2 Kòrĭn 9:15 - Geba Roman New Testament

¹⁵ Dèmòb́è B́ĭcè d́ŏ Zè dèigetcage kò d́ò̆sa do lō za ńò tòcò acè̆ nu.

2 Kòrĭn 9:15 ပူးပေါင်းရင်းမြစ်များ

Lŭka 2:14

“Dèdòdèthe keb́èd́ò̆bò̄è Kib́ĭcè d́ŏ ahtajîgudŭ nu, kî d́ŏ Lākho jo dècodèmò kè̄ b́è d́ò̆è bija athowîthamò tòcò nu.”

Lŭka 2:38

Anu dini, b́ĕ zè hèhta Zarādo bu, ca tcahtib́ègè Abĭsèpho Jezŭ d́ō, za htăhtaigè B́ĭcè, cò d́ò̆sagè abĭsèpho awîakè̆ d́ŏ gajă bija asòmò̆dôi Jerŭsalèm u adèhlô̆htage tòcò nu.

Zowănnī 1:16

D́ŏ Zè dèhludètă pĕhtazòhta abu nu, wa lŏcăcè nib́èkôgè Ca kă dèhôwî domo hwă domo lò.

Zowănnī 3:16

Kib́ĭcè b́èlò̄ Lākhopho pwĕ Ci i lōwa Zo Pho aò dèbwè lò nu, cab́ô̆htè bija ab́u Cè tòcò gè̄ dè kè̆ dè hlè̆mè̄bò̄ ńò, ḿî gī nib́èbò̄ dèò lahtŭlablo nu.

Rŏma 5:15

Ḿî ada jāthô hlè lōwa ńò. Kib́ĭcè adèila ahnahnă ḿî ada jāthôkî Adam adèkhòwè ńò acè̆ lò. Bija dèbwè adèlakhu akhoacè̆ bija òè̆bwè̆ gī thĭ b́è ma d́ō, Kib́ĭcè adèhludètă alakô d́ŏ bija dèbwè, Jezŭ Krĭstu ò nu d́ō, dèila ahnahnă d́ŏ dèhludètă abu ḿî akò òèòcara b́è lò.

Rŏma 6:23

Dèkhòwè asôahlè̆ ḿî dèthĭ, Kib́ĭcè adèi ḿî dèò alahtŭlablo d́ŏ wî B́ĭcè Jezŭ Krĭstu abu nu.

Rŏma 8:32

Kib́ĭcè dè lè̄dakè̆ Zo pho ńò, ḿî Ci ilaphlòḿĭ lōwa wi nikhĭ d́ō, gajă Ci i za wa tòcò nu Ci ti kĭwīi ńò, ḿî i lŏtholŏtha wa nu wò d́ò za htŏ tèpwè.

1 Kòrĭn 15:57

Barasă d́ō thîhè̆htagebò̄ Kib́ĭcè htè ai dèmènomèbè d́ŏ B́ĭcè Jezŭ Krĭstu acè̆ nu.

2 Kòrĭn 2:14

Barasă, htăhtaibò̄ Kib́ĭcè ahluată. Manè̄, Krĭstu Adènodèbè dèkhapwè̆khala asŏakhè̆ nu B́ĭcè thè̆le thèjô̆ wa acab́ô̆ ab́èphòb́ècŏ tòcò, ploplo kî Krĭstu akhoacè̆ nu. Zò sòthŏi wa acab́ô̆ wa gè̄ kèhtabò̄ Krĭstu adèhnŭẃi d́ŏ alle dagwālè̄ nu.

2 Kòrĭn 9:11

Kîd́ò̆ thĭ gī niò̆jòa hwă amŏamo htô̆ thĭ ki ikò̆ d́ŏ dèthohlò̆thahlò̆ abu d́ŏ wu cukhò bu acab́ô̆ dèthîhè̆htage Kib́ĭcè nu.

2 Kòrĭn 9:14

D́o Kib́ĭcè d́è̆lî̄hta ni thĭ Zu hlu Ca tă aladūlasă akhoacè̆, cè tòcò b́ècwid́ahtonigè d́ŏ thĭ ò, kî d́ŏ dèb́èlò̄ thĭ adoajò̄ abu, za gā dathèb́è̆kò̆ thĭ nikhĭ.

Ephè̆sus 5:20

D́ŏ wî B́ĭcè Jezŭ Krĭstu ami abu, kòihtăi Kib́ĭcè Pa d́ŏ dèlŏcăcè abu thèjô̆ nu.

Zăkomo 1:17

Dè aèaò̆ gŏmomo kî apĕhta gŏmimi ḿî ala d́ŏ Kib́ĭcè Ab́òladè Mò̄kho adèhlî̆, Cè htè dèb́ăkhlè tò ò za ńò kî adè mèkhi za dè ńò dèbwè nu.

Dèd́è̆lî̄ 4:9

Gŏ apla b́ĕ dèphodèwe lwīd́ŏ bè̄dòbè̄the kî d́ŏb́èj́ab́è kî thîhè̆htage bija asańălăò d́ŏ Nabu dèbwè nu kî cò d́ò, “Cò ò thôḿô̆ thèjô̆ lahtŭlablo!” nu.