ՄԱՐԳԱՐԷՈՒԹԻՒՆ ԶԱՔԱՐԵԱՅ 3:1 - Գրաբար Աստվածաշունչ (1895)

¹ Եւ եցոյց ինձ Տէր զՅեսու քահանայ մեծ, զի կայր առաջի հրեշտակին Տեառն. եւ Սատանայ կայր ընդ աջմէ նորա հակառակել ընդ նմա։

ՄԱՐԳԱՐԷՈՒԹԻՒՆ ԶԱՔԱՐԵԱՅ 3:1 ပူးပေါင်းရင်းမြစ်များ

ԾՆՈՒՆԴՔ 3:15

Եւ եդից թշնամութիւն ի մէջ քո եւ ի մէջ կնոջդ, եւ ի մէջ զաւակի քո եւ ի մէջ զաւակի դորա. նա սպասեսցէ քում գլխոյ. եւ դու սպասեսցես նորա գարշապարի՝՝։

ԾՆՈՒՆԴՔ 48:16

հրեշտակն որ փրկեաց զիս յամենայն չարեաց, օրհնեսցէ զմանկունս զայսոսիկ, եւ կոչեսցի ի սոսա անուն իմ եւ անուն հարց իմոց, Աբրահամու եւ Իսահակայ, եւ օրհնեսցին ի բազմութիւն յոյժ ի վերայ երկրի։

ՄՆԱՑՈՐԴԱՑ ԱՌԱՋԻՆ 21:1

Եւ եկաց Բանսարկու ի մէջ Իսրայելի, եւ դրդեցոյց զԴաւիթ թուել զԻսրայէլ։

ՄՆԱՑՈՐԴԱՑ ԵՐԿՐՈՐԴ 29:11

Արդ մի՛ ինչ նուազէք առնել յայսմ հետէ՝՝. վասն զի զձեզ ընտրեաց Տէր կալ եւ պաշտել առաջի իւր, եւ լինել նմա սպասաւոր, եւ ծխել խունկս։

ԵԶՐ 10:18

Եւ գտան յորդւոց քահանայիցն որք ունէին զկանայս յայլազգեացն, յորդւոցն Յեսովայ Յովսեդեկեանց եւ եղբօր նորա Մանասէի եւ Եղիազարու, Յարիբ եւ Գադալիա.

ԵԶՐ 2:2

Եւ որք էին ելեալ ընդ Զորաբաբելի, Յեսու, Նէեմի, Սարէաս, Հռէիղեաս, Մարդոքէոս, Բաղասան, Մասփար, Բագուար, Հռէում, Բաանա։ Այս է թիւ ժողովրդեան որդւոցն Իսրայելի.

ԵԶՐ 5:2

Յայնժամ յարեան Զորաբաբէլ Սաղաթիելեանց եւ Յեսու Յովսեդեկեանց՝ եւ սկսան շինել զտուն Տեառն Աստուծոյ Իսրայելի՝՝, եւ միաբանեալ ընդ նոսա մարգարէքն Աստուծոյ օգնէին նոցա։

ԳԻՐՔ ՍԱՂՄՈՍԱՑ 106:23

Ոյք իջանէին ի ծով նաւովք, եւ առնէին զգործս ի ջուրս բազումս։

ԳԻՐՔ ՍԱՂՄՈՍԱՑ 109:6

Դատի զհեթանոսս եւ բազում առնէ զհարուածս, եւ խորտակեսցէ զգլուխս բազմաց յերկրի։

ՄԱՐԳԱՐԷՈՒԹԻՒՆ ԵՐԵՄԵԱՅ 15:19

Վասն այդորիկ այսպէս ասէ Տէր. Եթէ դարձցիս այսրէն՝ պատսպարեցից զքեզ, եւ առաջի երեսաց իմոց կացցես. եւ եթէ հանցես զպատուականն յանարգէ, իբրեւ զբերան իմ եղիցես. եւ եթէ՝՝ դարձցին նոքա առ քեզ, եւ ոչ եւս դու դարձցիս առ նոսա։

ՄԱՐԳԱՐԷՈՒԹԻՒՆ ԵԶԵԿԻԵԼԻ 44:11

Եւ եղիցին ի սրբութիւնս իմ պաշտօնեայք, բարապանք դրանց տանդ, եւ սպասաւորք տաճարիդ. նոքա զենուցուն զողջակէզս եւ զզոհս ժողովրդեանն, եւ նոքա կացցեն առաջի ժողովրդեանն՝ լինել նոցա ի սպասաւորս։

ՄԱՐԳԱՐԷՈՒԹԻՒՆ ԵԶԵԿԻԵԼԻ 44:15

Եւ քահանայքն Ղեւտացիք՝ որդիքն Սադովկայ՝ որք պահեցին զպահպանութիւնս սրբութեանց իմոց ի մոլորել տանն Իսրայելի յինէն, նոքա մերձեսցին առ իս պաշտել զիս. եւ կացցեն առաջի երեսաց իմոց՝ մատուցանել ինձ զոհս եւ՝՝ ճարպ եւ արիւն, ասէ Տէր Աստուած։

ՄԱՐԳԱՐԷՈՒԹԻՒՆ ԱՆԳԵԱՅ 1:1

Յամին երկրորդի Դարեհի արքայի, յամսեանն վեցերորդի, որ օր մի էր ամսոյն, եղեւ բան Տեառն ի ձեռն Անգէի մարգարէի եւ ասէ. Խօսեաց ընդ Զորաբաբելի որդւոյ Սաղաթիելի յազգէ Յուդայ, եւ ընդ Յեսուայ որդւոյ Յովսեդեկեայ քահանայի մեծի, եւ ասասցես.

ՄԱՐԳԱՐԷՈՒԹԻՒՆ ԱՆԳԵԱՅ 1:12

Եւ լուաւ Զորաբաբէլ որդի Սաղաթիելի յազգէ Յուդայ՝՝, եւ Յեսու Յովսեդեկեայ քահանայ մեծ, եւ ամենայն մնացորդք ժողովրդեանն ձայնի Տեառն Աստուծոյ իւրեանց, եւ զպատգամս Անգէի մարգարէի, որպէս առաքեաց զնա Տէր Աստուած նոցա առ նոսա՝՝. եւ երկեաւ ժողովուրդն յերեսաց Տեառն։

ՄԱՐԳԱՐԷՈՒԹԻՒՆ ԱՆԳԵԱՅ 2:4

Եւ արդ զօրացիր դու, Զորաբաբէլ, ասէ Տէր, եւ զօրացիր, Յեսու Յովսեդեկեայ քահանայ մեծ, եւ զօրասցի ամենայն ժողովուրդ երկրիդ, ասէ Տէր, եւ գործեցէք զի ես ընդ ձեզ եմ, ասէ Տէր ամենակալ։

ՄԱՐԳԱՐԷՈՒԹԻՒՆ ԶԱՔԱՐԵԱՅ 1:13

Եւ պատասխանի ետ Տէր ամենակալ հրեշտակին, որ խօսէր յիս՝ բանս բարեաց եւ բանս մխիթարութեան։

ՄԱՐԳԱՐԷՈՒԹԻՒՆ ԶԱՔԱՐԵԱՅ 1:19

Եւ ասեմ ցհրեշտակն որ խօսէր յիս. Զի՞նչ են այդոքիկ, տէր։ Եւ ասէ ցիս. Այդ եղջեւրք են որ ցրուեցին զՅուդա եւ զԻսրայէլ։

ՄԱՐԳԱՐԷՈՒԹԻՒՆ ԶԱՔԱՐԵԱՅ 1:9

Եւ ասեմ. Զի՞նչ են դոքա, Տէր։ Եւ ասէ ցիս հրեշտակն՝ որ խօսէր յիս. Ես ցուցից քեզ զինչ են դոքա։

ՄԱՐԳԱՐԷՈՒԹԻՒՆ ԶԱՔԱՐԵԱՅ 2:3

Եւ ահա հրեշտակն որ խօսէր յիս՝ զտեղի առեալ կայր՝՝. եւ այլ հրեշտակ ելանէր ընդ առաջ նորա։

ՄԱՐԳԱՐԷՈՒԹԻՒՆ ԶԱՔԱՐԵԱՅ 3:8

Բայց լուր, Յեսու քահանայ մեծ, դու եւ մերձաւորք քո որ նստինդ առաջի քո. զի արք կիւսահմայք՝՝ են, զի ահաւասիկ ես ածեմ զծառայ իմ զԾագումն։

ՄԱՐԳԱՐԷՈՒԹԻՒՆ ԶԱՔԱՐԵԱՅ 6:11

Եւ առցես ոսկի եւ արծաթ, եւ արասցես պսակս, եւ դիցես ի գլուխ Յեսուայ Յովսեդեկեայ քահանայի մեծի.

ՄԱՐԳԱՐԷՈՒԹԻՒՆ ՄԱՂԱՔԻԱՅ 3:1

Ահա ես առաքեմ զհրեշտակ իմ, եւ տեսցէ զճանապարհս իմ՝՝ առաջի իմ. եւ յանկարծակի եկեսցէ ի տաճար իւր Տէր զոր դուքն խնդրէք, եւ հրեշտակն ուխտի զոր դուք կամիք. ահաւադիկ գայ, ասէ Տէր ամենակալ։

ԱՒԵՏԱՐԱՆ ԸՍՏ ՂՈՒԿԱՍՈՒ 21:36

Արթուն կացէք այսուհետեւ, յամենայն ժամ աղօթս արարէք, զի արժանի լինիջիք զերծանել յայնմ ամենայնէ որ լինելոց է, եւ կալ առաջի Որդւոյ մարդոյ։

ԱՒԵՏԱՐԱՆ ԸՍՏ ՂՈՒԿԱՍՈՒ 22:31

Եւ ասէ Տէր. Սիմովն, Սիմովն, ահա Սատանայ խնդրեաց զձեզ խարբալել իբրեւ զցորեան.

ԵՐԿՐՈՐԴՈՒՄՆ ՕՐԻՆԱՑ 10:8

Յայնմ ժամանակի զատոյց Տէր զցեղն Ղեւեայ բառնալ զտապանակ ուխտին Տեառն, կալ առաջի Տեառն պաշտել եւ աղօթս մատուցանել՝՝ յանուն նորա մինչեւ ցայսօր։

ԵՐԿՐՈՐԴՈՒՄՆ ՕՐԻՆԱՑ 18:15

Մարգարէ յեղբարց քոց իբրեւ զիս յարուսցէ քեզ Տէր Աստուած քո, նմա լուիջիք.

ՊԵՏՐՈՍԻ ԱՌԱՋԻՆ՝՝ 5:8

Արթուն լերուք, հսկեցէք, զի ոսոխն ձեր Սատանայ իբրեւ զառեւծ գոչէ, շրջի եւ խնդրէ թէ զո՛ կլանիցէ։

ԹԱԳԱՒՈՐՈՒԹԵԱՆՑ ԱՌԱՋԻՆ 6:20

Եւ ասեն արք Բեթսամիւսացիք. Ո՞ կարասցէ շրջել առաջի Տեառն Աստուծոյ սրբոյս այսորիկ. եւ արդ առ ո՞ ելանիցէ տապանակ Տեառն՝՝ ի մէնջ։