ՊԱՒՂՈՍԻ ԱՌԱՔԵԼՈՅ ԱՌ ՀՌՈՎՄԱՅԵՑԻՍ ԹՈՒՂԹ 11:36 - Գրաբար Աստվածաշունչ (1895)

³⁶ Զի ի նմանէ եւ նովաւ եւ ի նոյն ամենայն. նմա փառք յաւիտեանս։ Ամէն։

ՊԱՒՂՈՍԻ ԱՌԱՔԵԼՈՅ ԱՌ ՀՌՈՎՄԱՅԵՑԻՍ ԹՈՒՂԹ 11:36 ပူးပေါင်းရင်းမြစ်များ

ԳԻՐՔ ՍԱՂՄՈՍԱՑ 115:1

Հաւատացի զոր եւ խօսեցայ, եւ ես խոնարհ եղէ յոյժ։

ԳԻՐՔ ՍԱՂՄՈՍԱՑ 33:6

Մատիք առ Տէր եւ առէք զլոյս, եւ երեսք ձեր մի՛ ամաչեսցեն։

ԱՌԱԿՔ ՍՈՂՈՄՈՆԻ 16:4

Զամենայն ինչ գործեաց Տէր վասն իւր, իսկ ամպարիշտք յաւուր չարի կորիցեն՝՝։

ՄԱՐԳԱՐԷՈՒԹԻՒՆ ԵՍԱՅԵԱՅ 42:12

տացեն զփառս Աստուծոյ, եւ զքաջութիւն նորա կղզիք՝՝ պատմեսցեն։

Մատթեոսի Աւետարան 6:13

եւ մի՛ տանիր զմեզ ի փորձութիւն, այլ փրկեա զմեզ ի չարէն. զի քո է արքայութիւն եւ զօրութիւն եւ փառք յաւիտեանս. ամէն։

ԱՒԵՏԱՐԱՆ ԸՍՏ ՂՈՒԿԱՍՈՒ 19:38

եւ ասէին. Օրհնեալ որ գայ թագաւորդ յանուն Տեառն. խաղաղութիւն յերկինս եւ փառք ի բարձունս։

ԱՒԵՏԱՐԱՆ ԸՍՏ ՂՈՒԿԱՍՈՒ 2:14

Փառք ի բարձունս Աստուծոյ, եւ յերկիր խաղաղութիւն, ի մարդիկ հաճութիւն։

ԳՈՐԾՔ ԱՌԱՔԵԼՈՑ 17:28

Զի նովաւ կեամք եւ շարժիմք եւ եմք, որպէս եւ ոմանք ի ձերոց ճարտարաց ասացին. Թէ նորա եւ ազգ իսկ եմք։

ՊԱՒՂՈՍԻ ԱՌԱՔԵԼՈՅ ԱՌ ՀՌՈՎՄԱՅԵՑԻՍ ԹՈՒՂԹ 16:27

Շնորհք Տեառն մերոյ Յիսուսի Քրիստոսի ընդ ձեզ ամենեսեան։՝՝ Առ Հռովմայեցիս գրեցաւ ի Կորնթոսէ ի ձեռն Փիբեայ սարկաւագի։

ԱՌ ԿՈՐՆԹԱՑԻՍ ԱՌԱՋԻՆ ԹՈՒՂԹ 11:12

Զի որպէս կին յառնէ, նոյնպէս եւ այր՝ ի կնոջէ, բայց ամենայն՝ յԱստուծոյ։

ԱՌ ԿՈՐՆԹԱՑԻՍ ԱՌԱՋԻՆ ԹՈՒՂԹ 8:6

Այլ մեզ մի է Աստուած, Հայր, յորմէ ամենայն, եւ մեք ի նա. եւ մի Տէր Յիսուս Քրիստոս՝ որով ամենայն, եւ մեք նովաւ։ ՎՋ

ԱՌ ԳԱՂԱՏԱՑԻՍ ԹՈՒՂԹ 1:5

որում փառք յաւիտեանս յաւիտենից։ Ամէն։

ԱՌ ԵՓԵՍԱՑԻՍ ԹՈՒՂԹ 3:21

նմա փառք յեկեղեցւոջն եւ ի Քրիստոս Յիսուս յամենայն ազգս յաւիտենից յաւիտեանս։ Ամէն։

ԱՌ ՓԻԼԻՊԵՑԻՍ ԹՈՒՂԹ 4:20

Այլ Աստուծոյ եւ Հօր մերում փառք յաւիտեանս յաւիտենից։ Ամէն։

ԱՌ ՏԻՄՈԹԷՈՍ ԱՌԱՋԻՆ ԹՈՒՂԹ 1:17

Այլ Թագաւորին յաւիտենից, անեղծի եւ աներեւութի, միոյն Աստուծոյ՝՝, փառք եւ պատիւ յաւիտեանս յաւիտենից։ Ամէն։

ԱՌ ՏԻՄՈԹԷՈՍ ԱՌԱՋԻՆ ԹՈՒՂԹ 6:16

որ միայն ունի զանմահութիւն՝ բնակեալ ի լոյս անմատոյց. զոր ոչ ոք ետես ի մարդկանէ եւ ոչ տեսանել կարող է, որում պատիւ եւ զօրութիւն յաւիտեանս։ Ամէն։

ԱՌ ՏԻՄՈԹԷՈՍ ԵՐԿՐՈՐԴ ԹՈՒՂԹ 4:18

Փրկեսցէ զիս Տէր յամենայն գործոց չարաց, եւ զերծուսցէ զիս յարքայութիւն իւր որ յերկինս է, որում փառք յաւիտեանս յաւիտենից։ Ամէն։

ԱՌ ԵԲՐԱՅԵՑԻՍ ԹՈՒՂԹ 13:21

հաստատեսցէ զձեզ ի գործս բարութեան առնել զկամս նորա, եւ արասցէ ի մեզ զհաճոյսն առաջի իւր ի ձեռն Յիսուսի Քրիստոսի, որում փառք յաւիտեանս։ Ամէն։

ԱՌ ԵԲՐԱՅԵՑԻՍ ԹՈՒՂԹ 2:10

Զի վայել էր իսկ նմա (վասն որոյ ամենայն եւ որով ամենայն) բազում որդիս ի փառս ածել՝ զառաջնորդ փրկութեան նոցա չարչարանօք կատարել։ ՎՋ

ՊԵՏՐՈՍԻ ԱՌԱՋԻՆ՝՝ 4:11

Եթէ ոք խօսիցի, իբրեւ զԱստուծոյ պատգամս. եթէ ոք մատակարարիցէ, իբրեւ ի զօրութենէ զոր շնորհէ Աստուած. զի յամենայնի փառաւորեսցի Աստուած ի ձեռն Յիսուսի Քրիստոսի. որում փառք եւ զօրութիւն յաւիտեանս յաւիտենից։ Ամէն։

ՊԵՏՐՈՍԻ ԱՌԱՋԻՆ՝՝ 5:11

Նմա իշխանութիւն եւ փառք յաւիտեանս։ Ամէն։

ԹՈՒՂԹ ՊԵՏՐՈՍԻ ԵՐԿՐՈՐԴ 3:18

Աճեցէք շնորհօք եւ գիտութեամբն Տեառն մերոյ եւ Փրկչին Յիսուսի Քրիստոսի. նմա փառք ե՛ւ այժմ ե՛ւ յօրն յաւիտենից։ Ամէն։

ԹՈՒՂԹ ՅՈՒԴԱՅԻ ԱՌԱՔԵԼՈՅ ԿԱԹՈՂԻԿԷ 1:25

միոյն Աստուծոյ եւ Փրկչին մերոյ Յիսուսի Քրիստոսի Տեառն մերոյ փառք, մեծութիւն, զօրութիւն եւ իշխանութիւն յառաջ քան զամենայն յաւիտեանս՝՝, ե՛ւ այժմ ե՛ւ յամենայն յաւիտեանս։ Ամէն։

ՍՐԲՈՅՆ ՅՈՎՀԱՆՆՈՒ ԱՌԱՔԵԼՈՅ ԵՒ ԱՍՏՈՒԱԾԱԲԱՆ ԱՒԵՏԱՐԱՆՉԻ՝՝ 19:1

Եւ յետ այնորիկ լուայ ձայն մեծ բազմութեան յերկինս ասելով. Ալէլուիա, փրկութիւն եւ փառք եւ պատիւ եւ զօրութիւն Աստուծոյ մերում.

ՍՐԲՈՅՆ ՅՈՎՀԱՆՆՈՒ ԱՌԱՔԵԼՈՅ ԵՒ ԱՍՏՈՒԱԾԱԲԱՆ ԱՒԵՏԱՐԱՆՉԻ՝՝ 21:6

Եւ ասէ ցիս. Եղէ ես՝՝ Ալփա եւ Ով, Սկիզբն եւ Կատարած. ես ծարաւելոցն տամ յաղբերէ ջրոյ կենաց ձրի։

ՍՐԲՈՅՆ ՅՈՎՀԱՆՆՈՒ ԱՌԱՔԵԼՈՅ ԵՒ ԱՍՏՈՒԱԾԱԲԱՆ ԱՒԵՏԱՐԱՆՉԻ՝՝ 7:10

Աղաղակէին ի ձայն մեծ եւ ասէին. Փրկութիւն Աստուծոյ մերոյ, որ նստի ի վերայ աթոռոյն, եւ Գառինն։

ՍՐԲՈՅՆ ՅՈՎՀԱՆՆՈՒ ԱՌԱՔԵԼՈՅ ԵՒ ԱՍՏՈՒԱԾԱԲԱՆ ԱՒԵՏԱՐԱՆՉԻ՝՝ 7:12

ասելով. Ամէն. օրհնութիւն եւ փառք եւ իմաստութիւն եւ գոհութիւն եւ պատիւ եւ զօրութիւն եւ շնորհք Տեառն Աստուծոյ մերոյ յաւիտեանս յաւիտենից։ Ամէն։