ՄԱՐԳԱՐԷՈՒԹԻՒՆ ՍՈՓՈՆԻԱՅ 3:2 - Գրաբար Աստվածաշունչ (1895)

² Ոչ լուաւ ձայնի, եւ ոչ ընկալաւ զխրատ. ի Տէր ոչ յուսացաւ, եւ առ Աստուած իւր ոչ մերձեցաւ։

ՄԱՐԳԱՐԷՈՒԹԻՒՆ ՍՈՓՈՆԻԱՅ 3:2 ပူးပေါင်းရင်းမြစ်များ

ԳԻՐՔ ՆԷԵՄԵԱՅ 9:26

Եւ հեռացան եւ մերժեցան ի քէն, եւ յետս դարձան յօրինաց քոց. եւ զմարգարէսն քո կոտորեցին, որ քարոզեցին նոցա դառնալ առ քեզ. եւ արարին զբարկութիւն մեծ առաջի քո։

ԳԻՐՔ ՍԱՂՄՈՍԱՑ 10:4

Զի զոր դուն շինեցեր՝ նոքա աւերեցին՝՝. իսկ արդարն զի՞ արար։

ԳԻՐՔ ՍԱՂՄՈՍԱՑ 50:17

Տէր, եթէ զշրթունս իմ բանաս, բերան իմ երգեսցէ զօրհնութիւնս քո։

ԱՌԱԿՔ ՍՈՂՈՄՈՆԻ 1:7

Սկիզբն իմաստութեան երկեւղ Տեառն, հանճար բարի ամենեցուն որ առնեն զնա. պաշտօն բարի առ Աստուած՝ սկիզբն զգօնութեան.՝՝ զիմաստութիւն եւ զխրատ ամպարիշտք անգոսնեն։

ԱՌԱԿՔ ՍՈՂՈՄՈՆԻ 5:12

եւ ասիցես թէ՝ Զիա՜րդ ատեցի զխրատ, եւ ի յանդիմանութեանց խոտորեցաւ սիրտ իմ։

ՄԱՐԳԱՐԷՈՒԹԻՒՆ ԵՍԱՅԵԱՅ 1:5

Զի՞ եւս յաւելուք վէրս յանօրէնութիւնս՝՝։ Ամենայն գլուխ ի ցաւս, եւ ամենայն սիրտ ի տրտմութիւն։

ՄԱՐԳԱՐԷՈՒԹԻՒՆ ԵՍԱՅԵԱՅ 29:13

Եւ ասէ Տէր. Մերձ է առ իս ժողովուրդս այս բերանով իւրով, եւ շրթամբք իւրեանց պատուեն զիս. եւ սրտիւք իւրեանց հեռացեալ մեկուսի են յինէն. զուր պաշտեն զիս, ուսուցանեն զպատուէրս մարդկան եւ զվարդապետութիւնս՝՝։

ՄԱՐԳԱՐԷՈՒԹԻՒՆ ԵՍԱՅԵԱՅ 31:1

Վա՜յ ոյք իջանեն յԵգիպտոս վասն օգնականութեան. որ ի հեծեալս՝՝ եւ ի կառս յուսացեալ իցեն՝ թէ բազումք են, եւ բազմութիւն երիվարաց՝՝ յոյժ. եւ ոչ էին յուսացեալ ի Սուրբն Իսրայելի, եւ զԱստուած ոչ խնդրեցին։

ՄԱՐԳԱՐԷՈՒԹԻՒՆ ԵՍԱՅԵԱՅ 43:22

Ոչ այժմ ինչ կոչեցի զքեզ, Յակոբ, եւ ոչ աշխատ արարի զքեզ՝՝, Իսրայէլ.

ՄԱՐԳԱՐԷՈՒԹԻՒՆ ԵՍԱՅԵԱՅ 9:12

զԱսորեստան՝՝ յելիցն արեւու, եւ զՅոյնս ի մտիցն արեւու. ոյք ուտէին զԻսրայէլ բերանալիր ամենայն բերանով։ Ի վերայ այսր ամենայնի ոչ դարձաւ բարկութիւն նորա, այլ տակաւին ձեռն իւր բարձրացեալ է։

ՄԱՐԳԱՐԷՈՒԹԻՒՆ ԵՐԵՄԵԱՅ 13:25

Այդ է վիճակ քո եւ մասն՝ չհաւանելդ ձեզ ինձ՝՝. զի մոռացար զիս եւ յուսացար ի ստութիւնս։

ՄԱՐԳԱՐԷՈՒԹԻՒՆ ԵՐԵՄԵԱՅ 2:30

Զուր հարի զորդիսն ձեր, եւ խրատ դուք ոչ ընկալարուք. սուր՝՝ եկեր զմարգարէսն ձեր, իբրեւ առեւծ սատակէր, եւ ոչ զարհուրեցարուք։

ՄԱՐԳԱՐԷՈՒԹԻՒՆ ԵՐԵՄԵԱՅ 22:21

Խօսեցայ ընդ քեզ ի սխալելն քում, եւ ասացեր թէ՝ Ոչ լուայց քեզ. այդ է ճանապարհ քո ի մանկութենէ քումմէ, զի ոչ լուար բարբառոյ իմոյ։

ՄԱՐԳԱՐԷՈՒԹԻՒՆ ԵՐԵՄԵԱՅ 32:33

Դարձուցին յիս զթիկունս եւ ոչ զերեսս. եւ ուսուցի զնոսա ընդ առաւօտս. ուսուցի, եւ ոչ անսացին ընդունել զխրատ.

ՄԱՐԳԱՐԷՈՒԹԻՒՆ ԵՐԵՄԵԱՅ 35:13

Այսպէս ասէ Տէր զօրութեանց՝ Աստուած Իսրայելի. Երթ եւ ասա ցարս Յուդայ եւ ցբնակիչս Երուսաղեմի. Ո՞չ առնուցուք խրատ լսել բանից իմոց, ասէ Տէր։

ՄԱՐԳԱՐԷՈՒԹԻՒՆ ԵՐԵՄԵԱՅ 35:17

Վասն այդորիկ այսպէս ասէ Տէր զօրութեանց՝ Աստուած Իսրայելի. Ահաւադիկ ես ածից ի վերայ Յուդայ եւ ի վերայ ամենայն բնակչաց Երուսաղեմի զամենայն չարիս զոր խօսեցայ ի վերայ նոցա. փոխանակ զի խօսեցայ առ նոսա, եւ ոչ լուան, կոչեցի զնոսա, եւ ոչ ետուն ինձ պատասխանի։

ՄԱՐԳԱՐԷՈՒԹԻՒՆ ԵՐԵՄԵԱՅ 5:3

Տէր, աչք քո ի հաւատս՝՝. տանջեցեր զնոսա, եւ նոցա ոչ ցաւեաց. վախճանեցեր զնոսա, եւ ոչ կամեցան ընդունել զխրատ. կարծրացուցին զերեսս իւրեանց քան զվէմ, եւ ոչ կամեցան դառնալ։

ՄԱՐԳԱՐԷՈՒԹԻՒՆ ԵԶԵԿԻԵԼԻ 22:24

Որդի մարդոյ, ասա ցդա. Դու այն երկիր ես որ ոչ թանաս՝՝, եւ ոչ եկն անձրեւ ի վերայ քո յաւուր բարկութեան.

ՄԱՐԳԱՐԷՈՒԹԻՒՆ ԵԶԵԿԻԵԼԻ 24:13

փոխանակ զի պղծէիր դու, եւ ոչ սրբեսցիս ի պղծութենէ քումմէ. եւ զի՞նչ իցէ եթէ ոչ սրբեսցի տակաւին, մինչեւ կատարեցից զսրտմտութիւն իմ ի նմա՝՝։

ՄԱՐԳԱՐԷՈՒԹԻՒՆ ՍՈՓՈՆԻԱՅ 1:6

եւ որք խոտորէին ի Տեառնէ, եւ որք ոչ խնդրէին զՏէր, եւ որք ոչ ի Տեառն կողմն էին։

ԱՌ ՏԻՄՈԹԷՈՍ ԵՐԿՐՈՐԴ ԹՈՒՂԹ 3:16

Ամենայն Գիրք աստուածաշունչք եւ օգտակարք ի վարդապետութիւն են եւ ի յանդիմանութիւն եւ յուղղութիւն եւ ի խրատ արդարութեան.

ԱՌ ԵԲՐԱՅԵՑԻՍ ԹՈՒՂԹ 10:22

մատիցուք ճշմարիտ սրտիւք, լրութեամբ հաւատոց, լուացեալ զսիրտս ի խղճէ չարեաց եւ մկրտեալ զմարմին ի ջուրն սրբութեան.