24 Ḿî ad́ò wa nikhĭ papa. Manè̄ d́ō, d́ŏ wu b́u Cè htè ab́awè̄htoge B́ĭcè Jezŭ d́ŏ dèthĭklè̆ dèbwè nu akhoacè̆ lò.
Bija ab́u kî anib́è dèŭsab́ăhtĭ tòcò gô̄ hlô̆htakò̆, ḿî atu b́u ńò tòcò keb́èkò̆ dècirra.
Barasă Kib́ĭcè b́awè̄htoge Cè d́ŏ dèthĭklè̆ nu.
Barasă Kib́ĭcè b́awè̄htogegè Cè, Kib́ĭcè b́ăplè gòthògè Larrā adèothootha, manè̄ Cè tè b́è cŏglo hme Larrā acukhòbu ńò akhoacè̆ nu.
Jezŭ ajo dèbwè nu Kib́ĭcè b́awè̄htoge Cè kî wî ḿî lŏ akhathè̆thî tòcò nu.
Manè̄ thĭ nib́è htŏ dèaḿăkhai thĭ nikhĭ kî thĭ pho thĭ li htè aòjîòzo tòcò kè̄ b́è jolekò̆ d́ŏ Kib́ĭcè thè̆ne ò nu,” cò d́ò lōwa tòcò do.
Zo kho cè cè̆ lò, thĭ b́ugè Kib́ĭcè htè ab́awè̄htoge Krĭstu d́ŏ dèthĭ aklè̆, kî igè Cè dèdòdèthe ajo akhoacè̆. Cab́ô̆htè thĭ ku b́u kî gā sascĭibò̄ Kib́ĭcè nu.