corintios 13:9

Jáeramo royerovia orepɨ̈ratambae re jare pe reta pepɨ̈rata yae vae re; jare royerure avei Tumpa pembojupi vaerä.

2 Corintios 5:20

Jáeramo Cristo yandemondo jae jee re jekovia pe, Tumpa etei imiari oï yande rupi rami. Jáeramo pomoñera Cristo jee re, peñeñono kavi ye Tumpa ndive.

2 Corintios 6:1

Ore roparavɨkɨ Tumpa peguarä. Jáeramo pomoñera agüɨye vaerä peyuvangaiño Tumpa ipɨakavi re.

Gálatas 4:12

Cherɨvɨ reta, pomoñera peyapo vaerä che ayapo rami. Echa che ayeapo vi pe rami. Mbaetɨ etei mbae ikavimbae vae peyapo chekotɨ.

Filipenses 1:27

Jaeño peiko kavi, echa perovia ma ñee ikavi vae Cristo regua. Güɨramoi aja apou pépɨri ani mbaetɨ, ërei aipota perërakua kavi cheve, kërai peñemomɨ̈rata metei ramiño jare peñemoäta ngatu peporogüɨrovia ñee ikavi vae re vae,

Filipenses 3:16

Ërei yaiko avei yaikuaa ma vae re. Yayemongeta metei ramiño.

1 Tesalonicenses 5:13

Peaɨu iparavɨkɨ jeko pegua, peiko päve mbɨakatu rupi.

2 Tesalonicenses 2:1

Añave cherɨvɨ reta, yandeYa Jesucristo ou yeta vae regua jare jae ndive ñañoövaiti vae regua. Pomoñera cherɨvɨ reta,

1 Timoteo 5:21

Royókuai Tumpa jare yandeYa Jesucristo jare iaraɨgua jembiparavo reta jovake, reyapo vaerä kuae mbaembae jupi rupi, reporomboyoavɨmbae re reve.

2 Timoteo 4:1

Jáeramo, royókuai Tumpa jare yandeYa Jesucristo jovake, echa jae ojäata oikove vae reta jare omanogüe vae reta, ou ye yave oporookuai vaerä,

JOSUÉ 22:15

Opaete kuae reta yogüɨraja Galaad kotɨ, Rubén jare Gad iñemuña reta jare Manasés iñemuña reta oyemboyaogüe ñogüɨnoia pe, jare omomiari reta jei reta reve:

1 Pedro 2:11

Cherɨvɨ aaɨu vae reta, pomoñera ketɨgua rami peiko kuae ɨvɨ pe vae, peyeandu pesoo jemimbota reta oïraro perekove vae güi.

1 Pedro 5:10

Ërei Tumpa ipɨakavi tuicha yae vae, yandeparavo omee vaerä yandeve yerovia opambae vae Jesucristo rupi vae, peiporarata güire michi pegua jae etei pembojupita, pemomɨ̈ratata jare pemoäta ngatuta.