Philippiăno 3:10 - Geba Roman New Testament

¹⁰ Dè htè ja thaèni ḿî dèthîhè̆ Krĭstu kî dèthîhè̆ dèhtaboge acô̆thèlè̆, dèkhazo nikhĭ Zè dèkhab́èjab́è tòcò nu, kèhta bija alăkî cè d́ŏ dèthĭ abu,

Philippiăno 3:10 ပူးပေါင်းရင်းမြစ်များ

Mattĕo 20:23

Cò d́ò lōwa tòcò, “Jò còlò nu thĭ kò ò̆b́èkò̆ hŏ; barasă aki i thĭ sańă Ju cukhò adèhtwè dòkhò̆ ḿîwî, atîcî dòkhò̆ ḿîwî nu atè b́èkja Jè ńò, agā sańăòb́è ḿî bija htè Apa prahnè htŏ anikhĭ tòcò nu.”

Zowănnī 10:18

Bija dî phîkè̆ thĭwī za Ja thathôḿô̆ dèbwè̆ ńò. Jò ò kî dèkhwèdèja d́ŏ Jî gī ilakè̆, kî Ji gī phîge Jè è̆ lò. Dè ajo ḿî Ja Pa hmèlagè Jè d́ŏ agè̄ mèb́è dèdè̆ nu.”

Zowănnī 17:3

Ajo ḿî dèò alahtŭlablo cab́ô̆htè bija tòcò gî̄ thîhè̆ Nè, Kib́ĭcè adî̄ahma dèbwè nu, kî Jezŭ Krĭstu, No thodŏlegè dèbwè nu.

Rŏma 8:17

Kî wî gî̄ ḿî ma Kib́ĭcè aphoali d́ō, wi gī nib́è tèpwè dèilage, Kib́ĭcè kî Krĭstu adèilage apho tòcò nu. Manè̄, wa khaplob́è Krĭstu Zè dèssègnè̆bòdò kî wi nib́èplo Zò dò Ze the.

Rŏma 8:29

Cè tòcò nu ḿî bija htè Kib́ĭcè rôhlègè hlĕ hlemo agī phî̆htab́è Zo Pho ahô̆agèlè, cab́ô̆htè Zo Pho gî̄ ḿîbò̄ thè̆buwe òèòò aklè̆ Adobwe dèbwè nu.

Rŏma 8:36

Acab́ô̆ Cè Tcahtĭ aḿăkhaigè nu; “No kho Nè cè̆, wè b́è mèthĭ gŏ ani lò; Bija htegè wa cab́ô̆htè thŏ akè b́è mèthĭ tòcò nu.”

2 Kòrĭn 1:10

Kîd́ò̆ Zè mèhlô̆htage wa d́ŏ dèthĭklè̆, kî alekă Zè gè̄ mèhlô̆htage we wa; hmahŏ, wa sascĭi hmehmecece Cè d́ŏ Zè gè̄ mèhlô̆htagekò̆ wa tapla be,

2 Kòrĭn 1:5

Acab́ô̆ wa khab́èplo Krĭstu d́ŏ Zè dèbadèsè̆ adozî̄ akhò̆ nu, wi nib́èkô Kib́ĭcè adèmèzo adoamu d́ŏ Krĭstu acè̆ nu nu.

2 Kòrĭn 13:4

Manè̄, Cè b́è htalaglothĭgè Krusu alò d́ŏ dèkhozeăze abu, nòthò̆ hnò̆nu, Cò ò thôḿô̆we d́ŏ Kib́ĭcè adèkhodèă abu nu. D́ŏ dèlè̄plohta we ne kî Cè abu nu wa ḿî ḿî wo khozeăze lò. Ḿî thĭ nikhĭ wò kò ò thôḿô̆ plokò̆ Cè d́ŏ Kib́ĭcè adèkhodèă abu nu.

Galatiăno 2:20

Kî khŏnujo jò òkî ja tha athôḿô̆ jo, tè b́è jè dèò ńò, ḿî Krĭstu aò d́ŏ ju bu dèbwè adèò dòkhò̆. Jè dèòthôḿô̆ khŏnujo ḿî dèb́u Kib́ĭcè Apho htè ab́èlò̄ jè kî aila athathôḿô̆ ji nikhĭ dèbwè abu nu.

Galatiăno 6:17

Ja thaè d́ò alekăgudŭ ḿî Ja da thaèni be dèbadèsè̆ d́ŏ bija ò dèbwè̆ ńò. Manè̄ d́ō, dèbulebukle aò je neb́î̆cè alò tòcò d́è̆lî̄hta d́ŏ jî ḿî Jezŭ Krĭstu azô lò.

Ephè̆sus 4:13

Mègōnu d́ō, wa lŏcăcè gè lè̄plohtakò̆ we ne d́ŏ dèb́u domo lò abu kî d́ŏ dèthîhè̆ ladi Kib́ĭcè Apho abu; wî gî̄ phî̆htakò̆ bija adohtabwehta, kî htôhta htab́akò̆ Krĭstu adèpĕhtazòhta ahnèd́ă nu.

Philippiăno 3:8

Tè b́è htĕ dè anu tòcò lò ńò, jè bè̄la dèlŏcăcè acab́ô̆ dèsudèṕa ji nikhĭ lŏklikli, kî dè alīdobwîthè̆ d́okhlŏ ji nikhĭ ḿî dèthîhè̆ jî B́ĭcè Jezŭ Krĭstu nu. Je hwĕphlòḿĭgè dèlŏcăcè d́ŏ zo kho zè cè̆ lò. Jè bè̄ dèlŏcăcè acab́ô̆ dègodō ahmĭtherĕ nu, cab́ô̆htè ji gī nib́èbò̄ Krĭstu anikhĭ,

Kòlò̆ssia 1:24

Khŏnujo d́ŏ thĭ nikhĭ ju dub́èkhab́è akhoacè̆, athaganāi jè lò. Manè̄, je neb́î̆cè adèdub́èkhab́è jo ḿî jè mè pĕhtazòhta dè alahlî̆laphlègè ab́èkja Krĭstu anebî̆cè adèdub́èkhab́è d́ŏ Zè dèòplo anikhĭ nu.

Kòlò̆ssia 2:13

Hlĕ aŭsu nu, d́ŏ thĭ dèkhòwè acè̆ kî thĭ ḿî bwèthŭkupho htè adèthôdèthò̆ tò ò ńò acè̆, thĭ ḿî bija athĭgè d́ŏ Spirito Tcahtĭ nu. Barasă khŏnujo, Kib́ĭcè b́awè̄htoge thĭ ploplo kî Krĭstu d́ŏ dèthĭklè̆ nu.

Kòlò̆ssia 3:1

Thĭ b́è dèb́awè̄sò̆htoge d́ŏ dèthĭklè̆ ploplo kî Krĭstu acè̆ d́ō, thaènibò̄ dè ab́èkja Mò̄kho htè b́ĕ Krĭstu sańăla ò d́ŏ Za nā abu d́ŏ Kib́ĭcè acudèhtwè dòkhò̆ nu.

1 Petru 1:3

Htăhtaibò̄ wî Kib́ĭcè kî B́ĭcè Jezŭ Krĭstu Apa, B́ĭcè Pa! Dŏ Zè dèkhòwèhmòb́è adogudŭ acè̆, ilagè wa dèò athè̆ d́ŏ Ca b́awè̄htoge Krĭstu dèthĭ aklè̆ acè̆ nu. Dè ajo mèṕĕhtai wa dèsascĭi athôḿô̆,

2 Petru 1:13

Jò òwe dètcahtĭ alle abu athŭtherĕ jè kè̄ b́è htowè̄htosò̆ thĭ jo gomo do.

1 Zowănnī 2:3

Wò òi Kib́ĭcè adèhmèla khaĺè, wò d́ò zakò̆ wî thîhè̆ Kib́ĭcè.

1 Zowănnī 2:5

Barasă bija dèbwèbwè gò̄ sòkhĕńe ma Zè lē zè hwè d́ō, Kib́ĭcè adèb́èlò̄ pĕhta d́ŏ Zò lò nu. Wò d́ò ladîlase za tèpwè htè Cò ò d́ŏ Kib́ĭcè abu nu.

Dèd́è̆lî̄ 1:18

Jî ḿî aòthôḿô̆ dèbwè. Ji thĭgè kî khŏnujo jò kò̄ ò thèjô̆ kî lahtŭlablokò̆, kîd́ò̆ jô ò kî dècô̆dèthèlè̆ d́ŏ dèthĭ kî halè̄ akho lò.