ԳԻՐՔ ՍԱՂՄՈՍԱՑ 9:14 - Գրաբար Աստվածաշունչ (1895)

¹⁴ Ողորմեաց ինձ, Տէր, եւ տես զխոնարհութիւն իմ ի թշնամեաց իմոց. ո բարձր արարեր զիս ի դրանց մահու.

ԳԻՐՔ ՍԱՂՄՈՍԱՑ 9:14 ပူးပေါင်းရင်းမြစ်များ

ԳԻՐՔ ՍԱՂՄՈՍԱՑ 106:2

Ասասցեն փրկեալք Տեառն, զորս փրկեաց ի ձեռաց թշնամւոյն։

ԳԻՐՔ ՍԱՂՄՈՍԱՑ 13:5

Անդ երկիցեն զերկեւղ ուր ոչ իցէ երկեւղ, զի Տէր՝՝ է յազգս արդարոց։

ԳԻՐՔ ՍԱՂՄՈՍԱՑ 20:5

Կեանս խնդրեաց ի քէն, եւ ետուր նմա ընդ երկայն աւուրս, յաւիտեանս յաւիտենից։

ԳԻՐՔ ՍԱՂՄՈՍԱՑ 21:1

Ի կատարած. վասն առաւօտին օգնականութեան՝՝. Սաղմոս Դաւթի։

ԳԻՐՔ ՍԱՂՄՈՍԱՑ 35:9

Արբեսցին նոքա ի պարարտութենէ տան քո, եւ զուղխս փափկութեան քո տացես ըմպել նոցա։

ԳԻՐՔ ՍԱՂՄՈՍԱՑ 42:4

Մտից առաջի սեղանոյ Աստուծոյ, առ Աստուած որ ուրախ առնէ զմանկութիւն իմ՝՝ խոստովան եղէց քեզ օրհնութեամբ, Աստուած, Աստուած իմ։

ԳԻՐՔ ՍԱՂՄՈՍԱՑ 6:3

Ողորմեա ինձ, Տէր, զի հիւանդ եմ ես. բժշկեա զանձն իմ, զի խռովեցան ոսկերք իմ։

ԳԻՐՔ ՍԱՂՄՈՍԱՑ 75:9

որպէս երեւեցար դու յերկնից, յայտնի եղեւ բարկութիւն քո՝՝. երկիր երկեաւ եւ սարսեաց։

ԳԻՐՔ ՍԱՂՄՈՍԱՑ 79:13

Ընդէ՞ր քակեցեր զցանգ նորա, կթեն զնա անցաւորք ճանապարհի։

ԵԼՔ 3:7

Եւ ասէ Տէր ցՄովսէս. Տեսանելով տեսի զչարչարանս ժողովրդեան իմոյ որ յԵգիպտոս, եւ լուայ աղաղակի նոցա ի գործավարացն իւրեանց, զի գիտեմ զվիշտս նոցա.

ԵԼՔ 3:9

Եւ արդ աւասիկ աղաղակ որդւոցն Իսրայելի հասեալ է առ իս, եւ տեսի ես զնեղութիւնն զոր նեղեն զնոսա Եգիպտացիքն։

ՄԱՐԳԱՐԷՈՒԹԻՒՆ ԵՍԱՅԵԱՅ 12:3

Եւ առէք ջուր ուրախութեամբ յաղբերացն փրկութեան։

ՄԱՐԳԱՐԷՈՒԹԻՒՆ ԵՍԱՅԵԱՅ 37:22

արդ այս բան է զոր խօսեցաւ վասն նորա Աստուած. Անգոսնեաց արհամարհեաց զքեզ՝ կոյս դուստր Սիոնի. գլուխ շարժեաց ի վերայ քո՝ դուստր Երուսաղեմի։

ՄԱՐԳԱՐԷՈՒԹԻՒՆ ԵՍԱՅԵԱՅ 62:11

Զի աւասիկ Տէր լսելի արար մինչեւ ի ծագս երկրի. ասացէք դստեր Սիոնի. Ահաւասիկ Փրկիչ քո հասեալ գայ եւ ունի զվարձս իւր ընդ իւր. եւ գործք իւր առաջի երեսաց իւրոց։

ՄԱՐԳԱՐԷՈՒԹԻՒՆ ՄԻՔԻԱՅ 4:13

Կանգնեաց եւ կաս զնոսա, դուստր Սիոնի, զի զեղջեւրս քո արարից երկաթիս, եւ զկճղակս քո պղնձիս, եւ մանրեսցես զժողովուրդս բազումս, եւ փշրեսցես նոքօք զազգս. եւ մատուսցես Տեառն զբազմութիւն նոցա, եւ զզօրութիւն նոցա Տեառն՝՝ ամենայն երկրի։

ՄԱՐԳԱՐԷՈՒԹԻՒՆ ԱՄԲԱԿՈՒՄԱՅ 3:18

Այլ ես ի Տէր ցնծացայց, եւ ուրախ եղէց յԱստուած Փրկիչ իմ։

ԱՒԵՏԱՐԱՆ ԸՍՏ ՂՈՒԿԱՍՈՒ 1:47

եւ ցնծացաւ հոգի իմ յԱստուած Փրկիչ իմ։

ԹԱԳԱՒՈՐՈՒԹԵԱՆՑ ԱՌԱՋԻՆ 2:1

Եւ յաղօթս եկաց Աննա եւ ասէ. Հաստատեցաւ սիրտ իմ ի Տէր, եւ բարձրացաւ եղջեւր իմ յԱստուած իմ՝՝. ընդարձակեցաւ բերան իմ ի վերայ թշնամեաց իմոց, ուրախ եղէ ի փրկութեան քում։