အွန်လိုင်း သမ္မာကျမ်းစာ

« အရင်

နောက်တစ်ခု »

Ephè̆sus 5:2 - Geba Roman New Testament

² Cab́ô̆ Krĭstu b́èlò̄ wa kî Ci ilagè Ca thathôḿô̆ wi nikhĭ acab́ô̆ dèhluhnŭẃi htè ab́è Kib́ĭcè atha akhò̆ nu, thĭ kò òib́è dèb́èlò̄thòklè̆.

အခန်းကိုကြည့်ပါ။ ကော်ပီ

« အရင်

ပြန်တက်သွားပါ။ ⬆

နောက်တစ်ခု »

Ephè̆sus 5:2
54 ပူးပေါင်းရင်းမြစ်များ

Mattĕo 20:28

Gōnu akhò̆, Bija Apho da lagè cab́ô̆htè bija gā khazô Cè nu ńò, ḿî cab́ô̆htè Za gā khazô bija kî Ci kī ila Ca tha bija òè̆bwè adèbwîge anikhĭ nu.”

အခန်းကိုကြည့်ပါ။

Zowănnī 13:34

Ji ilani thĭ dèhmèla athè̆ dèdè̆; b́èlò̄hlèbò̄ lōwa dèbwè kî dèbwè. Acab́ô̆ Jè b́èlò̄gè thĭ nu thĭ kè b́èlò̄hlè lōwa dèbwè kî dèbwè.

အခန်းကိုကြည့်ပါ။

Zowănnī 6:51

Jî ḿî dèòtoko htè aò d́ŏ Mò̄kho ala nu. Kî gajă bija a atoko ajo nu, kò ò thôḿô̆ lahtŭlablo b́èkò̆. Toko htè Ji kî i thĭ ḿî Jî hî htè Lākhopho adèò anikhĭ nu,” Cò d́ò̆sagè lōwa tòcò do.

အခန်းကိုကြည့်ပါ။

Rŏma 15:16

Zè lēhtagè jè Jezŭ Krĭstu aphŭgi kî jè gè̄ mèib́è ju phŭgi adèphîdèmè d́ŏ dèlle ilani bwèthŭkupho tòcò Kib́ĭcè Adèthalōthalai Awîakè̆ kî amèphî̆hta cè tòcò dèhluhtai amò phîni d́ŏ ab́è mètcahtĭ htŏ kî Spirito Tcahtĭ tòcò nu.

အခန်းကိုကြည့်ပါ။

Rŏma 4:25

D́ŏ wè dèkhòwè tòcò akhoacè̆, Cè b́è ilakè̆ d́ŏ dèthĭ, kî Cè b́è b́awè̄hto thôḿô̆htage cab́ô̆htè Zè gè̄ mèwîmètcahtĭge wa anikhĭ nu.

အခန်းကိုကြည့်ပါ။

Rŏma 8:3

Dè d́ŏ phehî adèhmèla adèmè kèhta ńò nu, Kib́ĭcè mègè. Kib́ĭcè thodŏlegè Zo Pho agî̄ phînigè dèneb́î̆cè htè dèkhòwè phîgloi nu akhoacè̆, Zi cirrathĭgè dèkhòwè.

အခန်းကိုကြည့်ပါ။

Rŏma 8:37

Ajo ḿî dèb́ètha htè wo no wè bèkô akholè̄kălè̄, d́ŏ ab́èlò̄ wa dèbwè abu nu.

အခန်းကိုကြည့်ပါ။

1 Kòrĭn 16:14

Mèbò̄ thĭ dèmè lŏcăcè d́ŏ dèb́èlò̄thòklè̆ abu nu.

အခန်းကိုကြည့်ပါ။

1 Kòrĭn 5:7

Mègōnu d́ō, phîkè̆bò̄ gimi alila cab́ô̆htè thĭ gî̄ plî̆ gā tcăbò̄ nu, kî mèbò̄ thĭ ne toko athè̆ ta d́akŏ, htè gimi ta pakô ńò nu. Krĭstu, wa Păskwa Thŏ b́è hluhtai hwă htŏ,

အခန်းကိုကြည့်ပါ။

2 Kòrĭn 2:14

Barasă, htăhtaibò̄ Kib́ĭcè ahluată. Manè̄, Krĭstu Adènodèbè dèkhapwè̆khala asŏakhè̆ nu B́ĭcè thè̆le thèjô̆ wa acab́ô̆ ab́èphòb́ècŏ tòcò, ploplo kî Krĭstu akhoacè̆ nu. Zò sòthŏi wa acab́ô̆ wa gè̄ kèhtabò̄ Krĭstu adèhnŭẃi d́ŏ alle dagwālè̄ nu.

အခန်းကိုကြည့်ပါ။

2 Kòrĭn 2:15

Manè̄ kò̄ d́òdo dō, wî ḿî acab́ô̆ dèhnŭẃi htè Krĭstu hluhta d́ŏ Kib́ĭcè aò, htè ahnŭẃi ni dagwālè̄ bija anib́è htŏ dèhlô̆htage tòcò kî bija htè ahèkè̆hlè̆mè̄ tòcò nu.

အခန်းကိုကြည့်ပါ။

2 Kòrĭn 8:9

Gomohtanibò̄ B́ĭcè Jezŭ Krĭstu athahlò̆kò̆ pwedè̄ nu. Zî ḿî ajèdā, ḿî thĭ nikhĭ Zè ssègnè̆gè, cab́ô̆htè d́ŏ Zè dèssègnè̆ abu, Zè gè̄ mè jèdābò̄ thĭ nu.

အခန်းကိုကြည့်ပါ။

Galatiăno 1:4

Krĭstu ilagè ane d́ŏ wè dèkhòwèkhòkha tòcò anikhĭ, cab́ô̆htè Zè gè̄ mèhlô̆htagebò̄ wa b́ĕ dèkî̆kkèmèhlò̆ asŏakhè̆ khŏnujo d́ŏ dèsòkhĕńe wî B́ĭcè Pa adèthaèni abu nu.

အခန်းကိုကြည့်ပါ။

Galatiăno 2:20

Kî khŏnujo jò òkî ja tha athôḿô̆ jo, tè b́è jè dèò ńò, ḿî Krĭstu aò d́ŏ ju bu dèbwè adèò dòkhò̆. Jè dèòthôḿô̆ khŏnujo ḿî dèb́u Kib́ĭcè Apho htè ab́èlò̄ jè kî aila athathôḿô̆ ji nikhĭ dèbwè abu nu.

အခန်းကိုကြည့်ပါ။

Ephè̆sus 1:4

Hlĕ Lākho dukhlŭ òhta hnî̆ńò nu, Kib́ĭcè rôhtagè wa cab́ô̆htè wa gā tcă gī htĭ kî gô̄hlô̆gālabò̄ dèkèḿè d́ŏ Zò hlò̆mò̄ nu.

အခန်းကိုကြည့်ပါ။

Ephè̆sus 3:17

Jè thèb́è̆hta tèpwè thĭ nikhĭ, cab́ô̆htè Krĭstu kò̄ òbò̄ d́ŏ thĭ thabu, d́ŏ thĭ dèb́u Cè abu nu kî thĭ gō colabò̄ thĭ khawi kî sola thĭ ne d́ŏ dèb́èlò̄thòklè̆ abu anikhĭ nu,

အခန်းကိုကြည့်ပါ။

Ephè̆sus 3:19

Thĭ gî̄ thîhè̆b́èkò̆ Kib́ĭcè adèb́èlò̄, htè bija dî thîhè̆htô za ńò nu, cab́ô̆htè thĭ kè̄ b́è mè pĕhtazòhta kî Zè dèpĕdèzò lŏcăcè anikhĭ nu.

အခန်းကိုကြည့်ပါ။

Ephè̆sus 4:15

Ḿî d́ŏ dèjî̄b́è adî̄ahma kî dèb́èlò̄ abu, wè kè̄ b́è dohta d́ŏ klè kô̆ ab́ò̆ d́ŏ aḿî dè akho, Krĭstu abu nu.

အခန်းကိုကြည့်ပါ။

Ephè̆sus 4:2

Sala thèjô̆bò̄ thĭ ne, òibò̄ dèb́îdèjū kî dèkhòthad́ò̆wî̄thazô. D́è̆lî̄bò̄ thĭ Dèb́èlò̄hlè lōwa dèbwè kî dèbwè d́ŏ dèthazô abu nu.

အခန်းကိုကြည့်ပါ။

Ephè̆sus 5:15

Gōnu akhoacè̆, sòiwoibò̄ thĭ dèò. Mèbò̄ ḿè acab́ô̆ bija agudunapă tòcò mè nu ḿè. Ḿî òibò̄ dèzadèbla.

အခန်းကိုကြည့်ပါ။

Ephè̆sus 5:25

Awa tòcò, b́èlò̄bò̄ thĭ hmè̆ acab́ô̆ Krĭstu b́èlò̄ adèòplo kî ilagè atha akhò̆ nu.

အခန်းကိုကြည့်ပါ။

Philippiăno 4:18

Mègōnu d́ō, ajo ḿî cèkăklè htè ji nib́è thĭ dèila jè lŏcăcè anikhĭ, kîd́ò̆ aḿîgè dè aòè d́olĭ kî jo lobagè tòcò nu. Khŏnujo, ji nib́ègè dèlŏcăcè, d́ŏ Epaphròdĭtus le thè̆ ni jè thĭ dèi tòcò akhoacè̆, dè aloba ji nikhĭ tòcò ò pĕhtazòhta htŏ tèpwè. Dè ajo tòcò mè acab́ô̆ dèhluhnŭẃi d́ŏ ab́èhluhtai Kib́ĭcè ò, htè ab́ètha Cè kî amèmòtha Cè nu.

အခန်းကိုကြည့်ပါ။

Kòlò̆ssia 3:14

Dè ajo tòcò nu, lè̄plo kî thĭ dèb́èlò̄, htè ab́ôgloploi kè d́ŏ dèjīdèd́wă apĕazò nu.

အခန်းကိုကြည့်ပါ။

1 Thèssalò̆nika 4:9

Ab́èkja dèb́èlò̄ thè̆buwe ab́uge dè nu, amò hweni thĭ cè ale tò ò tèpwè ńò. Thĭ thè̆ne thĭ thîhè̆ tèpwè Kib́ĭcè thèhlô̆ htŏ thĭ htè thĭ kè b́èlò̄hlè lōwa cadè̄ nu.

အခန်းကိုကြည့်ပါ။

1 Timò̆theo 2:6

htè ailagè ane d́ŏ bija Lākhopho lŏcăcè kè̄ b́è bwîge anikhĭ nu. Anu ḿî dèd́è̆lî̄hta ab́èsŏb́èkhè̆ htè Kib́ĭcè thaèni bija lŏcăcè gô̄ dèhlô̆htage nu.

အခန်းကိုကြည့်ပါ။

1 Timò̆theo 4:12

Ibò̄ ḿè bija tcadalakă nè d́ŏ nî ḿî athaze acè̆ dèbwè̆ ḿè. Ḿî kèhtabò̄ bija ab́udè tòcò anikhĭ dètcahlô̆tcad́ò̆i d́ŏ nè dèjî̄b́èdòdò, dèphîdèmè, dèb́èlò̄thòklè̆, dèb́udènè kî dèthowîthatcă abu nu.

အခန်းကိုကြည့်ပါ။

Tĭto 2:14

Ci ilagè Ze neb́î̆cè d́ŏ wi nikhĭ cab́ô̆htè Zè gè̄ mèhlô̆htage wa d́ŏ dèkî̆kkèmèhlò̆ lŏcăcè, kî Za gā hna kèhta wa bija dikhwĭ htè aòwîòtcă kî ab́èkja htĕ Cè dèbwè lò, kî athasô d́ŏ dèmè awîaè tòcò nu.

အခန်းကိုကြည့်ပါ။

Hebrè̆u 8:3

Phŭgima gŏ abwè gū hluhtaib́è Kib́ĭcè adèhlu d́ō, ajo dèbwè ḿî ḿî adèhluhtai kò òb́è b́è.

အခန်းကိုကြည့်ပါ။

Hebrè̆u 9:14

Krĭstu htè ahluhta aneb́î̆cè d́ŏ Spirito Tcahtĭ alahtŭlablo dèbwè athwi nu, agè̄ mèwîmètcă d́okhlŏkò̆ wa pwedè̄ lò! D́ŏ Spirito Tcahtĭ htè athôḿô̆ lahtŭlablo nu, Zu hluhtai Ze ne acab́ô̆ dèhluhta apĕazò d́ŏ Kib́ĭcè nu. D́ŏ nud́ò̆ adèphîdèmè tòcò ḿî ada wanè ńò acè̆, Ci thwi gè̄ mèwîmètcăkò̆ wa tha adèthîhè̆, kî wè gè̄ mè zakò̆ Kib́ĭcè aòthôḿô̆ dèbwè adèmè nu.

အခန်းကိုကြည့်ပါ။

Hebrè̆u 9:23

Ajo tòcò ḿî dèd́è̆lî̄ ab́èkja Mò̄kho agèlè, htè ab́è mèwîmètcăb́ègè cadè̄ nu. Ḿî dèhlu ahtajî d́okhlŏ domo htè Cè thè̆ne lenī Kib́ĭcè ahlò̆mò̄ wi nikhĭ nu.

အခန်းကိုကြည့်ပါ။

Hebrè̆u 9:26

Dî ḿî ńò d́ō, Cu kū hluhtaib́è Ze ne aplă kî apla hlĕ Lākho òhta nu. Ḿî khŏnujo b́ĕ dè akhî kŭdu b́ôhtîhtagè jo nu, Cè d́è̆lî̄hta Ze ne bija lŏcăcè anikhĭ tapla lò, cab́ô̆htè Zî gî̄ phîkè̆ dèkhòwè d́ŏ Zè dèhluhta Ze ne nu.

အခန်းကိုကြည့်ပါ။

1 Petru 4:8

Aŭsu ḿî b́èlò̄hlèbò̄ lōwa, manè̄ d́ō, dèb́èlò̄ b́ò̆b́i dèkhòwè pwĕdimi acè̆ nu.

အခန်းကိုကြည့်ပါ။

1 Zowănnī 3:16

Wî thîhè̆ htŏ dèb́èlò̄ ḿî danè̄ nu, d́ŏ Cè b́èlò̄ wa akhoacè̆, Ci thĭ nikhĭgè wa nu; gōnu akhò̆, wa ḿî ḿî wò mò ilaphlòḿĭ wa tha wè thè̆buwe tòcò anikhĭ khĭ.

အခန်းကိုကြည့်ပါ။

1 Zowănnī 3:23

Kîd́ò̆ ajo ḿî Zè dèhmèla htè thĭ gū b́ubò̄ Zo Pho Jezŭ Krĭstu ami, kî b́èlò̄hlèbò̄ lōwa acab́ô̆ Ci ilagè wa dèhmèla nu.

အခန်းကိုကြည့်ပါ။

Dèd́è̆lî̄ 1:5

kî d́ŏ Jezŭ Krĭstu htè aḿî thè̆thî ahmeaglo aòla ŭsu dèthĭ aklè̆, Lākho thèd́è̆b́è Asaphra dèbwè adèjīdèd́wă kè̄ b́è d́ò̆è thĭ. Cè b́èlò̄ wa kî Cu ŭsab́ăgè wa kî Ci thwi,

အခန်းကိုကြည့်ပါ။

Dèd́è̆lî̄ 5:9

Cè tòcò thăbô̄ dèthăbô̄ athè̆; cò d́ò, Nè ḿî atani agî̄ phî cèhtŭ kî agò̄ htotab́ăkè̆ dèzwî̄la tòcò nu, d́ŏ nè b́è mèthĭgè akhoacè̆ nu, kî d́ŏ ni thwi abu nî bwîgegè wa Kib́ĭcè anikhĭ, d́ŏ bija akhwĭ gŏ akhwĭ, alēahwè, htĭge gŏ aghe kî bija gŏ athara aklè̆ akhoacè̆ nu.

အခန်းကိုကြည့်ပါ။

ကြှနျုပျတို့နောကျလိုကျပါ:

ပံ့ပိုးပေးထားသော လင့်ခ်များ

ကြော်ငြာတွေ

ကြော်ငြာတွေ