အွန်လိုင်း သမ္မာကျမ်းစာ

« အရင်

နောက်တစ်ခု »

Zowănnī 17:3 - Geba Roman New Testament

³ Ajo ḿî dèò alahtŭlablo cab́ô̆htè bija tòcò gî̄ thîhè̆ Nè, Kib́ĭcè adî̄ahma dèbwè nu, kî Jezŭ Krĭstu, No thodŏlegè dèbwè nu.

အခန်းကိုကြည့်ပါ။ ကော်ပီ

« အရင်

ပြန်တက်သွားပါ။ ⬆

နောက်တစ်ခု »

Zowănnī 17:3
52 ပူးပေါင်းရင်းမြစ်များ

Mărko 9:37

“Ji mi abu aphîni abĭsèpho dèbwè nu, zi phîni tèpwè Jè. Kî gajă bija aphîni Jè dèbwè nu, zi phîni tèpwè athodŏle Jè dèbwè nu.”

အခန်းကိုကြည့်ပါ။

Lŭka 9:48

kî d́ògè lōwa tòcò, “Gajă bija alèkha abĭsèpho dèbwèbwè d́ŏ Ji mi abu nu, mè cab́ô̆ zè lèkha Jè lò. Kî gajă bija lèkha Jè dèbwè nu, mè cab́ô̆ zè lèkha Cè htè athodŏlegè Jè dèbwè nu. Manè̄ d́ō, thĭ klè̆ nu asciphogudu dèbwè ḿî adogudu lò,” Cò d́ògè lōwa d́o.

အခန်းကိုကြည့်ပါ။

Zowănnī 10:36

Apa rôhta hwă thodŏlegè Jè d́ŏ Lākho jo. Mègōnu d́ō, Jò d́ò, ‘Jè ḿî Kib́ĭcè Apho,’ akhoacè̆ thĭ d́ò zabò̄ Jî ḿî ahtad́ĕd́ò Kib́ĭcè ā?

အခန်းကိုကြည့်ပါ။

Zowănnī 11:42

Ḿî Jî thîhè̆ tèpwè htè Ńò sòkhĕńe thèjô̆ Je lē nu, barasă bija asò̆hto ò khwè̆b́a Jè tòcò acè̆, Jò d́ògè dè ajo cab́ô̆htè cè tòcò ku b́ubò̄ htè No thodŏlegè Jè nu.”

အခန်းကိုကြည့်ပါ။

Zowănnī 14:26

Amèzodè, Spirito Tcahtĭ htè Apa gō thodŏle d́ŏ Ji mi abu dèbwè, gē le thôithò̆i lŏkò̆ thĭ kî Zè gè̄ mè gomohtanikò̆ thĭ gajă Jò d́ò̆sa htŏ thĭ tòcò nu.

အခန်းကိုကြည့်ပါ။

Zowănnī 17:18

Acab́ô̆ No thodŏlegè Jè d́ŏ Lākho akho jo nu, jo thodŏle cè tòcò d́ŏ Lākho akho nu nu.

အခန်းကိုကြည့်ပါ။

Zowănnī 17:21

Jè thèb́è̆hta acab́ô̆ cè tòcò lŏcăcè gî̄ ḿîbò̄ dèdè̆ lò nu. Ŏ Apa, acab́ô̆ Ńò ò Ju bu, kî Jò ò Nu bu akhò̆ nu, cè tòcò kò òbò̄ d́ŏ Wu bu nu. Kî cè tòcò gî̄ ḿîbò̄ dèdè̆ lò, d́ō Lākho ku b́u htè No thodŏle Jè nu.

အခန်းကိုကြည့်ပါ။

Zowănnī 17:23

Jò ò d́ŏ zu bu nu kî Ńò ò d́ŏ Ju bu nu; cab́ô̆htè cè tòcò gē pĕhtazòhtabò̄ d́ŏ dèjīdèd́wă abu nu kî Lākhopho gî̄ thîhè̆bò̄ htè No thodŏlegè Jè nu kî Nè b́èlò̄gè cè acab́ô̆ Nè b́èlò̄gè Jè nu.

အခန်းကိုကြည့်ပါ။

Zowănnī 17:25

Ŏ Apa adî̄ahma dèbwè, Lākho dî thîhè̆ Nè hnî̆ńò, barasă Jî thîhè̆ Nè, kî bija Ni ilani Jè tòcò thîhè̆ htè No thodŏlegè Jè nu.

အခန်းကိုကြည့်ပါ။

Zowănnī 17:8

Manè̄ d́ō, dèjî̄b́è Ni ilagè Jè tòcò nu, Ji ilani htŏ cè tòcò. Cè tòcò phîni htŏ kî thîhè̆ htŏ dèdî̄dèhma htè Jè hèhta d́ŏ Ńò ò nu, kî cu b́u htŏ htè No thodŏlegè Jè nu.

အခန်းကိုကြည့်ပါ။

Zowănnī 3:17

Manè̄ d́ō, Kib́ĭcè thodŏle Zo Pho d́ŏ Lākho jo ḿî tè b́è Zi gī cirra Lākhopho anikhĭ ńò, ḿî cab́ô̆htè d́ŏ Zo kho Zè cè̆ Lākhopho gī nib́èbò̄ dèhlô̆htage nu.

အခန်းကိုကြည့်ပါ။

Zowănnī 3:34

Manè̄ d́ō, Kib́ĭcè thodŏlegè dèbwè nu jî̄b́è Kib́ĭcè alēahwè, manè̄, Kib́ĭcè ila Cè Spirito Tcahtĭ pĕhtazòhta acè̆ nu.

အခန်းကိုကြည့်ပါ။

Zowănnī 5:44

Thĭ thaèni tèpwè bija adèkòihtăi, barasă thĭ da wāhlè dèkòihtăi d́ŏ Kib́ĭcè dèbwè lò ò ńò acè̆ nu, thĭ ku b́u d́ò̆ Jè cadè̄?

အခန်းကိုကြည့်ပါ။

Zowănnī 6:57

Apa aòthôḿô̆ dèbwè thodŏlegè Jè, kî d́ŏ Zo kho Cè cè̆ Jò òthôḿô̆kôkò̆. Cab́ô̆ gōnu akhò̆ bija a a Jî hî dèbwè nu Jo kho Jè cè cò kò òthôḿô̆kò̆.

အခန်းကိုကြည့်ပါ။

Zowănnī 7:29

barasă Jî thîhè̆ Cè, manè̄ d́ō, Jè ḿî aò d́ŏ Cò ò kî Zo thodŏlegè dèbwè nu,” Cò d́ò lōwa tòcò do.

အခန်းကိုကြည့်ပါ။

Zowănnī 8:19

Mègōnu cè tòcò d́ò Cè, “Na Pa ò d́òlè̄?” cè d́è̆tca lōwa do. Jezŭ d́òscĭge cè tòcò, “Thĭ dî thîhè̆ Jè ńò ńò, Ja Pa ńò ńò. Thĭ gî̄ thîhè̆ ma Jè nu, thĭ gî̄ thîhè̆ tèpwè Ja Pa papa,” Cò d́ò lōwa tòcò do.

အခန်းကိုကြည့်ပါ။

1 Kòrĭn 15:34

Khwè̆b́age thĭ ne d́ŏ dèthîhè̆ ab́èabò ò, kî sò̆tab́abò̄ dèkî̆kkèmèhlò̆ aklèthòò̆ tòcò nu. Thĭ gā thăwābò̄ anikhĭ jò d́ò̆sagè htè thĭ tòcò cò ḿî bija dî thîhè̆ Kib́ĭcè ńò nu.

အခန်းကိုကြည့်ပါ။

1 Kòrĭn 8:4

Ab́èkja dèa bija amè d́ui bwèjò tòcò nu, wî thîhè̆ tèpwè htè d́ŏ Lākho jo nu, bwèjò ḿî adègemeelô tò ò tèpwè ńò. Manè̄ d́ō, Kib́ĭcè dèbwè lò akhlŏ B́ĭcè alewe tò ò ńò acè̆ nu.

အခန်းကိုကြည့်ပါ။

2 Kòrĭn 4:6

Zî ḿî Kib́ĭcè thè̆ne htè ad́ò, “D́ŏ dèkhidènè aklè̆, dè ahlî̆ gî̄ hlî̆hta d́ò̆è!” anu ḿî B́ĭcè dèbwècè̆ htè ahlî̆lab́èhtŏ wa thabu, akè d́è̆lî̄ wa Kib́ĭcè adòathe htè aò d́ŏ Krĭstu amūkă alò nu dèdè̆ nu.

အခန်းကိုကြည့်ပါ။

Philippiăno 3:10

Dè htè ja thaèni ḿî dèthîhè̆ Krĭstu kî dèthîhè̆ dèhtaboge acô̆thèlè̆, dèkhazo nikhĭ Zè dèkhab́èjab́è tòcò nu, kèhta bija alăkî cè d́ŏ dèthĭ abu,

အခန်းကိုကြည့်ပါ။

Philippiăno 3:8

Tè b́è htĕ dè anu tòcò lò ńò, jè bè̄la dèlŏcăcè acab́ô̆ dèsudèṕa ji nikhĭ lŏklikli, kî dè alīdobwîthè̆ d́okhlŏ ji nikhĭ ḿî dèthîhè̆ jî B́ĭcè Jezŭ Krĭstu nu. Je hwĕphlòḿĭgè dèlŏcăcè d́ŏ zo kho zè cè̆ lò. Jè bè̄ dèlŏcăcè acab́ô̆ dègodō ahmĭtherĕ nu, cab́ô̆htè ji gī nib́èbò̄ Krĭstu anikhĭ,

အခန်းကိုကြည့်ပါ။

1 Thèssalò̆nika 1:9

Bija lŏcăcè bò̄igè htè thĭ scĭi thuŭthèègè wa b́ĕ we ledohtî thĭ nu, thĭ d́a debeb́agè thĭ ne dèjòdèja, kî thĭ d́ab́agè d́ŏ Kib́ĭcè ò nu, cab́ô̆htè thĭ gè̄ mèbò̄ Kib́ĭcè adî̄ahma kî athôḿô̆ dèbwè adè nu,

အခန်းကိုကြည့်ပါ။

2 Thèssalò̆nika 1:8

d́ŏ hmî ablî klè̆, cab́ô̆ Ci gī cirra bija htè ato ŏlăphlala Kib́ĭcè ńò, kî adò sòkhĕńe B́ĭcè Jezŭ aVanzĕlo ńò tòcò nu.

အခန်းကိုကြည့်ပါ။

Hebrè̆u 3:1

Jè thè̆buthè̆we Krĭstupho, anib́è Kib́ĭcè adèjo tòcò, gomohtanibò̄ Jezŭ, htè Kib́ĭcè thè̆legè agî̄ ḿî ab́udè tòcò anikhĭ Phŭgima nu.

အခန်းကိုကြည့်ပါ။

2 Petru 1:2

Ahluată kî dèjīdèd́wă kè̄ b́è ila pĕhtabala d́ò̆è thĭ d́ŏ dèthîhè̆ Kib́ĭcè wî B́ĭcè Jezŭ abu nu.

အခန်းကိုကြည့်ပါ။

2 Petru 1:3

Kib́ĭcè adèkhodèă b́è ilani lŏcăcè htŏ wa dèò kî dèthub́uthèb́è̆ anikhĭ ab́èkja dèthîhè̆ Cè htè ajogè wa d́ŏ Zò dò Ce the kî dèwîdètcă abu nu.

အခန်းကိုကြည့်ပါ။

2 Petru 1:8

Manè̄ kò̄ d́òdo dō, thĭ kò òi ma dèzwî̄dèè ajo tòcò kî akò̄ ò pĕhta ma d́ŏ thĭ hîklè̆ nu d́ō, thĭ kò tò òkoòklôkò̆ ńò d́ŏ thĭ thîhè̆ wî B́ĭcè Jezŭ Krĭstu acè̆ nu.

အခန်းကိုကြည့်ပါ။

1 Zowănnī 1:2

B́ĕ dèòthôḿô̆ d́è̆lî̄hta nu, wè kèhtî kî wò dòdò̄majai kî d́ò̆sa tèpwè thî ab́èkja dèthôḿô̆ lahtŭlablo htè Cò òkô Pa akă kî mèthîhè̆gè wa nu.

အခန်းကိုကြည့်ပါ။

1 Zowănnī 1:3

Wa tcahtî kî thîhè̆b́è tòcò nu wò d́ò̆sa thĭ cab́ô̆htè thĭ kò òplo b́èbò̄ wa acab́ô̆ wò òplogè B́ĭcè Pa kî Zo Pho Jezŭ Krĭstu nu.

အခန်းကိုကြည့်ပါ။

1 Zowănnī 2:23

Bija htè ajab́i B́ĭcè Pho nu za jab́i B́ĭcè Pa; kî bija htè aphîni B́ĭcè Pho tòcò cî ḿî aphîni B́ĭcè Pa papa.

အခန်းကိုကြည့်ပါ။

1 Zowănnī 4:6

Barasă wè b́èkja kî Kib́ĭcè. Bija athîhè̆ Kib́ĭcè tòcò sòkhĕńe we lē; atè b́èkja Kib́ĭcè ńò tòcò dò sòkhĕńe tèpwè we lē ńò. Mègōnu d́ō, wî thîhè̆b́è dèdî̄dèhma aSpirito Tcahtĭ kî spirito atè b́è ńò nu.

အခန်းကိုကြည့်ပါ။

1 Zowănnī 5:20

Wi thîhè̆ tèpwè htè Kib́ĭcè Apho lela htŏ kî Ci ilani wa dèthîhè̆, gōnu akhoacè̆ wî thîhè̆kò̆ Kib́ĭcè adî̄ahma nu. Wò òplob́è Kib́ĭcè adî̄ahma. Wò òplob́è Zo pho Jezŭ Krĭstu. Ajo ḿî Kib́ĭcè adî̄ahma kî dèò alahtŭlablo.

အခန်းကိုကြည့်ပါ။

ကြှနျုပျတို့နောကျလိုကျပါ:

ပံ့ပိုးပေးထားသော လင့်ခ်များ

ကြော်ငြာတွေ

ကြော်ငြာတွေ