အွန်လိုင်း သမ္မာကျမ်းစာ

« အရင်

နောက်တစ်ခု »

Ephè̆sus 1:18 - Geba Roman New Testament

¹⁸ Ja dadè cab́ô̆htè thĭ tha adètcahtî gî̄ hlî̆hta kî tcahtîbò̄ Zè dèhlî̆, thĭ gî̄ thîhè̆bò̄ Zè dèjo thĭ ḿî dèsascĭi da anikhĭ nè kî dèhôwî Co ŏlăgè Ci ki i Za bija tòcò nu alīdobwîthè̆gè pwedè̄,

အခန်းကိုကြည့်ပါ။ ကော်ပီ

« အရင်

ပြန်တက်သွားပါ။ ⬆

နောက်တစ်ခု »

Ephè̆sus 1:18
49 ပူးပေါင်းရင်းမြစ်များ

Mattĕo 13:15

Manè̄ kò̄ d́òdo dō, bija ajo tòcò atha sanida òjî̄gè, zi nigu hto òjî̄gè, kîd́ò̆ zi b́ila za gādŭ, cab́ô̆htè za gā da tcahtî kî za gādŭ ńò, dî ḿî ma ńò d́ō, za gādŭ gā tcahtî d́ò̆, zi nigu gî̄ thîhè̆ d́ò̆, kîd́ò̆ ca tha gā b́ăhta d́ò̆, ca gā d́ab́age d́ò̆ ze ne d́ŏ Jò ò nu, kî cè kè̄ b́è mèhmage d́ò̆, Kib́ĭcè d́ò do.’

အခန်းကိုကြည့်ပါ။

Mărko 10:17

B́ĕ Jezŭ hèkô klè nu, bija dèbwè cwèlehtî Cè, dōhnŏla Cò hlò̆mò̄ kî dè̆gè lōwa, “Sara aè, cab́ô̆htè ji gī nib́è dèthôḿô̆ lahtŭlablo nu, jè kè̄ b́è mè danè̄?”

အခန်းကိုကြည့်ပါ။

Lŭka 24:45

Mèhwă Ca b́ahlî̆hta lōwa tòcò adègomo, cab́ô̆htè zi gī thîhè̆bò̄ Cè Tcahtĭ nu.

အခန်းကိုကြည့်ပါ။

Thodŏpho 16:14

D́ŏ amihmu tòcò nu aklè̆ ami ḿî Lî̆dia ògè dèbwè, zî ḿî amihmu aòi dèthub́uthèb́è̆ kî abwîasè̆i dihwihtĭ alîhlo d́ŏ Thiatĭra u bu dèbwè nu. Zò sòkhĕńe wè dèd́ò̆htô kî Kib́ĭcè b́ahlî̆hta ca tha agî̄ phîni Păulu adèd́ò tòcò nu.

အခန်းကိုကြည့်ပါ။

Thodŏpho 26:18

Na ka b́ăhtab́èkò̆ zu mugādŭ cab́ô̆htè ca ka d́ab́age ze ne dèhlî̆ aklè̆ d́ŏ dèkhi abu nu, kî cò ò hwă d́ŏ Sătana acukhòbu, ze gē geb́ahtîbò̄ Kib́ĭcè kî nib́èbò̄ dèb́u d́ŏ jò ò, dèkhòwè adèb́ăplè kî ab́è mètcahtĭ tòcò anikhĭ dèila nu,’ cò d́ògè jè do.

အခန်းကိုကြည့်ပါ။

Rŏma 11:29

Kib́ĭcè dî phîge Zè dèila tòcò ńò kî Za da b́ăkhlè Zè dèrôhlè ńò ńò.

အခန်းကိုကြည့်ပါ။

Rŏma 2:4

Ḿî nè mèkè̆mèôgè Zè dèzwî̄dèè tòcò kî Zè dèkhòthad́ò̆wî̄thazô tòcò nu ā? Ḿî nî dî thîhè̆gè Kib́ĭcè adèkhòthad́ò̆ nè cab́ô̆htè na gā salabò̄ na tha nu ńò ā?

အခန်းကိုကြည့်ပါ။

2 Kòrĭn 4:4

Zî ḿî atu b́udè ńò d́ŏ Lākho ab́icè mèkhigè amūkă, amèd́îd́ă cè agā tcahtî Vanzĕlō adèhlî̆, ahlî̆lăi Krĭstu adòathe, htè aḿî Kib́ĭcè ahô̆agèlè dèbwè nu.

အခန်းကိုကြည့်ပါ။

2 Kòrĭn 4:6

Zî ḿî Kib́ĭcè thè̆ne htè ad́ò, “D́ŏ dèkhidènè aklè̆, dè ahlî̆ gî̄ hlî̆hta d́ò̆è!” anu ḿî B́ĭcè dèbwècè̆ htè ahlî̆lab́èhtŏ wa thabu, akè d́è̆lî̄ wa Kib́ĭcè adòathe htè aò d́ŏ Krĭstu amūkă alò nu dèdè̆ nu.

အခန်းကိုကြည့်ပါ။

Galatiăno 5:5

Ḿî kè tòcò jo nu, kè̄ b́è d́ò̆sa kî Kib́ĭcè aSpirito Tcahtĭ agā wāhlè dèb́u ailanigè dèsascĭi cò òsô̆wô̄igè tòcò nu.

အခန်းကိုကြည့်ပါ။

Ephè̆sus 1:11

Dèlŏcăcè mègè acab́ô̆ Kib́ĭcè adèglelapralahnè kî adèbè̄latha ò adĕ nu. Kib́ĭcè rôhtagè wa acab́ô̆ wè gè̄ kèhta Zi bija d́ŏ Krĭstu abu, hlĕ akhahtî be be lò.

အခန်းကိုကြည့်ပါ။

Ephè̆sus 1:7

D́ŏ Krĭstu athwi mèhlô̆htage wa akhoacè̆, wi nib́ègè dèkhòwè adèb́ahlô̆. Wè b́è mèhlô̆htagegè kî wè dèkhòwè b́è b́ăplègè, kî acab́ô̆ Kib́ĭcè òkî ahluată adoamu akhò̆,

အခန်းကိုကြည့်ပါ။

Ephè̆sus 2:12

B́ĕnu akhè̆ thĭ ḿîwe bija adòbò kî Krĭstu lò. Thĭ ḿî bwènīd́ò kî thĭ tè b́èkja bija htè Kib́ĭcè rôhta tòcò ńò. Dèhmèla htè Kib́ĭcè ila Za bijakhwĭpho anikhĭ nu, atè b́èkja thĭ ńò kî thĭ ò thôḿô̆ Lākho jo d́ŏ dèsascĭmulè̄ tò ò ńò abu kî d́ŏ dè dî thîhè̆ Kib́ĭcè ńò abu lò.

အခန်းကိုကြည့်ပါ။

Ephè̆sus 3:16

Ja dathè̆b́èhta Kib́ĭcè, apĕhtazòhta kî dèhĭdèhtè̆ dèbwè ki ilanibò̄ thĭ dècô̆dèthèlè̆ d́ŏ Kib́ĭcè aSpirito, cab́ô̆htè thĭ tha akhoaă gô̄ sôhtabò̄ anikhĭ nu.

အခန်းကိုကြည့်ပါ။

Ephè̆sus 3:8

Jî ḿî nòthò̆ ascipho d́olĭ bija tcăhtĭ asciphogudu hnò̆nu, Kib́ĭcè ila ladŭ jè akò d́ò̆htôlani bwènīd́ò tòcò ab́èkja Krĭstu dèlīdobwîthè̆ htè bija wāhlè do lō za ńò,

အခန်းကိုကြည့်ပါ။

Ephè̆sus 4:1

Jè, htè aladēnī dèkî̆dî̄ bu d́ŏ amè B́ĭcè adèmè akhoacè̆ dèbwè jo, ikhoiă thĭ cab́ô̆htè thĭ gè̄ mèhtajî thĭ dèòthôḿô̆ adò, cab́ô̆ Kib́ĭcè bè̄la akhò̆ b́ĕ Zo jo thĭ akhî nu.

အခန်းကိုကြည့်ပါ။

Ephè̆sus 4:4

We neb́î̆cè ḿî dèbwè lò, wò òi Kib́ĭcè Atha dèmè̆ lò acab́ô̆ Kib́ĭcè jogè kè d́ŏ dèmulè̄sascĭ domo lò anikhĭ nu.

အခန်းကိုကြည့်ပါ။

Ephè̆sus 5:8

Hlĕ aŭsu nu thĭ thè̆ne ḿîgè bija aò dèkhiklè̆, barasă tcahta b́ĕ thĭ ḿî Kib́ĭcè abijakhwĭpho nu, thĭ ḿîgè bija aò dèhlî̆klè̆. Mègōnu d́ō, òbò̄ acab́ô̆ bija ab́èkja dèhlî̆pho akhò̆ nu.

အခန်းကိုကြည့်ပါ။

Philippiăno 3:14

Gōnu acè̆, jè cwè danātri thĕbwethîlî̆ d́ŏ allekŭdu cab́ô̆htè ji gī nib́è su, htè aḿî Kib́ĭcè adèjo d́ŏ Jezŭ Krĭstu htè dèòthôḿô̆ d́ŏ Mò̄kho nu.

အခန်းကိုကြည့်ပါ။

Kòlò̆ssia 1:23

Dè alobawe domo ḿî thĭ gò̄ bò̄kô b́è dèdî̄dèhma kî solahmeglobò̄ thĭ dèb́udènè, cab́ô̆htè dèsascĭi htè thĭ nib́ègè b́ĕ thĭ thîhè̆b́è Vanzĕlō nu dèdè̆ gē de gleglābò̄ ńò anikhĭ nu. Jè, Păulu, phî̆htagè dèkhî̆dèbwè ab́èkja Vanzĕlō htè ab́è d́ò̆htôlani htŏ bija gŏ abwè d́ŏ Lakho jo nu.

အခန်းကိုကြည့်ပါ။

Kòlò̆ssia 1:27

Kib́ĭcè adèprahnèdòlò ḿî Cè gè̄ d́è̆lî̄phlò̆hta Za bijakhwĭpho tòcò Zè dè ahuab́i alīdobwîthè̆ kî Zi dèhĭdohtè̆do tòcò d́ŏ bija lŏcăcè anikhĭ nu. Kî dè ahuab́i ḿîgè Krĭstu ò thĭ bu acè̆ d́ō, thĭ gī nib́èplogè Kib́ĭcè adòathe nu.

အခန်းကိုကြည့်ပါ။

Kòlò̆ssia 1:5

B́ĕ dèwîdèkè̆ adî̄ahma htè Vanzĕlō dohtî thĭ aŭsugudŭ tapla nu, thĭ thîhè̆b́ègè dèsascĭi awîakè̆ lò. Mègōnu d́ō, thĭ dèb́udènè kî thĭ dèb́èlò̄ ad́ògòdòhtai ane d́ŏ thĭ dèsascĭi, htè ab́èprahnè thĭ nikhĭ d́ŏ Mò̄kho acè̆ nu.

အခန်းကိုကြည့်ပါ။

Kòlò̆ssia 2:2

Jè mè dè ajo ḿî acab́ô̆ cè tòcò kò ò pĕhtazòhta kî dèthakhŭthahè̆, kò òbò̄ dèthalajīplo d́ŏ dèb́èlò̄thòklè̆ abu, kî gī nib́è dèlīdobwîthè̆ adèaḿăkhai apĕazò, htè dèhtî̆nigô̄ni adî̄ahma lei nu. D́ŏ dèjo abu, cè tòcò gî̄ thîhè̆kò̆ Kib́ĭcè adèhudèb́i, htè aḿî Krĭstu thè̆ne nu.

အခန်းကိုကြည့်ပါ။

Kòlò̆ssia 3:15

Dècodèkhli htè Krĭstu i thĭ ḿî dè ahtôimāi thĭ dèmèlagla anikhĭ, manè̄, Kib́ĭcè jogè thĭ acab́ô̆ thĭ kî ḿîbò̄ dèneb́î̆cè dèbwè lò anikhĭ nu. Mègōnu d́ō, thîhè̆htagebò̄ B́ĭcè.

အခန်းကိုကြည့်ပါ။

1 Thèssalò̆nika 2:12

Wi isôhta thĭ kho thĭ ă, wò d́òkhŭd́òmò thĭ, wa thakăhta thĭ dèjwèjwè, cab́ô̆htè thĭ kò ò thôḿô̆bò̄ dè b́è B́ĭcè atha, B́ĭcè htè ajo thĭ cab́ô̆ thĭ gī nib́èplo Zi htĭ Ze ge kî Zò dò Ce the nu.

အခန်းကိုကြည့်ပါ။

1 Thèssalò̆nika 5:8

Wè b́èkja Lumusèkhè̆ akhoacè̆, wu du hmu dò pò b́è ńò. Gāhtabò̄ dèb́udènè kî dèb́èlò̄ agadā wa thaî̆nè̄ lò kî plôhtabò̄ dèsascĭi dèhlô̆htage akhoplôhtala nu.

အခန်းကိုကြည့်ပါ။

2 Thèssalò̆nika 1:11

D́ŏ dè gōnu akhoacè̆, wè thèb́è̆hta thĭ nikhĭ thèjô̆ lò. Wa dahta Kib́ĭcè aki i thĭ dèòthôḿô̆ asciatakî Zè dèjo d́ŏ thĭ gô̄ thôḿô̆ anikhĭ nu. Kib́ĭcè gè̄ mè pĕhtazòhta ni d́ò̆è thĭ dèthaèni dè è dè ò̆ atherĕ, kî mèhtô̆mèhwă thĭ dèmè ab́èkja dèb́udènè tòcò d́ŏ Zè dècô̆thèlè̆ abu nu.

အခန်းကိုကြည့်ပါ။

2 Thèssalò̆nika 2:16

B́ĭcè Jezŭ Krĭstu kî Pa B́ĭcè htè ab́èlò̄ kè adèhludètă acè̆, thĭ gī nib́è d́ò̆è tha adèkhŭdèhè̆ pĕhtazòhta kî dèmulè̄sascĭ ahmeaglo,

အခန်းကိုကြည့်ပါ။

1 Timò̆theo 6:12

Dèb́udènè adècwè nu, cwè thĕbwethîlî̆bò̄, kî phînibò̄ ni nikhĭ dèthôḿô̆ lahtŭlablo. Manè̄ d́o, Kib́ĭcè jo nè d́ŏ dèthôḿô̆ jo abu htè b́ĕ no ŏlăphlala, mèhmemèglo nè dèb́u d́ŏ bija òè̆bwè ahlò̆mò̄ nu.

အခန်းကိုကြည့်ပါ။

Tĭto 2:13

b́ĕ wò òsô̆wô̄i Muni ab́èhôwî d́ŏ wa sascĭigè, b́ĕ wî B́ĭcè Dèado kî Amèhlô̆htage wa Jezŭ Krĭstu adòathe kè d́è̆lî̄hta nu.

အခန်းကိုကြည့်ပါ။

Tĭto 3:7

cab́ô̆htè wi gī nib́è dèbè̄dî̄bè̄hma d́ŏ Zu hlu Ca tă, kî nib́èbò̄ dèthôḿô̆ lahtŭlablo htè wa sascĭi nu.

အခန်းကိုကြည့်ပါ။

Hebrè̆u 10:32

Gomohtanibò̄ munimuthè̆ aŭsu hlĕ thĭ khab́ègè dèssègnè̆ dukhlŭkî thĭ nib́è dèhlî̆ hnî̆ńò nu.

အခန်းကိုကြည့်ပါ။

Hebrè̆u 6:4

Manè̄ d́ō, bija htè abāladē adèb́u tòcò nu wè gè̄ thè̆ge cè tòcò d́ŏ dèbajalage ane anikhĭ da za tèpwè ńò. Bija htè anib́è hwă dèhlî̆, adî̄tcab́ègè Mò̄kho adèzwî̄dèè kî Spirito Tcahtĭ tòcò nu,

အခန်းကိုကြည့်ပါ။

1 Petru 1:3

Htăhtaibò̄ wî Kib́ĭcè kî B́ĭcè Jezŭ Krĭstu Apa, B́ĭcè Pa! Dŏ Zè dèkhòwèhmòb́è adogudŭ acè̆, ilagè wa dèò athè̆ d́ŏ Ca b́awè̄htoge Krĭstu dèthĭ aklè̆ acè̆ nu. Dè ajo mèṕĕhtai wa dèsascĭi athôḿô̆,

အခန်းကိုကြည့်ပါ။

1 Petru 3:9

mège ḿè dèkholī d́ŏ dèkî̆kkè kî dèkî̆kkè ḿè, dèhô kî dèhô ḿè. Ḿî iscĭgebò̄ cè hôwîhômò dòkhò̆, manè̄ d́ō, dèhôwî ḿî Kib́ĭcè ŏlă aki i thĭ b́ĕ Zo jogè thĭ akhî nu.

အခန်းကိုကြည့်ပါ။

1 Petru 5:10

Ahluată lŏcăcè Ab́ĭcè htè ajogè wa d́ŏ dèdòdèthe alahtŭlablo d́ŏ Jezŭ Krĭstu abu dèbwè nu, Cè thè̆ne gè̄ mè pĕhtazòhta kî ki ikhoiăkò̆ wa b́ĕ wa kha hwă dèssègnè̆ tîkî nu.

အခန်းကိုကြည့်ပါ။

ကြှနျုပျတို့နောကျလိုကျပါ:

ပံ့ပိုးပေးထားသော လင့်ခ်များ

ကြော်ငြာတွေ

ကြော်ငြာတွေ