2 Kòrĭn 13:9 - Geba Roman New Testament

⁹ Wo kho wa ă tò ò nòthò̆ ńò hnò̆nu, thĭ khob́ăădo d́ō wa thaganāi tèpwè. Wè thèb́è̆ thĭ nikhĭ cab́ô̆htè thĭ gē pĕhtazòhtabò̄ nu.

2 Kòrĭn 13:9 ပူးပေါင်းရင်းမြစ်များ

Rŏma 15:2

kî mèzo cè cab́ô̆htè zi gî̄ phî̆htabò̄ Krĭstupho akhob́ăădo tòcò nu.

1 Kòrĭn 1:10

D́ŏ B́ĭcè Jezŭ Krĭstu ami abu, thè̆buthè̆we tòcò, Ja damò thĭ agā pragebò̄ thĭ dèthaèni da la lōwa ńò acè̆ nu, kî òibò̄ ḿè dèlamulapha d́ŏ thĭ kho thĭ klè̆ ḿè. Òi pĕhtazòhtabò̄ dèjīdèd́wă d́ŏ dè tholajīthalad́wă, kî thôrô̆ kî thĭ gā darahlè lōwa nu, thĭ kò òplosò̆jībò̄ lōwa d́ŏ dèb́udènè kî dèphîdèmè abu nu.

1 Kòrĭn 2:3

Je legè thĭ klè̆ d́ŏ dèscisă kî dèthaganā abu,

1 Kòrĭn 4:10

Krĭstu anikhĭ wi ḿî ablu tòcò lò, ḿî thĭ nu d́ŏ thĭ ḿî bija azaabla d́ŏ Krĭstu ami abu tòcò dòkhò̆. Wô cô̆ wè thèlè̆ tò ò ńò, thĭ ḿî ahĭahtè̆ ò tòcò dòkhò̆. Thĭ mi hŏhtathèla, ḿî wî ḿî bija ahnahnă.

2 Kòrĭn 11:30

Ja gā htăi b́è ma je ne d́ō, ja htăi b́è jè dèthokho lò.

2 Kòrĭn 13:11

Khŏnujo, ŏ thè̆buwe tòcò, wu hnŭsè thĭ dèmòdèma. Htukhohtuă cab́ô̆ bija gè dè kèhtîbò̄ thĭ dèkèḿè dimĭ ńò anikhĭ nu. Sòkhĕńebò̄ jè dèdamò thĭ, mèzoazohlèbò̄ lōwa dèbwè kî dèbwè. Òbò̄ dèmòdèma abu, kî Kib́ĭcè adèb́èlò̄ kî adècodèkhli kô òkô d́ò̆è thĭ kă.

2 Kòrĭn 13:4

Manè̄, Cè b́è htalaglothĭgè Krusu alò d́ŏ dèkhozeăze abu, nòthò̆ hnò̆nu, Cò ò thôḿô̆we d́ŏ Kib́ĭcè adèkhodèă abu nu. D́ŏ dèlè̄plohta we ne kî Cè abu nu wa ḿî ḿî wo khozeăze lò. Ḿî thĭ nikhĭ wò kò ò thôḿô̆ plokò̆ Cè d́ŏ Kib́ĭcè adèkhodèă abu nu.

2 Kòrĭn 4:12

Mègōnu dèthĭ mèdè d́ŏ wu bu, ḿî dèò mè dè d́ŏ thĭ bu nu dòkhò̆.

2 Kòrĭn 7:1

B́èlò̄ thè̆buthè̆we tòcò, d́ŏ dèaḿăkhai jo tòcò abu, wu ŭsab́ă d́ò̆è gajă dè amèb́ò za we neb́î̆cè kî wa tha tòcò nu, cab́ô̆htè wa gī nib́èbò̄ dèwîdètcahtĭ apĕhtazòhta d́ŏ dèscisă ni Kib́ĭcè ale abu nu.

Kòlò̆ssia 1:28

Mègōnu d́ō, wò d́ò̆htôlani bija gŏ abwè Krĭstu awîakè̆ lò. Bija gŏ abwè gē ledobò̄ d́ŏ Kib́ĭcè ahlò̆mò̄, d́ŏ dèdohtabwehta d́ŏ Krĭstu abu anikhĭ nu, acab́ô̆ wè dèhtî̆nigô̄ni ò atherĕ nu, wi ithidĭ kî thèhlô̆ cè tòcò lò.

Kòlò̆ssia 4:12

Epaphras, htè aḿî thĭ khò̆ thĭ khè aklè̆ kî Krĭstu Jezŭ akhî̆abwè dèbwè, thè̆lekô adèsŏwîsŏmò thĭ lò. Cè Thèb́è̆hta thĭ nikhĭ, d́ŏ dèthosôthasô abu thèjô̆, cab́ô̆htè thĭ gî̄ ḿîbò̄ Krĭstupho tòcò d́ŏ aòhmeòglo dèb́u abu, kî lôkô pĕhtazòhta Kib́ĭcè adèthaèni, d́ŏ dèsòkhĕńelēthèhô̆ abu nu.

1 Thèssalò̆nika 3:10

Wa dahtadè d́ŏ wa tha thèd́è̆mè̆ thè̆musè̆munè, cab́ô̆htè we gē le kèhtî thè̆ne b́è thĭ, kî ilanibò̄ thĭ dèloba d́ŏ dèb́u abu nu.

2 Timò̆theo 3:17

cab́ô̆htè Kib́ĭcè abija tòcò gē pehtazòhtabò̄ kî prahnèsèhnè ane dè awîaè gŏ amo anikhĭ nu.

Hebrè̆u 12:23

Thĭ do htŏ d́ŏ aḿî Kib́ĭcè aphodobwe aò kî dèthalōthala tòcò adèladēplo htè ami b́è hwela d́ŏ Mò̄kho tòcò aò, kî d́ŏ Kib́ĭcè acirra bija lŏcăcè aò, kî d́ŏ bija adî̄ahma atha htè ab́è mè pĕhtazòhta tòcò ò nu,

Hebrè̆u 6:1

Khŏnujo gè lè̄dakè̆ Mò̄kô Krĭstu adèthôdèthò̆ akăhtî kî tcadîgrînî̄ mò̄kôbò̄ d́ŏ akŭdu nu. Gè lè̄dakè̆ Mò̄kô dèthôdèthò̆ aglobu kî gomoca Mò̄kô dèb́u Kib́ĭcè nu,

1 Petru 5:10

Ahluată lŏcăcè Ab́ĭcè htè ajogè wa d́ŏ dèdòdèthe alahtŭlablo d́ŏ Jezŭ Krĭstu abu dèbwè nu, Cè thè̆ne gè̄ mè pĕhtazòhta kî ki ikhoiăkò̆ wa b́ĕ wa kha hwă dèssègnè̆ tîkî nu.