Rŏma 8:16 - Geba Roman New Testament

¹⁶ Kib́ĭcè Aspirito Tcahtĭ thĕne kî wa tha khaplo lōwa thè̆thî htè wî ḿî Kib́ĭcè aphoali nu.

Rŏma 8:16 ပူးပေါင်းရင်းမြစ်များ

Mattĕo 5:9

Ab́èhôwî ḿî bija amèjīmèd́wădè tòcò nu, manè̄, dè gō jokò̆ cè Kib́ĭcè apho.

Lŭka 20:36

Manè̄, za jăthô mò̄khobwèzo lò kî zi di thĭ b́è be ńò. Kî zî ḿî Kib́ĭcè apho, htè dèhtaboge apho tòcò nu.

Zowănnī 1:12

Gajă aphîni Cè kî ab́u Zi mi tcahtĭ tòcò nu, Ci igè lōwa agî̄ phî̆htab́è Kib́ĭcè aphoali.

Thodŏpho 5:32

Wî ḿîgè d́ŏ akha ane thè̆thî dè ajo tòcò anikhĭ, ploplo kî Spirito Tcahtĭ htè Kib́ĭcè ilagè asòkhĕńe Ze lē tòcò nu,” cò d́ò lōwa do.

Rŏma 8:14

Gajă bija ab́è htogeme d́ŏ Kib́ĭcè Aspirito dèbwèbwè nu, zî ḿî Kib́ĭcè apho.

Rŏma 8:19

Dèòb́òla lŏcăcè sòmò̆dôi Kib́ĭcè akè d́è̆lî̄ Zo pho tòcò nu.

Rŏma 8:23

kî tè b́è htĕ dèòb́òla lò ńò, wa gŏ abwè htè Spirito Tcahtĭ aphò̆athè alabū nu. Wo koŏgajāgè b́ĕ wò sòmò̆dôiwe we neb́î̆cè adèòhlô̆òla akhî nu.

Rŏma 8:26

Spirito Tcahtĭ lahtî wa agè̄ mèzo wa d́ŏ wè dèkhodèă tò ò ńò aklè̆ nu. B́ĕ wa wāhlè dèjî̄b́è akè thèb́è̆ thoŏthèè nu, Spirito Tcahtĭ thè̆ne damò Kib́ĭcè wi nikhĭ d́ŏ dèkoŏgajā scô abu htè wò tò d́ò za ńò nu.

Rŏma 9:26

Thôrô̆ Jò kò d́ò, ‘Thĭ dî ḿî Ji bija ńò nu,’ khŏnujo kè b́èjokò̆ Kib́ĭcè Aòthôḿô̆ aphoali.”

Rŏma 9:8

Ahtabohtab́ă ḿî amèphî̆hta wa Kib́ĭcè aphoali dî ḿî phehî akhwĭathèlè̆ ńò, ḿî dèaḿăkhai aphoali tòcò gî̄ ḿîkò̆ akhwĭathèlè̆ adî̄ahma nu.

2 Kòrĭn 1:12

Wî phîdophîmu dè ò domo, htè wa tha d́ò̆sa wa ab́è nu, we lè̄d́ŏlè̄j́a bija gŏ abwè, d́okhlŏ thĭ nu d́ŏ Kib́ĭcè ilani wa dèthodanāthadanā abu nu, ḿî d́ŏ Kib́ĭcè ahluată acè̆ wè dè mè tòpòkhogè dè dimĭ ńò nu.

2 Kòrĭn 1:22

Kib́ĭcè dòla hmăi wa kî ila wa Spirito Tcahtĭ d́ŏ wu bu cab́ô̆ dèŏlăphlala ab́èkja dèlŏcăcè htè aòpranè dòlò wa nikhĭ nu.

2 Kòrĭn 5:5

Kib́ĭcè adèthaèni wi nikhĭ ḿî ajo kî Ci ilagè wa Spirito Tcahtĭ adèaḿăkhai.

2 Kòrĭn 6:18

“Kî Jî gî̄ ḿîkò̆ thĭ Pa, kî thĭ gî̄ ḿîkò̆ Jo pho Ji li tòcò nu, Dèado Amèzadè lŏcăcè d́ògè do.”

Galatiăno 3:26

Kî thĭ gŏ abwè ḿî Kib́ĭcè apho d́ŏ dèb́u kî dèòjīòd́wă d́ŏ Jezŭ Krĭstu abu nu.

Galatiăno 4:6

Thĭ ḿî Kib́ĭcè aphoali nu hlî̆htaphlò̆hta d́ŏ Zè dèthodŏle Zo Pho aSpirito Tcahtĭ d́ŏ wa thabu nu, Spirito Tcahtĭ htè ajohta “Abba, Apa,” kî ajo ḿî amèphî̆hta thĭ dèpho.

Ephè̆sus 1:13

Thĭ htè athîhè̆b́ègè dèdî̄dèhma alēahwè, Vanzĕlō htè alei thĭ dèhlô̆htage tòcò nu ḿîgè Kib́ĭcè abija. Thĭ ab́ugè Krĭstu tòcò, thĭ b́è dòlahnè̆i kî Spirito Tcahtĭ htè Co ŏlăphlalahnè htŏ nu.

Ephè̆sus 4:30

Mè tha dò mòbò̄ ḿè Kib́ĭcè Aspirito Tcahtĭ ḿè, manè̄ Kib́ĭcè Aspirito Tcahtĭ ḿî dèdòhmăi thĭ d́ŏ dèhlô̆htage amu dini anikhĭ nu.

1 Zowănnī 3:1

Tcabò̄ Apa b́èlò̄gè wa pwedè̄! Cè b́èlò̄sôgè wa pwĕ acab́ô̆ wò mò tanigè akè b́è jo Kib́ĭcè Aphoali nu—kî wî ḿîgè gōnu hŏ! Wî ḿîgè gōnu akhoacè̆ lākho dî thîhè̆gè wa ńò, kî zî dî thîhè̆ Kib́ĭcè ńò ńò.

1 Zowănnī 3:10

Gōnu akhoacè̆ ge bēpha zakò̆ Kib́ĭcè Aphoali kî Mod́èlî azo. Bija htè adîdî̄dahma ńò ḿîwî, atè b́èlò̄ athè̆buwe ńò ḿîwî tòcò nu, zî dî ḿî Kib́ĭcè apho ńò.

1 Zowănnī 3:2

B́èlò̄ pholi tòcò, khŏnujo wî ḿî Kib́ĭcè aphoali, barasă wî gî̄ ḿî bija cadè̄ nu khŏnujo dè tè d́è̆lî̄ tèpwè wa hnî̆ńò. Dè htè wî thîhè̆ ḿî ajo; b́ĕ Krĭstu b́è d́è̆lî̄hta nu, wa gā lakò̆ Cè, manè̄ d́ō wa gā tcahtîkò̆ Cè acab́ô̆ Cò ò khŏnujo nu.

1 Zowănnī 4:13

Wî thîhè̆ ladîlase tèpwè htè wò òkô Kib́ĭcè akă kî Cò òkô wa kă kă, manè̄ d́ō Ci ilagè wa Zî Spirito.

1 Zowănnī 5:10

Mègōnu d́ō, bija htè ab́u Kib́ĭcè Apho tòcò nib́ègè Kib́ĭcè thè̆ne adèkhathè̆thî d́ŏ ca tha abu nu; barasă bija htè atu b́u Kib́ĭcè ńò tòcò nu, mè Kib́ĭcè acab́ô̆ bwèplè d́ŏ Cò d́ò̆sa lōwa Zo Pho awîakè̆ nu; manè̄ d́ō cu tu b́u Kib́ĭcè Apho htè Pa thè̆ne kha thè̆thî dèbwè ńò acè̆ nu.

Dèd́è̆lî̄ 21:7

Bija htè anoabèdè tòcò anikhĭ dèmònib́è ḿî ajo lò. Jî gî̄ ḿîb́è cî B́ĭcè kî zi gî̄ ḿîkò̆ Jo pho.