ԳԻՐՔ ՍԱՂՄՈՍԱՑ 6:2 - Գրաբար Աստվածաշունչ (1895)

² Տէր, մի՛ սրտմտութեամբ քով յանդիմաներ զիս, եւ մի՛ բարկութեամբ քով խրատեր զիս։

ԳԻՐՔ ՍԱՂՄՈՍԱՑ 6:2 ပူးပေါင်းရင်းမြစ်များ

ԾՆՈՒՆԴՔ 20:17

Եւ եկաց յաղօթս Աբրահամ առ Աստուած. եւ բժշկեաց զԱբիմելէք եւ կին նորա եւ զաղախնայս նորա, եւ ծնանէին։

ԳԻՐՔ ՅՈԲԱՅ 19:21

Ողորմեցարուք ինձ, ողորմեցարուք ինձ, ո՛ բարեկամք, զի ձեռն Տեառն մխեցաւ յիս։

ԳԻՐՔ ՅՈԲԱՅ 5:18

Զի նա ցաւեցուցանէ, եւ միւսանգամ անդրէն հաստատէ. եհար՝ եւ ձեռք նորա բժշկեցին։

ԳԻՐՔ ՍԱՂՄՈՍԱՑ 30:2

Ի քեզ, Տէր, յուսացայ, մի՛ ամաչեցից յաւիտեան. յարդարութեան քում փրկեա եւ ապրեցո զիս։

ԳԻՐՔ ՍԱՂՄՈՍԱՑ 31:10

Բազում տանջանք են մեղաւորաց, բայց ոյք յուսան ի Տէր՝ ողորմութիւն Տեառն շուրջ եղիցի զնոքօք։

ԳԻՐՔ ՍԱՂՄՈՍԱՑ 32:3

Օրհնեցէք զՏէր յօրհնութիւն նոր, զի բարի է,՝՝ սաղմոս ասացէք նմա օրհնութեամբ.

ԳԻՐՔ ՍԱՂՄՈՍԱՑ 38:2

Ասացի թէ՝ Պահեցից զճանապարհս իմ, զի մի՛ մեղայց լեզուաւ իմով. եդի պահապան բերանոյ իմոյ՝ ի հակառակել մեղաւորին առաջի իմ։

ԳԻՐՔ ՍԱՂՄՈՍԱՑ 38:3

Խուլ եղէ եւ խոնարհեցայ՝՝, լռեցի ի բարութենէ եւ ցաւք իմ նորոգեցան յիս։

ԳԻՐՔ ՍԱՂՄՈՍԱՑ 38:7

Ապաքէն որպէս ի պատկերի շրջի մարդ, սակայն ի զուր խռովի, գանձէ եւ ոչ գիտէ ում ժողովէ։

ԳԻՐՔ ՍԱՂՄՈՍԱՑ 51:8

Տեսցեն արդարք եւ երկիցեն, զնովաւ ծիծաղեսցին եւ ասասցեն.

ԵԼՔ 15:26

եւ ասէ. Եթէ լսելով լուիցես ձայնի Տեառն Աստուծոյ քում, եւ զհաճոյս առաջի նորա արասցես, եւ ունկնդիր լիցիս պատուիրանաց նորա, եւ պահեսցես զամենայն իրաւունս նորա, զամենայն զախտն զոր ածի ի վերայ Եգիպտացւոցն, ոչ ածից ի վերայ քո. զի ես եմ Տէր որ բժշկեմ զքեզ։

ՄԱՐԳԱՐԷՈՒԹԻՒՆ ԵՐԵՄԵԱՅ 10:24

Խրատեա զմեզ, Տէր, բայց իրաւամբք, եւ մի՛ ցասմամբ. զի մի՛ սակաւաւորս արասցես զմեզ։

ՄԱՐԳԱՐԷՈՒԹԻՒՆ ԵՐԵՄԵԱՅ 17:14

Բժշկեա զիս, Տէր, եւ բժշկեցայց, փրկեա զիս, Տէր, եւ փրկեցայց. զի պարծանք իմ դու ես։

ՄԱՐԳԱՐԷՈՒԹԻՒՆ ՈՎՍԵԱՅ 6:1

Եւ ասասցեն. Դարձցուք եւ երթիցուք առ Տէր Աստուած մեր՝՝, զի նա եհար զմեզ, եւ նոյն բժշկեսցէ. վիրաւորեաց, եւ պատեսցէ զմեզ.

ԹԻՒՔ 12:13

Եւ աղաղակեաց Մովսէս առ Տէր եւ ասէ. Խնդրեմ ի քէն, Աստուած, բժշկեա զնա։

Մատթեոսի Աւետարան 4:24

Եւ ել լուր նորա ընդ ամենայն երկիրն Ասորւոց, եւ մատուցին առ նա զամենայն հիւանդս որ նեղեալ էին ի պէսպէս ցաւս եւ ի տանջանս, եւ զդիւահարս եւ զլուսնոտս եւ զանդամալոյծս, եւ բժշկեաց զնոսա։

ԵՐԿՐՈՐԴՈՒՄՆ ՕՐԻՆԱՑ 32:39

Տեսէք, տեսէք զի ես եմ, եւ չիք այլ ոք՝՝ բաց յինէն. ես սպանանեմ եւ ես կեցուցանեմ, հարկանեմ եւ բժշկեմ, եւ ոչ ոք իցէ որ հանիցէ ի ձեռաց իմոց։