အွန်လိုင်း သမ္မာကျမ်းစာ

« အရင်

နောက်တစ်ခု »

Dèd́è̆lî̄ 14:13 - Geba Roman New Testament

¹³ Alekă jî thîhè̆b́è dèlē d́ŏ Mò̄kho dèdè̆, ad́ò jè, “Hwelabò̄ dè ajo; Ab́èhôwî ḿî bija htè cahta khŏnujo kî plò̆ahlò̆mò̄ athĭ d́ŏ Kib́ĭcè adèmè abu tòcò nu!” Kib́ĭcè Atha d́ò, “Ab́è thĕbwe hŏ! Cè tòcò kò òmòòmakò̆ b́ĕ dèmè asòẃè̆b́è̆tha hwă nu, manè̄ zè dèmè aphò̆athè gē lekôkò̆ ca kă.”

အခန်းကိုကြည့်ပါ။ ကော်ပီ

« အရင်

ပြန်တက်သွားပါ။ ⬆

နောက်တစ်ခု »

Dèd́è̆lî̄ 14:13
41 ပူးပေါင်းရင်းမြစ်များ

Mattĕo 3:17

Kîdò̆ tcabò̄, dèlē thèhta d́ŏ Mò̄kho nu ad́ò, “Ajo ḿî jo pho jè b́èlò̄gudu htè amè thalōthalai thoŏthèè jè dèbwè nu.”

အခန်းကိုကြည့်ပါ။

Lŭka 16:25

Barasă Abraham d́òscĭge cè, ‘Apho gomohtanigebò̄ htè d́ŏ ńò ò thôḿô̆we nu, ni nib́è htŏ dè aè tòcò nu kî Lazarŭ nib́ègè dè atè è ńò tòcò nu. Barasă khŏnujo cè b́è mèmòhtagegè, ḿî nè nu nè b́èssègnè̆bòdògè hŏ.

အခန်းကိုကြည့်ပါ။

Lŭka 16:9

“Jò d́ò̆sa thĭ mèthòbò̄ lākho adî̄adè cab́ô̆htè zè gè lèkhabò̄ thĭ d́ŏ dèò alahtŭlablo alle nu.” Cò d́ògè lōwa tòcò do.

အခန်းကိုကြည့်ပါ။

Rŏma 14:8

“B́eḿĕ wò ò thôḿô̆ d́ō, wò ò B́ĭcè anikhĭ, kî b́eḿĕ wi thĭ d́ō, wi thĭ B́ĭcè anikhĭ, cab́ô̆htè wè dèò kî wè dèthĭ abu wi gī ḿîbò̄ Kib́ĭcè aè̆ nu.”

အခန်းကိုကြည့်ပါ။

1 Kòrĭn 15:18

Ahtabohtab́ă ḿî bija ab́u Krĭstu htè athĭ hwăgè tòcò ḿî ḿî hlè̆mè̄ lōgè gè.

အခန်းကိုကြည့်ပါ။

1 Kòrĭn 15:20

Barasă adî̄ahma ḿî Krĭstu htabogegè d́ŏ dèthĭklè̆, anu ḿî thè̆thî htè bija asòḿĭ dèthĭ abu tòcò kè̄ b́è b́awè̄htogekò̆ nu.

အခန်းကိုကြည့်ပါ။

1 Kòrĭn 15:58

Mègōnu d́ō, b́èlò̄ thè̆buthè̆we tòcò, sò̆hto òhmeòglobò̄. Ḿî thĭ thîhè̆ htè thĭ mè Kib́ĭcè adèmè nu di ḿî dè ahnahnă hnahnă ńò d́ō mèthĕbwethîlî̆ thèjô̆bò̄.

အခန်းကိုကြည့်ပါ။

2 Kòrĭn 5:8

Wo thosôthasô kî wè dè thaèni d́okhlŏ ḿî wa gè̄ hèbākè̆ we neb́î̆cè ahi, kî òjīplo Kib́ĭcè d́ŏ Zi hi abu lò.

အခန်းကိုကြည့်ပါ။

Philippiăno 2:17

B́ètèb́èńò ja thathôḿô̆ athwi gò̄ hlòlab́è acab́ô̆ dèhluhtai d́ŏ thĭ dèb́udènè d́è̆ thĭ è̆ adèhluhta d́ŏ Kib́ĭcè ò nu. Dè gè̄ mè ane gōnu d́ō, ja thaganāi kî je gē bela tèpwè jè dèthaganāi ajo ploplo kî thĭ gŏ abwè nu.

အခန်းကိုကြည့်ပါ။

1 Thèssalò̆nika 4:14

Wu b́u d́ŏ Jezŭ thĭ kî Za htaboge dèthĭ aklè̆ htŏ. Cab́ô̆ gōnu akhò̆, bija htè athĭgè d́ŏ dèb́udènè Jezŭ abu tòcò nu, Kib́ĭcè gā hna wè̄sò̆htoge ploplokò̆ Cè nu.

အခန်းကိုကြည့်ပါ။

1 Thèssalò̆nika 4:16

Dèkèwo alē gè̄ thèhta sôtèklè, Mò̄kho adogudŭ dèbwè alē kî Kib́ĭcè akhaja alē gè̄ thèhta kî B́ĭcè thè̆ne gē lela d́ŏ Mò̄kho lò. Bija htè athĭgè d́ŏ dèb́u Krĭstu abu tòcò gā htaboge ŭsugudŭkò̆.

အခန်းကိုကြည့်ပါ။

1 Thèssalò̆nika 5:10

htè athĭgè wi nikhĭ dèbwè nu, cab́ô̆htè b́ĕ Ze lelage tapla be nu, wi thĭ htŏ ḿîwî, wò òwe bija ḿîwî, wô kò̄ òthôḿô̆jīplobò̄ Cè nu.

အခန်းကိုကြည့်ပါ။

1 Timò̆theo 5:24

Bija tòcò cò adèkhòwè lî̄htaphlò̆hta kî le ŭsu tèpwè d́ŏ dècirra anikhĭ nu. Barasă tòcò cò adèkèḿè b́è d́èlî̄htakò̆ d́ŏ alekă nu.

အခန်းကိုကြည့်ပါ။

1 Timò̆theo 5:25

Cab́ô̆ gōnu akhò̆, bija dèmèwî tòcò nu lî̄htaphlò̆hta tèpwè. Kî adî lî̄hta hnî̆ńò tòcò ḿî ḿî tè b́è lè̄hu za ńò ńò.

အခန်းကိုကြည့်ပါ။

Dèd́è̆lî̄ 1:11

Ad́ò jè, “Dè htè gajă na tcahtîb́ègè tòcò nu, hwela lŏbò̄ d́ŏ Cè tèb́è abu nu; mèhwă d́ō thè̆lebò̄ d́ŏ dèòplo thăthôtoplo aò d́ŏ Ephè̆sus, Smĭrna, Pèrgamum, Thiatĭra, Sardîs, Philadè̆lphia, kî Laodĭsea tòcò nu.”

အခန်းကိုကြည့်ပါ။

Dèd́è̆lî̄ 10:4

kî b́ĕ jò ò apradòlò agē hwe cè nu d́ō, jî thîhè̆b́è dèlē thèhta d́ŏ Mò̄kho dèdè̆ ad́ò jè, “Zwî̄laglobò hlă thăthôtod́ŏ wō kî adèjî̄b́è tòcò nu d́ŏ na thabu lò, ḿî hwelahmăibò̄ ḿè.”

အခန်းကိုကြည့်ပါ။

Dèd́è̆lî̄ 11:15

Mò̄khobwèzo thăthô dèbwè dèbwè uhtagè akhaja, kî dè alē thèhtasô d́ŏ Mò̄kholè̄ dèdè̆ ad́ò; “Lākho ahtĭage kèhta htŏ wî B́ĭcè kî Zî Krĭstu ahtĭage htŏ. Cu ku ŭicai lahtŭlablokò̆.”

အခန်းကိုကြည့်ပါ။

Dèd́è̆lî̄ 11:19

Alekă Kib́ĭcè Alle Tcahtĭ d́ŏ Mò̄kho nu ò tab́ăgè kî ka tcahtî zagè Thè̆thî Atî̆ta, d́ŏ abu nu. Mèhwă hlăgolî, hlăwō kî dèbogè kî thŏolazî̄gè lò.

အခန်းကိုကြည့်ပါ။

Dèd́è̆lî̄ 16:17

Mò̄khobwèzo thăthô dèbwè dèbwè le kî hlòlakè̆gè za laba d́ŏ gīlliklè̆ nu kî dèlē kèwohtagè d́ŏ Na htè aò d́ŏ Zarādo abu ad́ò, “Dèhwălō htŏ!”

အခန်းကိုကြည့်ပါ။

Dèd́è̆lî̄ 19:9

Mò̄khobwèzo d́ògè jè, “Hwelabò̄ ajo; Ab́èhôwî ḿî bija ab́èjole d́ŏ Thŏpho Adèphîcu apwè̆bu tòcò nu.” Kî cò d́òwe ahlò̆mò̄, “Dè ajo tòcò ḿî Kib́ĭcè adèd́ò̆sa adî̄ahma lò.”

အခန်းကိုကြည့်ပါ။

Dèd́è̆lî̄ 2:1

“Hwenibò̄ Ephè̆sus Adèòplo abwèzo aò kî d́òbò̄ cè: “Ajo ḿî Cè htè apôgloi sè thăthôdèmè̆ d́ŏ acukhò adèhtwè dòkhò̆ abu kî hmîŭd́ŏhtè̆ thăthôtod́ŏ ò khwè̆b́a dèbwè aò nu.

အခန်းကိုကြည့်ပါ။

Dèd́è̆lî̄ 2:7

“Anigu ò tòcò gî̄ thîhè̆ d́ò̆è dè htè Spirito Tcahtĭ d́ò dèòplo tòcò nu! “Bija anoabè dèd́o tòcò nu ji ki ikò̆ ca ab́è dèòthôḿô̆ athothè aò d́ŏ Kib́ĭcè Aparadĭzo abu nu.

အခန်းကိုကြည့်ပါ။

Dèd́è̆lî̄ 20:6

Bija htè ahtaboge aŭsugudŭ tòcò nu thalōthala kî b́èhôwî lò. Dè thĭ gīpla tapla acô̆thèlè̆ tò ò cè tòcò akho ńò. Cè tòcò gî̄ ḿîkò̆ Kib́ĭcè kî Krĭstu aphŭgi kî cu ku ŭib́èplokò̆ lōwa ad́e dòhtò.

အခန်းကိုကြည့်ပါ။

Dèd́è̆lî̄ 21:5

Alekă asańălăò d́ŏ Nabu dèbwè jî̄b́ègè; “Khŏnujo jò kò b́òlage dèlŏcăcè athè̆,” Cò d́ò; “Hwela dè ajo; Jò d́ò dè ajo tòcò ḿî aladilase kî agî̄ phî̆hta hnèhnè b́è.”

အခန်းကိုကြည့်ပါ။

Dèd́è̆lî̄ 22:17

Spirito Tcahtĭ kî aphîcu amihmu d́ò; “Lebò̄ kha!” Bija htè athîhè̆b́è dè ajo dèbwèbwè kò d́òkô d́ò̆è; “Lebò̄ kha!” Ŏ bija athaò̆ dèbwè, lebò̄; athaèni dèbwè le kî phîò̆ hnahnă d́ò̆è dèthôḿô̆ ahtĭ.

အခန်းကိုကြည့်ပါ။

Dèd́è̆lî̄ 6:11

Cè tòcò b́èthònī scid́ŏdò̄dô ab́ôthă dèbwè tèb́è, dèbwè tèb́è, kî dèd́ò̆sa cè agò̄ khòthad́ò̆ tod́opho be lò, htô̆ zò khò̆ zè khè kî cè thè̆buthè̆we akè b́è mèthĭ acab́ô̆ cè tòcò adèmè gā hwă nu.

အခန်းကိုကြည့်ပါ။

ကြှနျုပျတို့နောကျလိုကျပါ:

ပံ့ပိုးပေးထားသော လင့်ခ်များ

ကြော်ငြာတွေ

ကြော်ငြာတွေ