Ephè̆sus 4:16 - Geba Roman New Testament

¹⁶ D́ŏ Zu bu, dè asŏ agla lŏcăcè b́è d́òj́ăb́uwè̄glogè ale kî ale, d́ŏ dèneb́î̆cè alò, htè amèzo hlè lōwa nu. Kîd́ò̆ b́ĕ asŏ agla dagla kî dagla mè adèmè nu, dèneb́î̆cè thèd́è̆bwè b́òdohtai ane kî dèb́èlò̄ lò.

Ephè̆sus 4:16 ပူးပေါင်းရင်းမြစ်များ

Zowănnī 15:5

“Jî ḿî thobiscimu kî thĭ ḿî amēaphă lò. Bija aò Ju bu kî Jò abu dèbwè nu, gè̄ thèhtaphò̆htakò̆ pwĕdimi; ḿĭdîḿî d́ŏ Jè ńò nu, thĭ dè mè za da dimĭ ńò.

Rŏma 12:4

Acab́ô̆ we neb́î̆cè tôklô̆ òi cud́ĕ khabò̄ amŏamo akhò̆,

1 Kòrĭn 10:17

Toko dèhmèla ahtabohtab́ă ḿî, wò òèòò nòthò̆ wî ḿî dèneb́î̆cè dèdè̆ lò akhoacè̆ nu.

1 Kòrĭn 13:13

Khŏnojo, dè aò thèj́ô̆ ḿî thŏ mo; dèb́u, dèsascĭi, kî dèb́èlò̄; kî d́ŏ aklè̆ adokhlŏ ḿî dèb́èlò̄ lò.

1 Kòrĭn 8:1

Khŏnujo gā tca caḿa bija mèd́ui bwèjò dèhîdèb́a awîakè̆ nu. Ab́è tèpwè, htè cè tòcò d́ò, “Wa gŏ abwè thîhè̆ tèpwè ab́èkja dè ajo nu.” Barasă d́ō, dèthîhè̆ mèhtajî bija thwi. Ḿî dèb́èlò̄ mèni dèlehtalehtô̆.

Galatiăno 5:22

Spirito Tcahtĭ adèila ḿî acòklîlasă; dèb́èlò̄, dèmòdèma, dècodèkhli, dèkhòthad́ò̆wî̄thazô, dèthowîthamò, dè è dè ò̆, dèdî̄dèhma,

Galatiăno 5:6

Manè̄ d́ō, d́ŏ Jezŭ Krĭstu abu nu, nè b́è dèhô̆rîkî̆ aphekhĭ ḿîwî, nè tè b́è ńò ḿîwî, akhlŏhtamame tò ò tèpwè dimĭ ńò, ḿî dèb́u wò òi wa thabu d́ŏ dèb́èlò̄ abu nu.

Ephè̆sus 1:4

Hlĕ Lākho dukhlŭ òhta hnî̆ńò nu, Kib́ĭcè rôhtagè wa cab́ô̆htè wa gā tcă gī htĭ kî gô̄hlô̆gālabò̄ dèkèḿè d́ŏ Zò hlò̆mò̄ nu.

Ephè̆sus 3:17

Jè thèb́è̆hta tèpwè thĭ nikhĭ, cab́ô̆htè Krĭstu kò̄ òbò̄ d́ŏ thĭ thabu, d́ŏ thĭ dèb́u Cè abu nu kî thĭ gō colabò̄ thĭ khawi kî sola thĭ ne d́ŏ dèb́èlò̄thòklè̆ abu anikhĭ nu,

Ephè̆sus 3:7

Jè b́è mèphî̆htagè Vanzĕlō akhî̆abwè d́ŏ Kib́ĭcè ilani lasă, amèdè ò kî dècô̆thèlè̆ d́ŏ ju bu nu.

Ephè̆sus 4:12

Zè mè dè ajo ḿî cab́ô̆htè Ca ka prahnèdòlò Kib́ĭcè abija lŏcăcè agè̄ mè Krĭstu adèkhî̆dèbwè adèmè kî gè̄ mèlehtalehtô̆ Krĭstu anebî̆cè anikhĭ nu.

Ephè̆sus 4:15

Ḿî d́ŏ dèjî̄b́è adî̄ahma kî dèb́èlò̄ abu, wè kè̄ b́è dohta d́ŏ klè kô̆ ab́ò̆ d́ŏ aḿî dè akho, Krĭstu abu nu.

Philippiăno 1:9

Jè thèb́è̆dahta thĭ nikhĭ cab́ô̆htè thĭ dèb́èlò̄, dèthîhè̆ dèdî̄dèhma gō dohta derederebò̄ anikhĭ, khaĺè thĭ gē bēphad́apha zakò̆ dè ab́è kî atè b́è ńò,

Kòlò̆ssia 2:19

Cè tòcò tò d́ògòdòi Krĭstu cab́ô̆ aḿî zè dèneb́î̆cè ako, htè ahtôimāi neb́î̆cè thèd́è̆bwè phod́ògloi amē kî awiahtrô tòcò, kî amè dohta dèneb́î̆cè acab́ô̆ Kib́ĭcè adèthaèni ò adĕ be ńò.

Kòlò̆ssia 2:2

Jè mè dè ajo ḿî acab́ô̆ cè tòcò kò ò pĕhtazòhta kî dèthakhŭthahè̆, kò òbò̄ dèthalajīplo d́ŏ dèb́èlò̄thòklè̆ abu, kî gī nib́è dèlīdobwîthè̆ adèaḿăkhai apĕazò, htè dèhtî̆nigô̄ni adî̄ahma lei nu. D́ŏ dèjo abu, cè tòcò gî̄ thîhè̆kò̆ Kib́ĭcè adèhudèb́i, htè aḿî Krĭstu thè̆ne nu.

1 Thèssalò̆nika 1:3

B́ĕ wa thèb́è̆dahta gŏ apla nu, wo gomohtani thĭ dèb́udènè kî thĭ dèb́èlò̄ htè ahnanosòkă thĭ agè̄ mèdè thĕbwethîlî̆, kî thĭ dèsascĭd́ògodòi wî B́ĭcè jezŭ Krĭstu òhmeòglo tèpwè nu.

1 Thèssalò̆nika 2:13

Dè alewe domo ḿîwî thîhè̆htage ma Kib́ĭcè thèjô̆ nè nu. B́ĕ we lei thĭ B́ĭcè Adèthalōthalai Awîakè̆ nu, thĭ thîhè̆ kî thĭ phînigè, cab́ô̆htè aò d́ŏ Kib́ĭcè ò alagè nu, kî tè b́è acab́ô̆ aò bija ò ala ńò nu. Manè̄ d́ō, Kib́ĭcè mèdè d́ŏ thĭ ab́udè tòcò abu acè̆ nu.

1 Thèssalò̆nika 3:12

Kib́ĭcè ki ilanibò̄ thĭ dèb́èlò̄ hlè lōwa kî dèb́èlò̄ bija lewe tòcò gō dohta d́olĭ kî ale, kî agā jāthôkî wè dèb́èlò̄ thĭ nu.

2 Thèssalò̆nika 1:3

Thè̆buthè̆we tòcò, wò mò d́òhlud́òtă Kib́ĭcè d́ŏ thĭ kho thĭ cè̆ thèjô̆ lò. Wò mò mè tèpwè gōnu hŏ. Manè̄, thĭ dèb́udènè dohtasô, thĭ dèb́èlò̄thòklè̆ hlè lōwa dèbwè kî dèbwè sôhtahta.

1 Timò̆theo 1:5

Dèhmèla ajo ḿî cab́ô̆htè agò̄ htowè̄ dèb́èlò̄ òhta d́ŏ dèthowîthamò, dèthotcăthatcă, , kî dèb́u ahnèhnè abu lò.

1 Petru 1:22

Thĭ sòkhĕńe htŏ dèdî̄dèhma kî mèplî̆mètcă htŏ thĭ tha htŏ. Thĭ b́èlò̄hlè lōwa acab́ô̆ thè̆buthè̆we ahnèhnè nu.

1 Zowănnī 4:16

Kî wa thè̆ne thîhè̆ kî b́u htè Kib́ĭcè adèb́èlò̄ òkô wa kă lò. Kib́ĭcè ḿî dèb́èlò̄ kî bija aò dèb́èlò̄ abu tòcò ò d́ŏ Kib́ĭcè abu kî Kib́ĭcè ò d́ŏ zu bu nu.